مصافحه أولى ..
السلام عليكم و رحمة الله وبركاته
[align=center].. مقناص الحنيّه ..[/align] [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] زين هد الطير و الخد متساوي = في حماد ٍ بين عوجا والحنيه من طلع طيره يهده ما يراوي = كود قول أقضب يسمعّها خويه في حمادٍ ما رعت فيه الرعاوي = محتمينه فوق جمس بوارديه عقب سيله باذرة قفرٍ خلاوي = مخضرٍ فيه الكداده و النصيه فيه برقا الريش تدرج في المهاوي = ما تبين في الزراج محاذريه كل يوم وريشها غادي ٍ ثعاوي= من قرانيس الحرار الصيرميه كل صاروم ٍ على الهارب رهاوي = لا صفقها ما تطب الأرض حيه وخطو فرخ ٍ هاقي فيه الهقاوي = توه معلّم ولا بان صمليه أشقر ٍ تشبه ثناديه النزاوي = راسه أرخم والسراويل برديه ما نشد عنه المحرّج كم يساوي = ناصب ٍ له في العبور مناشبيه [/poem] [align=left]و تقبلوا التهاني بـ العضو الجديد[/align] |
وعليكم السلااام ورحمة الله وبركاااته
حي الله عبدالله بن عثماان .. هلا ومرحبا .. مصافحه اولى تجبرنا على انتظار القادم بكل شوق:) صح لسااانك ياعبدالله |
عبدالله بن عثمان
مصافحة تحثنا على المتابعة صح لسانك مدد ووووو ياهلابك |
صح لسااانك مليون ولا هنت
فعلا مثل ما قال اخوي مشعان مصافحه تجبرنا على المتابعه لك كل الود يالغالي :) |
ياسلام سلّم
مرحبا بك ومسهلا يا عبدالله والله يحييك بين أخوانك قصيدة شاعر متمكن وصقّار باخص صح لسانك وسلمت ، .. |
‘
يا مرحبا والله فيك بين ربعك هل المرقاب الكرام وبدايه طيبة تجبرنا علتى انتظار القادم ملاحظات املائية لا تقلل من قدر القصيدة خذ عندك من طلع طيره يهده مـا يـراوي كود قول أقضب ( يسمها ) خويـه اكيد تقصد يسمعها يعني ( ألزم ) حرف العين دحدر من العجله:) وذا فيه برقا الريش تدرج في المهاوي ما تبيـن فـي الـزراج ( محاذيـه ) اكيد انها محاذريه :) وذا وخطو فرخ ٍ هاقي فيه الهقـاوي تـوه معلّـم ولا بان ( صميلـه ) صمليه من الصمله :) :) على العموم صح الله لسانك ولا هنت والمعذره فمان الله . |
عبدالله عثمان هلا ومرحبا
صح لسانك وبانتظار ماتطرح من ابدااااع ,, .. |
مرحبا والله ومسهلاا فيك ياعبدالله
ومصااافحه تجبرنا على المتابعه وبأنتظار القادم |
حياك الله ياعبدالله
بين اخوانك وصح لساااااااااااانك اخوووووووك |
ياهلا وألف غلا يابوعثمان :)
هنيّاً لنا وجودك ..! مصافحه ولا أي مصافحه يابعدي :) بناءً على ملاحظات الذيب / بدر العجمي تم التدخّل السريع ! بقي أن أقول : سجّل إعجابي وبانتظار ماتحوي جعبتك .. سلام’ عليكم |
زين هد الطير و الخـد متسـاوي
في حماد ٍ بيـن عوجـا والحنيـه انشهد ومرحباا بك في هذا الصرح الشامخ ملييوون صح لسانك قصيده جميله لك مني فائق الاحترام والتقدير تحياتي |
يا سلام
يا سلام صح لسانك يا عبد الله ويا مرحبابك بين اخوانك ... وكما قالوا الاخوان تجبرنا على متابعة جديدك .. تحيتي وتقديري ،، |
صح اللسانك يادعجاني
ولاهنت على القصيده الطيبه :) |
ارحب ياعبدالله
والله يحييك في منتداك وصح الله لسانك مدد ماهو بعدد مصافحة جزلة من جزل وطير ينومس تقبل تقديري |
مرحبابك في مرقابك
وصح لسانك حتى ترضى وسجلني أحد المعجبين والمتابعين لما تكتب أخوك |
عبد الله بن عثمان
صح الساااانك مدد مصافحه اولى رااايعه أخوك |
اقتباس:
ياعبدالله بن عثمان شاعر وصقار قصيدته تمثل لي الشئ الكثير لأنها تعبّر عن الصقارة الحقيقية وكأني في رحلة الهدد للطيور بسماع هذه القصيدة التي تبينت فيها خبرة الصقارة بلا تصنّع تقبل تحياتي وكثر الله من امثالك أخوك/حسين الدوسري |
صبحتم / مسيتم بـ الخير ..
وافر الشكر و الثناء لجميع الأخوه و الأخوات .. على الأستقبال الحار و التحيات العطره. ، و شكر خاص للأخ/ بدر العجمي على تنبيهه بالخطأ المطبعي. دمتم بخير |
مصافحه
جميله جدا ومرحبا والله ومسهلا ننتظر منك الجديد رفيق الهم سعد العجمي |
عبدالله بن عثمان
صح لسانك مليون ابدعت وكفيت ووفيت وهيضتنا للمكاشيت |
كل يوم وريشها غـادي ٍ ثعـاوي
من قرانيس الحـرار الصيرميـه الله الله الله ابدعت صح لسااانك الف قصيده اطربتي حقيقة ً لاهنت احترااااامي و ج د |
اقتباس:
اولا عليكم السلام ورحمة الله وبركاته ثانيا مرحبا ومسهلا بك في مرقابك وبين ربعك ثالثا صح لسانك صح لسانك مصافحه تنم عن شاعر اصيل متمكن نحتاج لتواجده لك المحبه والمتابعه ياعبدالله ويامرحبا |
| جميع الأوقات بتوقيت GMT +3. الساعة الآن 07:39 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية