الا ياهجوس الشعر كيف انت كيف الحال؟؟؟
 

مساكم الله بالخير احبائي اقدم لكم هذه المتواضعه التي اتمنى ان تتقبلوها بصدر رحب وان تشفع لي عندكم عن طول الغياب







[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقولون لاتصـرف مـن المـال ولا زال=على صرف ماعنـدي وذا ورث جدانـي
كسبت العلوم الطيبـه بيـن عـم وخـال=والى من حدانـي وقتـي آجيـه متفانـي
عشقـت الطويلـه والطويلـه بهـا نـزال=نـزل قلبـي بـراس الطويلـه وخلانـي
عشق مرقبي قلبي والى جيت ضايق بـال=فصـح الله شعـوره وصـح الله لسانـي
اجيب القصيد اللي يحبـه بـدون اشكـال=واسليـه فـي خلـواه واعــد بلعـانـي
بقهويه مـن فكـري وازلـه بوسـط دلال=بعـد يقـدع المعنـى بقهويـه قيفـانـي
والـى شكـر الفنجـال باثنـي الفنجـال=واثلث له الفكـره واسـرج لـه حصانـي
الى مـن تهقوابـي رفيقـي فأنـا رجـال=اشرفـه فالقاصـي واجمـلـه فالـدانـي
والى جات من ربعي مكاتيب في مرسـال=فلانيـب متـردد ولا نـيـب متـوانـي
عزومي تسند بـي علـى طيبيـن الفـال=علـى لابتـي وان جـا لزومـن بتلقانـي
اهل سربتـن تخطـي ولا تقبـل العيـال=نهـار الملاقـا حضـروا كـل شيطانـي
والا ياهجوس الشعر كيف انت كيف الحال؟=لـك ايـام مامريـت قاعـي وريضانـي
بعـد جيتنـي يامرحبـا والعلـوم جـزال=ابقـدح علـى راس الفتيـلـه بميـدانـي
عسى الغيمه اللـي دمعهـا وابلـن همـال=بتحيي هشيـم عـروق ذربيـن الايمانـي
الى روحت مـع خايـع الـدو بالزرفـال=غطاريف ذودن لاادبـر الوقـت تشعانـي
بسند عليها وازعـج الصـوت بالهوبـال=واباقول ياهل العرف مـن حـر ماجانـي
انا لي مع الطيب مواثيـق عهـد وصـال=الى كبـرت القالـه وضاقـن الازمانـي
اسوق الرجل للمعضلـه والرجـال جبـال=وانا ماثنيت الرجـل يـوم العمـر فانـي
عسى الله يجملني واعرف الحمـول ثقـال=لها يبـرك الرجـال مقفيـت الاضعانـي [/poem]




وسلامتكم


حمود بن فطيس

ونعم


وصح لسانك وبيض الله وجهك

غيمار

الله يجمّل حالك إي والله
وصح الله اللسااانك
مدد


ولاهنت يالقرم ،،،
:)

ياسلام الله عليك يا حمود بن فطيس

والله يسعد مساك ويحييك

مجمّله و وافيه

صح لسانك وسلمت ،،


..

صح لسانك ياحمود

وبيض الله وجهك وعسى عمرك طويل على عز وعلى طاعه ,,

سلامي عليك

..

كسبت العلـوم الطيبـه بيـن عـم وخـال
والى من حدانـي وقتـي آجيـه متفانـي

ونعم يابن فطيس

وصح لسانك

وبيض الله وجهك

لك تقديري واحترامي

فارس الدلبحي

حمود بن فطيس


صح لسااانك وبيض الله وجهك


كفيت ووفيت

انا لي مع الطيب مواثيـق عهـد وصـال
الـى كبـرت القالـه وضاقـن الازمانـي

اسوق الرجل للمعضلـه والرجـال جبـال
وانا ماثنيت الرجـل يـوم العمـر فانـي

عسى الله يجملني واعرف الحمـول ثقـال
لها يبـرك الرجـال مقفيـت الاضعانـي


مجمّل وبيّض الله وجهك
وصح لسانك يابن فطيس

،


حيه وحي ما جاب

الله يجملك دايم يا حمود انت وذا القصيد اللي ينومس كل رجال
صح الله لسانك ولا هنت ويفداك الردي واللي على شاكلته

وفقك الله


.

صح بدنك يامشعان

ولاهنت على مرورك المشرف ويفداك الردي


تقبل تحيات مودعك


حمود بن فطيس

ماعليك زود يانايف

وصح بدنك يالقرم ووجهك ابيض


لاهنت على مرورك العطر



تقبل تحيات مودعك


حمود بن فطيس

ماعليك زووود يانايف


صح الله بدنك ووجهك ابيض يالقرم


لاهنت على مرورك وتعليقك العطر



تقبل تحيات مودعك


حمود بن فطيس

صح بدنك يالقرم ولاهنت على مرورك الرائع


تقبل تحيات مودعك


حمود بن فطيس

حمود صح اله لسانك


وعز الله كفو كفو


قصيده وافيه من شاعر وافي




سلامي عليك

صح بدنك يادكتور


ولاهنت على مرورك المتواصل والمشرف يالقرم



تقبل تحيات مودعك


حمود بن فطيس

ياسر

صح بدنك ووجهك ابيض يالسنافي وجعل عمرك مايقصر



لاهنت على مرورك العطر يالقرم



تقبل تحيات مودعك


حمود بن فطيس

صح لسانك ياحمود وكفو والله
ابداع في ابداع في أبداع
لايطول غيابك وهذا شعرك

ماعليك زود وصح الله بدنك يالقرم


ولاهنت على مرورك الطيب


تقبل تحيات مودعك


حمود بن فطيس

الله يحييك بعدطول الغياب

وصح لسانك

على هذه الرايعه

حمود

صح لسانك على هالطيبه وسلمت يالغالي

حمودبن فطيس

ونعم ومليون نعم

صح لسانك لين ترضى ياحمود

قمة الجزالة والاتقان والامتاع

تقبل مرور وتحية اخوك