نومة الظالم عبادة!!
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما زرعت ارض القوافي قمح لعيون الجرادة=لو زرعت القمح لعيون الجرادة ضاع كلـه احصدوا حرفي واّ توا حقه يـوم حصـاده=والثمن ماهو بجملة( عشت والا هـا الله الله) لو كتبت الشعر ابي شهرة وتطبيل واشـاده=والله اني لاوصل لمركز قليل اللي وصل له يا حبيبـي كـل ٍيفسـر كلامـي باعتقـاده=مثل ساري الليل فا الصحرا وعينه للأهلـه شوفني علقت حرف الضاد في صدرك قلاده=يوم غيري علق حروفه على صدر المجلـه يا مقهويني سهر خل السهـر سكـر زيـاده=وانت سكر والسهر فنجان وحضورك يحلـه في غيابك كم شربت من السهر فنجان ساده=وأنت نايم والمولع في رجا (ليـت ولعلـه) نمت يا ظالم؟ ترى نومتك يا الظالـم عبـادة=اترك المظلوم يسهر ليلته وانـت اعبـد الله معك حظي ساقني للعشق وحروب الابـاده=كل ليله فاقد ٍ لي من جيـوش القلـب شلـه استقال العقل من منصبه واعطيـت القيـاده=قلبي اللي كل ليلـه يعقـد الـراي ويحلـه احسب انه قايد وقادر على فـرض الاراده=ما دريت انه غشيم ورتبتـه جنـدي مظلـه والله ان العقل مخطي يوم حول عن شـداده=الشداد اللي من سنين البلـوغ مـورثٍ لـه باي حق؟ اجتحت دولة ذات قانون وسيـاده!=من عطاك الحق تجتاح لك دولـة مستقلـة! اتفاق جنيـف للعاشـق كفـل نومـه وزاده=وانت مني سـارق الثنتيـن باثبـات وادلـه خاطفٍ نومي ومغتاله على اطراف الوسـاده=كن ما يردعك لا مذهـب ولا تمنعـك ملـه هو ينام الليل يا مجنون من ضاعت بـلاده؟=االمشاعر فـا العنابـر والحنايـا مستحلـه! لعن ابوك السيف ما يقطع وهو داخل غماده=وانت سيفك جاب في العيد قبل انك تسله!!! والسهم لو ما رماه القوس ما حقـق مـراده=غير قوسك صابني رميه وسهمه في محلـه يا الله اني طالبك فا النصر والا فا الشهـادة=لبسة اكفان المعزة خير من ثـوب المذلـة!![/poem] |
خلووووووووها
( 1 ) |
هذا الشطر عن معلقة
لبسة اكفان المعزة خير من ثـوب المذلـة!! أما باقي القصيدة فهي من عيون الشعر بلاشك |
اقتباس:
لاتستحق الاشاده فقط ولا انت بحاجه للشهاده ولكن اقول لم يعجبني من القصيده الا ما اقتبسته تحياااااااتي وتقديري بحجم ابداااعك |
عشت والله الله .. :)
تغرد خارج السرب يابوتركي .. لله درك من شاعر وصح لسانك .. ولاهنت .. تحيتي وإعجابي ، |
،
لو كتبت الشعر ابي شهرة وتطبيل واشاده والله اني لاوصل لمركز قليل اللي وصل له صادق وقصيدك خير دليل على ذا الكلام الله يسرك ولا يضرك يا العصيمي ابيات ما عليها كلام تستاهل القراءة مره ومره والاستمتاع فيها صح الله لسانك ولا هنت وفقك الله . |
الغالي نواف نايف حجرزك مؤكد ومروك الاول فخر لاخيك
لا خلا ولا عدم |
د. حمد العصيمي
صدقني انك من الشعار اللي احرص على جديدهم .. شاعر فكر وابداع وتكتب الشعر للشعر .. وتحترم الذائقه صح السانك ملايين لكن : احصدوا حرفي واّ توا حقه يـوم حصـاده والثمن ماهو بجملة( عشت والا هـا الله الله) اعتقد ان فيه خطأ مطبعي فالشطر الاول او اني ما عرفت اقراه :) / / اخووك ! |
هلا يا خالد مرورك فخر يا الامير ويشرفني دايم
لا يا غالي ما فيه خطأ هي أّ ّتوا با المد لا خلا ولا عدم |
يا دكتور الشعر
نباركلك هذا التميز صح لسانك تقديري |
لله درّك أيها العصيمي
راهيه بالحيييييييييل :) |
المبدع محمد السالم حضورك فخر لا خيك
ورايك وسام على صدري يا محمد لا خلا ولا عدم |
ياسلام يادكتور
جزل وبحر ليس له حدود الشطر اللي أشارله الحصيّن حتى انا ماعرفت اقراه غيمار |
الشطر المذكور
احصدوا حرفي ( واّتوا حقه ُ) يوم َ حصاده |
د. حمد العصيمي
لم يحدث ان قرأناك قط الا ونشيد بحرفنتك الواضحة وقدرتك الهائلة على تطويع المعاني والكلمات لتواكب جنون فكرك أبيات لا تملّ ذكية جداً .. قادرة على استقطاب العقول والقلوب معا ترضي البسطاء وترضي النخبة فتجعل للشعر رونق مختلف د. حمد العصيمي صح لسانك |
ابو مالك مرورك فخر
واشادتك وسام على صدري لا خلا ولا عدم يا شعر |
دكتور الإبداع الكبير
وشاعر الإمتاع القدير د. حمد العصيمي بعيدا عن الشهره - رغم شهرتك المستحقه - صدقني انك وصلت لمحل ٍ قليل من وصل له بحق ستبقى من رموز الابداع ومن القله جدا المبهرين في كتابة الشعر صح لسانك مدد وسلمت ، .. |
اقتباس:
أنا زيك أول ماقريته مسكت فرمله عنده ! وأعيده ثاني مره ليا يوم زبط .. هو يميل للفصحى بشكل كبير ، وينطق هكذا إذا استعظنا عن الحركات بالحروف :- احصدوا حرفي وَآآتوا حقـّهو يوما حصاده وهو اقتباس من الآيه الكريمه :- ( وَهُوَ الَّذِي أَنْشَأَ جَنَّاتٍ مَعْرُوشَاتٍ وَغَيْرَ مَعْرُوشَاتٍ وَالنَّخْلَ وَالزَّرْعَ مُخْتَلِفًا أُكُلُهُ وَالزَّيْتُونَ وَالرُّمَّانَ مُتَشَابِهًا وَغَيْرَ مُتَشَابِهٍ كُلُوا مِنْ ثَمَرِهِ إِذَا أَثْمَرَ وَآتُوا حَقَّهُ يَوْمَ حَصَادِهِ وَلا تُسْرِفُوا إِنَّهُ لا يُحِبُّ الْمُسْرِفِينَ ) 141من سورة الأنعام هذا حسب معرفتي ، ولاهنت يادكتورنا الثاني :) بس فيه البيت اللي العنوان منه ، ابي اسألك هل هو أثر أم مثل أم حكمه , لأنه ليس على اطلاقه يابوتركي ، يعني نومة العادل ماهيب عباده ؟ سلام’ عليكم |
الله الله !!
حضور مبهر يادكتور !! لله درك لله درك لله درك |
هلا عبد ربه طبعا البيت المذكور انا وضحته سابقا وهو كما ذكرت مشكورا
اما نومة العادل فهي عبادة بعد حضورك يسعدني يا الامير |
حمد العصيمي
هذه طغوة شعر الله الله الله الله الله الى مالانهاية اخوووووووووووك |
الغالي محمد العتيبي
مرورك فخر ووسام على صدري لا خلا ولا عدم يا الامير |
| جميع الأوقات بتوقيت GMT +3. الساعة الآن 12:00 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية