(( فكرة القــمّــه ))
 

مساء الخير للجميع.....


صلو على النبي.....

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

يالهاجس اللي تجيب العلم وتخمّه = الفكره الكايده كمّل معانيها

وش فيك منت امتقبّل فكرة القمّه = في شاشة العرض تكتبها وتمحيها

ان كان عندك لها عنوان قم سمّه= ترى العرب ماتعيّبها أساميها

اسمع كلامي لاجبت العلم لي تمّه=ولاّ الفتاوي نخلّيها لمفتيها

كنّي لمحته ضحك مدري فِتـَح فَمّه= ثم صاح صيحه جميع الخلق توحيها

يالله سترك من الهاجوس والزمّه= كانه تكبّر على القمّه وطاريها

قال انت تبغي كلام الصدق والذمّه = ولاّ قصيده تبي تشطّب قوافيها!!

قلت انت وش فيك؟؟ قال الكبد منسمّه= وعرباننا كبودها ماعاد تبغيها

اليعربي يارفيقي مهدرٍ دمّه= ومقدسات العرب ماهيب تعنيها

الأقصى له سنين يزهم ماحدن يمّه=وفتح وحماس اتّعارك لجل كرسيها

أحزاب ماهمّها الاّ المال بتلمّه= ولاّ فلسطين ياعزّي لراضيها

ولبنان يفجعك وضعه كيفه وكمّه= وشجعاننا حطّت ايديها بمخابيها

الفرس والغرب فيها حثّت الهمّه= وحن همّنا جوّها وسهرة نواديها !!

وبغداد فيها البلاوي صدق ملتمّه=الغرب ولّع بها وحنـّا نصاليها

ورسولنا اللي بفضله قامت الأمّه= عليه أفضل صلاة الله نصلّيها

حثالة الغرب ترسم عنه وتذمّه= وحنـّا نقول البقر انتاجها فيها

أكبر مصيبه لا والله أكبر مطمّه= وهذي النهايه ووصلّها لقاريها

وأحذر تسولف علي بطاري القمّه= وخل السياسه لهلها منت راعيها...[/poem]



سوالم.

ورسولنا اللي بفضله قامـت الأمّـه
عليـه أفضـل صـلاة الله نصلّيهـا

اللهم صلي وسلم عليه


أبدعت

وحضووور رااااائع

صح لسانك

محمد فهد العرجاني ,,,

صح لسانك وكلامك كله صحيح ,,,

والشكوى لله طال عمرك ,,,

الأقصى له سنين يزهم ماحدن يمّـه
وفتح وحماس اتّعارك لجل كرسيهـا
أحـزاب ماهمّهـا الاّ المـال بتلمّـه
ولاّ فلسطيـن ياعـزّي لراضيـهـا





ورسولنا اللي بفضله قامـت الأمّـه
عليـه أفضـل صـلاة الله نصلّيهـا
حثالة الغرب ترسـم عنـه وتذمّـه
وحنّا نقـول البقـر انتاجهـا فيهـا





كلام يجمد على الشارب ياابوفهد





سلامي عليك




اخوك خالد السويكت

يامرحبا ياوجد ولاهنتي على تواجدش الرائع

الف شكر

ودعتش الله

وعمرك مايقصر يافيصل

لاهنت على تواجدك الرائع يالهاجري

ودعتك الله

وعليك السلام اجزله واطيبه يالسويكت

لاهنت

ودعتك الله

وانت سالم وغانم وصح لسانك

وجزاك الله الف خير

تقبل ودي وتقديري

مع المتابعة وأجمل تحية

أخوك

الله الله

ياسلام عليك يامحمد

لله درك تناولت موضوع القمّه بشكل مميز

صح والله لساااانك يامبدع