وقت المواقف
 

(( هذه القصيدة لها قصه واقعيه ويضيق المقام لذكرها ))

،، غيم القصيد ،،


//
//

[poem=font="Simplified Arabic,5,black,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
ماني على مجلس العربيد ومحشش = والنوته اللي بجيبي خيرة أصحابي
وماني بقايل لقول الواقعي أشش = تصغي له إذني وأبين صادق إعجابي
غيم القصيد بضلوعي والحشاء نشش = وهلت معانيه حتى سالت إشعابي
يا بنت طبعي سحاب الوسم لا رشش = وتجف دنيا الوفاء لا طول غيابي
القلب داخل محاديبك بدى يغشش = وداخل عروقك سموم الصل والدابي
وهشيم زرعك تصرم بعد ماحشش = حشه صليف الهوى وافكار الاغرابي
وضحكك مع اللي معاه الخبث ومجشش = وقلتي علشان خبثه عفت جلبابي
وهرجك على البدو مثل الداب لا وشش = واليا لقيتي مطوع قلتي إرهابي
ماني كما الكاتم اللي لا طبخ تشش = أسخف عليك بشفق ماوترت أعصابي
وأنا أعرف الوقت من مرقابه يطشش = لكن لا زلت راسي فوق مرقابي
حرٍ بروس النوايف والحجل عشش = وعزي مع الوقت حربة راس مخلابي
ياراعي الذود وده والغنم هشش = حنا بدو والليالي تدرك خطابي
فتحت قفل الفؤاد وخاطري بشش = لأهل الوفاء والنقاء عطران الاشنابي
لاهب برد الشمال وخافقي رعشش = أزبن ذراهم وأعرفه وقت الاصعابي
وليا نصوني يبوني والخطر دشش = دش وعليهم كشر في حد الانيابي
ماني من اللي ورى البيبان متخشش = وقت المواقف قتلت الصد بحرابي
يا بنت كفين وقتك يمك تكشش = مادام دينك شرد عن كل محرابي
كسرى وقيصر سوات القش لا قشش = والصيت للمصطفى وبلال وذيابي[/poem]
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،


ملاحظه : في حركات بعض الكلمات ( تصرم بعد ماحشش ، تحت حرف الحاء كسره )
(( لاقشش تحت القاف كسره أيضا ))


تقبلوا تحيات أخوكم / عبدالرحمن البراق ،،،،

ماني من اللي ورى البيبـان متخشـش
وقت المواقف قتلـت الصـد بحرابـي


كفو يالبراق


صح لساانك طال عمرك ولاهنت


جزله من جزل


تحيتي وتقديري

وهرجك على البدو مثل الداب لا وشش
واليا لقيتـي مطـوع قلتـي إرهابـي




اي والله صح الله لسانك ياعبدالرحمن


وسلامي عليك

سلطان العصيمي هلا و غلا يالغالي وانت الابداع والجزاله صح بدنك ومشكور

عبدالرحمن البراق



صح لساااااااااااااانك


وبيض الله وجهك


على هذا النص


وافي من وافي


اخوووووووووك

خالد السويكت صح بدنك يالغالي ومرورك وسام على صدري وانت الابداع كله

عبدالرحمن البراق
صح لسانك ياعبدالرحمن
لاجديد سوى الابداع والتميز
اسمى التحايا

ماني من اللي ورى البيبان متخشـش
وقت المواقف قتلـت الصـد بحرابـي

صح لسانك يابو داحم


قصيده وافيه



لك مني فائق الاحترام والتقدير

تحياتي

والله اني احسب انه أحد آخذ لقاء معك

والعنوان هذا مانشيت اللقاء :)


صح لسانك يا عبدالرحمن البراق

والله يبعدنا وإياك وجميع المسلمين عن ما حرّم الله ،


..

تبي الصدق والله اني داخل مثل سداح

بغيت اقول حولوه على الصحافه


على العموووم صح لسااااانك ياعبدالرحمن والله يبعدنا وياك عن مثل هالدروب


لاهنت

وأنا بعد







عبدالرحمن البراق



صح فكرك الى مالا نهاية



تقديري ..

ارررررحب ياعبدالرحمن
حيه وحي ماجاب


صح الله لسانك

مدد ماهو بعدد

وافي وجزل


تقبل تقديري

عبدالرحمن البراق

صح لسانك على ما قدمت

مبدع دايم يا عبدالرحمن

أتمنى لك مزيد من الإبداع ,,,

هلا ومليون غلا للغالي تركي محمد العتيبي انت المبدع والابداع منك وفيك

عبدالرحمن البراق

صح لسااااانك

وهرجك على البدو مثل الداب لا وشش
واليا لقيتـي مطـوع قلتـي إرهابـي

ارهابي قصيد هههههههههههه

صح لسانك واسمحلي غيرت عنوان القصيدة

تقبل ودي وتقديري

مع أجمل تحية

أخوك

اللهم صل على محمد

صح لسانك يا عبدالرحمن ولا هنت

محبتي متابعتي ياغالي

اخوك

فايز الثبيتي صح بدنك يالغالي وانت الابداع كله (( ولو إني تفاجئت بتغير عنوان القصيده واعتقد مافي شي لانه يلفت الانتباه فقط لا غير وهذه طريقة الجرايد والمجلات في بعض العناوين))

فعلاً انت ارهااااابي يا عبدالرحمن






طبعاً ارهابي قصيد





صح السانك يا بو مجاهد ، قصيده جزله ، وفقك الله لما يحبه و يرضاه ،،،

عبدالرحمن

قافيه مميزه ونص جميل

صح لسانك وسلمت يمناك

ارررحب ياعبدالرحمن
وصح لسانك × صح لسانك
وسجل متابعتي لاعدمتك :)

وسلامي عليك