الشعر يحمل في معانيه ثنتين = جديدة
 

السلام عليكم ورحمة الله وبركاته

وأسعد الله أوقاتكم بكل خير جميعا

في البداية أعتذر عن غيابي القسري لانشغالي

في الاستعداد والمشاركة في مزاين الإبل الذي أقيم مؤخرا في الكويت

برعاية معالي الشيخ أحمد فهد الأحمد الصباح رئيس جهاز الأمن الوطني

وبحضور صاحب السمو الملكي الأمير سعود بن مشعل بن عبدالعزيز

وسعادة الشيخ ضاري فهد الأحمد الصباح رئيس نادي الصيد والفروسية

وسعادة الشيخ صباح فهد الناصر الصباح رئيس اللجنة العليا المنظمة للمهرجان

وقد كانت لنا مشاركة في هذا المهرجان وبفضل من الله تم احراز المركز الثامن في فئة الشعل

وهو يعتبر مركز جيدا خصوصا في ظل وجود كثير من المتنافسين الأقوياء من أهل أم رقيبة

وقد قلت هذه القصيدة بمناسبة مهرجان المزاين وأتمنى أن ترقى للذائقة وتنال الاعجاب



[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشعر يحمل في معانيه ثنتين=ويالله على الجزله تسدد مقالي

سلام يا جمعٍ على العز لافين=االلي بعيد الدار واللي موالي

سلامٍ أجمل من عبير الرياحين=وألذ من شرب القراح الزلالي

وأخص به نسل الرجال الميامين=آل الصباح اللي حموا كل جالي

شيوخٍ مشوا للدار ممشى حكيمين=قادوا بلدنا للرخا والمعالي

شيوخ الوفا للشعب وحنّا وفيين=لاخوان مريم من قديمٍ وتالي

بيعة ولاء مستوطنة فالشرايين=نردع بها العدوان وأهل الجدالي

وأثني سلامي للرجال السلاطين=اخوان نوره محتمين التوالي

هم ذخرنا من دون كل البلادين=وهم درعنا لاجاء نهار القتالي

وأعود للنادر زبون المخلين=حرٍ مواكيره بروس العوالي

ابن الشهيد اللي رحل عام تسعين=وبقلوبنا ذكر الفهد ما يزالي

وجانا العوض فأحمد صعوط المجانين=شبل العرين اللي شبوره طوالي

نسل الشجاعه من سلايل شجيعين=حرٍ صميدع للخطر ما يبالي

شيخٍ غدا للطيب رمز وعناوين=غير الكرم فيه التواضع مثالي

لامر ذكره قالوا الناس نعمين=وكلٍ على طيبه رفع للعقالي

وصباح أبو ناصر طليق الحجاجين=ابن الفهد مقدم قروم العيالي

اللي جهوده واضحه للبداوين=ويمشي فشف معبسات الشمالي

حرٍ ولد حرٍ له الكايد ايلين=ولا يرتكي للحمل كود الجمالي

والليث ضاري هو اكعام المعادين=عوق الخصيم إن جالهن اجتوالي

رجل المواقف لغدا العلم علمين=زبن الدخيل اللي من الخوف جالي

واليوم طاب الكيف واسترت العين=واللي جمعنا شوف زين الحلالي

والبل مزاينها تحدي مزايين=اللي ينومس شوفها بالمفالي

هزعٍ عراقبها والأرقاب مترين=طوال الغوارب ظافيات السبالي

منها مغاتيرٍ تدك الميادين=ومنها مجاهيمٍ سواة الجبالي

قد قيل عنها ما تجي كود بإثنين=بالمال وألا مرهفات السلالي

نرخص لها الغالي من أول وذالحين=ندفع لها الأثمان في كل حالي

واليوم نعمة أمن حكم وقوانين=في ظل حكام الوفا والعدالي

واللي يبا العليا يسوق الملايين=ولا ينشد الصراف ياكم بقالي

أما الذي يوفي هل الدين بالدين=يبطي ويبطي ما دخل هالمجالي

ويا سامع الدعوه معي قولوا آمين=ويا قابل الدعوه عليك اتكالي

يالله يا منزل تبارك وياسين=يا حي يا قيوم يا ذالجلالي

يا خالق الانسان من لبنة الطين=يا داير الأفلاك رمز الكمالي

ويالله يا فارض صلاة المصلين=يالواحد المعبود يا خير والي

إنك تثبّتنا على الحق والدين=وتجعل لنا من تحت عرشك ظلالي

وإنك تبدّل عسر الأيام باللين=أنت الكريم ولا لغيرك سؤالي

وجعل المزون اللي مطرها ودادين=تسقي وطنّا من حقوق الخيالي

ترزم وترعف بالمطر كل يومين=لين الصحاري الجرد تصبح زوالي

تصبح به الخدان مثل البساتين=متخالطٍ عشب الوعر والسهالي

عشبٍ جديدٍ فيه الأنواع عشرين=وهايب الرحمن معط الجزالي

تفرح به العربان فيسار ويمين=اللي جنوب الدار واللي شمالي

ترعابه الأدباش رثم العرانين=وتقطف زماليقه نياقٍ غوالي

لين الفطير يجي لها منه حجزين=ومن الشحم تبني سواة التلالي

ما ردها عنه شبوك وميادين=وحقول نفطٍ طولها بالهبالي

وننسى المطاحن يوم تصرف بتقنين=رمز الغلا والسعر فوق احتمالي

والعلم واضح للرجال الفهيمين=وليا انتهض بلهان شال الثقالي

قلته وأنا شبل الرجال المسمين=عزوة هل الغلبا زحول الرجالي

سهلين للصاحب على الضد قاسين=كسابة الطاله بعسر الليالي

والطيب عدٍ والقبايل كثيرين=وكلٍ على الجمه يمد الحبالي

وختامها صلوا على ناشر الدين=اللي هدم حصون شرك وظلالي[/poem]
وسلامكتم

الغالي /خالد السبيعي ,,,

يسرني أن أكون أول من يهنئك على القصيده الرائعه ,,,

الله يعز آل الصباح وجميع قادة دول مجلس التعاون ,,,

ومبروك فوزكم في المزاين ,,,

أتمنى لك مزيد من الإبداع ,,,

قلته وأنا شبـل الرجـال المسميـن
عزوة هل الغلبـا زحـول الرجالـي
سهلين للصاحب على الضد قاسيـن
كسابـة الطالـه بعسـر الليـالـي




كفو كفو



صح الله لسانك ياابوعبدالله



سلامي عليك

صح لسانك ياخالد


قصيده وافيه


لك مني فائق الاحترام والتقدير

تحياتي

اللهم صلّي وسلّم وبارك على رسول الله


وعليكم السلام ورحمة الله وبركاته

مرحبا يا بو عبدالله ومسهلا

حضرت وجمّلت

وتكلمت بلسان الجميع في هذه الشامله الجميله


صح لسانك وسلمت ،


..

جزلة وصح لسانك ..


كااااايفة بصراحة ..

الاخ الغالي والاستاذ والشاعر والكاتب


ابو عبدالله


هلا والله وغلا والف مبروك الفوز بهذا المركز المتقدم وأنت وافي وتستاهل كل خير وعقبال المركز الاول إن شاء الله


حقيقه غيبتك علينا كبيره ومكانك في القلب والعين مهما أبطيت أيها النقي سعدت جداً بحضوري في متصفحك العامر والشهاده في مثلك
تبقى مجروحه وتبقى أكبر من أي شهاده ..


صح الله لسانك ولاعدمنا حضورك المشرق



الله يرعاك

الله الله يالسبيعي


كفو كفو


قصيده من شاعر تهز كلماته الجبال الله واكبر قصيده معنى وحبك وسبك


صح لسانك وبيض الله وجهك


لكن فيه بيت فيه خطا مطبعي

سلامٍ أجمـل مـن عبيـر الرياحيـن
وألذ مـن شـراب القـراح الزلالـي
والذ من شرب ماهو شراب ابصم انه كذلك


وشكرا وبيض الله وجهك

أرحب ترحيبة المطر يا فيصل

ويشرفني تواجدك وحضورك

ولاهنت يا بعدي

أخوك

يا هلا وغلا يا فيصل الهاجري

ويسعدني حضورك ومرورك الكريم

ولاهنت يا بعدي

أخوك

اولا مبرووك الفوز

ثانيا صح الله لسانك وبيض الله وجهك

ثالثا الله يعز شعوبنا وحكامنا

صح لسانك مدد وسلمت

وعقبال الفوز ان شاء الله

سلمت ودمت

يا هلا وغلا يا خالد

وما عليكم زود يا غالي

ويسعدني حضورك ومرورك الكريم

ولاهنت يا بعدي

أخوك

اررررحب يا السميري

وصح بدنك يا بعدي

ولاهنت على مرورك الكريم

أخوك

خالدالسبيعي

قصيده وافيه وجزله والممدوحين يستاهلون اكثر


تحياااااااااااااااااااااااتي

وعليكم السلام ورحمة الله وبركاته
الاخ خالد السبيعي
اولا< مبروك المركز الثامن اللي حصلت عليه في المسابقه
ثانيا<صح لسانك على القصيده
ابدعت

صح لسانك ياخالد

ولك المتابعه والاحترام

اخوك

خالد السبيعي


يا مرحبا بك وبهالقصيده اللي جمعت فيها المتعه والجزاله لمن يقراها والله يعز حكام الخليج


صح لسانك وسلمت

يا هلا وكل الغلا يا أبو بندر

وصح بدنك ولا هنت على مرورك يا غالي

ودمت بود

اخوك