جفنـي وعينـي
 

[align=center]أسعد الله أوقاتكم بكل خير ومسره

أليكم

عسى أن ترقى لذائقتكم




[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليتك تشوفي كيف حالي بلياك = وتدرين من فرقاك وش صار فيني

ماغاب عن بالي خيالك وذكراك = حتى بحلو النوم طيفك يجيني

وشلون أسلي خاطري عنك وانساك = ولك صورت(ن) مابين جفني وعيني

ياغاليه ياوجد روحي للاماك = وجد اليتيم لظمة الوالديني

مافي عيوني بالبشر حي يسواك = لابأول سنيني ولا أخر سنيني

الهجر سم(ن) للمحبين فتاك = والوصل ربط قلوب للعاشقيني

العام بي تدرين وأدري بما جاك = إن ماعليك أرسلت لي ترسليني

أشكي عليك الحال وأسمع لشكواك = لو المسافه بعيد بينك وبيني

واليوم أعاني من غيابك وفرقاك = ياعظم شوقي لك ومأعظم حنيني

وين الزمن يامهجة الروح وداك = طال الصبر والشعر بيح كنيني[/poem]
حنيف بن سعيدان[/align]

^
^
^
^



وهو صادز

:)



صح لساانك يا حنيف


وانت شاعر نحرص على متابعته دوما



لك كل الود


:)

لله درك يابوخالد

والعذر والسموحه ترى ماطلعت الا متأخر من المكان اللي انت خابر


لاهنت وانا اخوك

عز الله انك شاعر يا حنيف
ثم عز الله انك شاعر


مرحبا بك وصح لسانك مدد ،،


..

الهجـر سـم(ن) للمحبيـن فتـاك
والوصل ربـط قلـوب للعاشقينـي

الهجـر سـم(ن) للمحبيـن فتـاك
والوصل ربـط قلـوب للعاشقينـي

حنيف بن سعيدان

عز الله ان الهجر سم سقطري ,,

صح لسانك ودمت مبدع

..

ياغاليه ياوجد روحي للاماك = وجد اليتيم لظمة الوالديني


حنيف بن سعيدان

نص رائع من شاعر مبدع

صح لسانك والله لا يهينك

تقبل تحياتي ,,,

الله الله الله عليك يابن سعيدان





شاعر كفوا




نفسك بالقصيده رومنسي للغايه








صح لسانك





هل من قرابه بينك وبين الشاعر
حنيف بن سعيدان الله يرحمه؟











وتقبل تحياتي

مشعان البراق

صح بدنك يالغالي

وكل الشكر لمرورك الراقي

تحياتي لك

مشاري

حي هالمرور وراعيه

نورت القصيده بحضورك يالغالي

صح بدنك

لاهنت

ابن عمي الغالي

سلطان الاسيمر

معذور ياتاج راسي

وزاد غلاك عقب الدره اللي جتك الله يخليها لك

ومبرورك يابو ناجي

ومشكور على مرورك الرائع

تحياااتي

حنيف بن سعيدان بيض الله وجهك على هذا الابداع وصح لسانك على البوح الرائع والجزاله

صح اللسانك
ولاهنت على القصيدة الطيبه ،،،
:)

الغالي

سداح

هلابك وهلا بمرورك الجميل

نورت القصيده ورعيها ياسداح

شهادتك أعتز فيها

صح بدنك

وكل الشكر

ياسر العتيبي

صح بدنك يالغالي

ومشكور على مرورك الرائع

دمت بخير

الغالي

فيصل الهاجري

حياك
نورت القصيده بمرورك الجميل

وصح الله بدنك

تحيااتي لك

الغالي

عبدالله البصيص

صح بدنك

وكل الشكر لمرورك الجميل

وبالنسبه لأستفسارك
مايحتاج الشاعر العلم/حنيف بن سعيدان (جدي)


دمت بخير

عبدالرحمن البراق

ووجهك ابيض يالغالي

صح الله بدنك

وكل الشكر على مرورك الجميل

لاهنت

الغالي

محمد مشوط

صح الله بدنك

ومشكور على تشريفك الرائع

تحياااتي لك