{ غَـاده .،
السلام عليكم ورحمة الله وبركاته ،
صباحكم / مساءكم .. كادي .. ، غاده : .. أسم مستعار لـ بطلة النص .. ، نص .. أتمنى إن يلامس ذائقتكم الساميَه ، ::::::::::: كب السهر ياجفني الخادر ونم ........ لك كم يوم ٍ ما حضنت الوساده تصبح على هم ٍ وتمسي على هم ........ أثر السهر لـمولًـع القلب عاده لو كان مايارد على صافي الجَم ........ صابر على مشقاه لعيون غاده غصن الليان إليا طـَرقه الهوى ضم ........ روح الصويب / اللي سعى في وداده لو حسبتي بالعِرف معها ولد عم ........ ماكانت الفرقـا سلاح الإبـاده عامين ماقالت لكف الوصل : سَم ........ فنجال شوق ٍ وازنين ٍ قناده عامين ماقد شمُرت لـ السَعد كُم ........ خِرب الفرح ، شيهان الأحزان صاده عامين جوُي غم في غم في غم ........ لا واهجادك يا حياة النكـاده وش حيلتي لا قلت لأمر التعب : تم ........ شجـاع خانـه بالمواقـف جواده طفل ِ حزين وفاقد ٍ بالفرح أم ........ ماذاق معسول الدَهر من مهاده غريق مايسمع صدى صوته اليم ....... حظه على غبُات الأوجاع قاده ياجاري ٍ بأقصى عروقي مع الدم ...... وصلك نِـقـاده وإبتعادك نِـقـاده [ لو في فراقك هم في رجعتك هم ] ........ قـِيـلت وأكرر بالإعاده إفــاده كب السهر ياجفني الخادر ونم ........ نوم الجريح بـ سَـلم غاده عباده :) |
[align=center]
صبـاحـكـ ورد كــ روعــة النـــدى جاءت كلمـاتـكـ على قلبـي المُجهـد دمـت بـود لــ روحـك قبائـل ورد[/align] |
غريق مايسمع صدى صوته اليم
....... حظه على غبُات الأوجاع قاده صح لسانك يا ماجد على هالنص المخدر تقبل مروري 000 ودمت . |
نص فاخر الله يجيرك يا المقاطي
ابيات عز الله جميلة وتستاهل القراءة صح لسانك ولا هنت |
كرز جده
الأروع مرورك العَطِر .. لاخلا / ولا عدم ، |
صح لساانك
قصيده جميله لك فائق الاحترام والتقدير تحياتي |
الاخ ماجد المقاطي
صح الله لسانك وسلم بنانك ابدعت بعد الكتابة وتميزت لاتحرمنا من جديد ابداعاتك وتقبل كل احترام وتقدير |
صح اللسانك يا ماجد
وتستحق المتاااابعه :) ولاهنت يا بطل ،،، |
ماجد .. قصيدة غاااارقه في الروعه والجمال
لله درك يامبدع..لك مني الموده والاعجاب والمتابعه صح لسااااانك:) |
ياسلام ياماجد
صح لسانك على التخديره هذي بس ياخوك الشطر هذه (عامين ماقد شمُرت لـ السَعد كُم) مافهمته غيمار |
ماجد المقاطي
صح الساااانك مدد أخوك |
تصبح على هم ٍ وتمسي على هم
........ أثر السهر لـمولًـع القلب عاده / \ عامين ماقد شمُرت لـ السَعد كُم ........ خِرب الفرح ، شيهان الأحزان صاده ماجد لله درك يامبدع ,, صح لسانك مـــــدد ماهوب عدد متابعتي + اعجابي ,, .. |
ماجد المقاطي
صح لسانك مدد ابداع لاهنت ابداع كل الود |
عدنان مرضي .
صح بدنك ياغاليَ .. ولا خلا ولا عدم على مرورك الجميل ، |
بدر العجمي ..
الأجمل تواجدك طال عمرَك ، صح بدنك .. ومن قال مايهون لاعدمتك ، |
صح لسانك ياماجد
وجدانيه أكثر من رائعه حاولت أن استشهد ببيت ولكني للأمانه وجدت أنها تحتضن الكثير من الإبداع فتقبل شكري على إمتاعنا بهذا الحس تحياتي وحبي . |
محمد مرزوق السميري ..
هلا ومرحبا . صح بدنك / ومرورك أجمل .، لا خلا ولا عدم :) |
مشعل الفدغوش ..
صح بدنك .. والأبداع عنوان تواجدك طال عمرك .. لاخلا ولا عَدم :) |
العزيز/ ماجد المقاطي
الله يبعد الهم والغم عن جوك وانت شجاع ان شاء الله لاهنت على هالرائعه يامبدع وصح لسانك لين تروى وتقبل صادق التحايا |
محمد مشوط ..
صح بدنك .. ومن قال مايهون ، متابعتك تسعدني .. لاخلا ولا عدم :) |
فالح المصعوك
ياهلا ومرحبا .. الروعه بحضورك طال عمرك صح بدنك ولاعِدمت مرورك العذب .. :) |
ماجد المقاطي
كلبو القصيده طيبه جدا من طيب خِرب الفرح ، شيهان الأحزان صاده اعجبني كثير صح السانك ولاهنت يالنشمي دمت بخير |
| جميع الأوقات بتوقيت GMT +3. الساعة الآن 02:28 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية