يا سيّدي أحمد ..!!
 

السلام عليكم ..

الاحبه في المرقاب .. ومتابعين المرقاب ..
ألتمس منكم العذر على هذا الغياب .. واتمنى ان تكون مشاركتي قادره على ان تمحى مافي صدوركم من شرهه و عتاب .. :)


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فكري .. من ايام معدوده و هو في .. دوام=مانام .. لو قام في شرع المنام .. هدبي
أسمع .. له اصوات اهازيج و صخب .. و ازدحام=كنّه .. مدرّج لقاء القمّه .. الديربي
انا .. وشعري مع احداث الدهر في .. صدام=ما غبت .. لو غاب من صدر السما .. كوكبي
ما للمشاعر .. مع الشاعر جداول .. نظام=تأتي .. و تذهب بدون إئتي ولا .. إذهبي
مشيت .. يوم الطريق المستقيم .. استقام=ووقفت .. يوم انعطف ما رحت آواصل .. حبي
دخلني .. الوقت في خانة شريط .. المهام=لين .. اصبح اهمّ حمل يقوم به .. منكبي
واصبح .. يصلّط عليّ من الهموم .. الهُمام=اللي .. نطحني مع الدرب و نهب .. مزهبي
و ابقى .. ظلوعي من الحيره بقايا .. حطام=و استيسر .. جنود فكري و استباح .. تعبي
وش .. عذري امام وجهي من مقص .. الملام=لا قام .. ياخذ من اطرف لحيتي .. و شنبي
صوت .. الحقيقه يقول : انّا بكل .. احترام=مستنقع .. الاوبئه من مرّ فينا .. وبي
بغيت .. اوقع معه و ابصم براس .. البهام=لكن .. تغاضيت و استدعيت عرق .. نسبي
و اسمعت .. و اشبعت حاضرنا الكلام .. التمام=و القيت .. تاريخينا الماضي على .. مكتبي
حتى .. استلم واقعي عنّي زمام .. الكلام=واثنى .. على طيب ماضينا و جاب .. سببي
صحيح .. كنّا العرب للمجد ذروة .. سنام=مير .. الزمن لولبه في عصرنا .. اللولبي
وشلون .. ضاعت مكارمنا و نحن .. الكرام=يا لهف .. نفسي على نفسي و ما حلّ .. بي
هيهات .. يا مجد عصر المسلمين .. القدام=تاريخك .. الصعب هزّ الشارع .. الاجنبي
منك .. أصبح الدين الاسلامي محل .. اهتمام=العالم .. اجمع بما في العالم .. اليعربي
حتى .. إرتدى وضعنا الراهن من الذل .. خام=و قامت .. تفلّت على الإسلام برق .. العبي
سلمت .. يا سيّدي أحمد عليك .. السلام=يا خاتم .. الأنبيا يا اكرم و يا اشرف .. نبي
يا خير .. مرسل على خير الامم .. و الانام=يا من .. عليه أُُنزل الوحي بلسان .. عربي
إختارك .. الله على الأمه و كنت .. الإمام=العادل .. القائد الشهم الشجاع .. الأبي
هزّيت .. مع مولدك عرش الملوك .. العظام=وأنكرت .. من طهرك الأصنام وانته .. صبي
قد .. أبصر النور من هديك و زال .. الظلام=حتى .. تبيّن بنور الحقّ كل .. مغبي
بدأت .. الاسلام و اكملته و كان .. الختام=إعلاء .. كلمتك و ابليس يخسي .. و يهبي
كمّ .. آتمنّى على قبرك يطول .. المقام=و اخبرك .. بالحال لو ماهو مثل .. ما تبي
أصابنا .. يا أبا القاسم بعدك .. إنقسام=من .. شاطي عمان حتى الشاطي .. المغربي
ذقنا .. من الغرب طعم الخوف .. و الإنهزام=نالو .. من امجادنا و اخذوا شرفنا .. سبي
و إستهزؤا .. من حرم طيبه و بيت .. الحرام=و من .. روحك الطاهره فِداكَ أمي .. و أبي
و احوالنا .. ساءت ولاهي على .. مايرام=ينتابنا .. شي من ذعر و جفال .. الظبي
صرنا .. لمبدأ سلام الشرق الاوسط .. حمام=لعبة .. حقير و لعب فيها الذكي .. و الغبي!![/poem]

1

2

بسم الله ماشاء الله يارحيم

يعني ... لا تعليق ... غير الاعجاب كله

وصح لسانك مدد

الله الله الله ..,

ابو راشد

حظووووور غني بالابدااااع

والله ان حظورك هنا يشفع لغياب سنه كامله لو كان غيابك مايسرنا ,,

ابداااااااااااااااااااع غير مستغرب ..,

صح لسانك وبيّض الله وجهك وجعلها الله في ميزان حسناتكـ ...
احترامي
..

اللهم صلّ وسلم على سيدنا محمد وآله وصحبه أجمعين

رحيّم الغنـّامي

رغم غيابك الواضح والمفقود والذي اشتكى منه جميع ذوّاقة الشعر والابداع في المرقاب الا انك غبت وجبت ..
أتيت بـ درة كاملة متكاملة ويعلم الله إنها من أجمل القصايد اللي قرأتها في هذا المجال إن لم تكن الأجمل ..
سبك وحبك وتمكن وسلاسة وفكرة .. كل حرف في مكانه بدون حشو ..
صح لسانك لين ترضى يابو راشد ودمت كما تحب ..

إعجابي
إعجابي
إعجابي
إعجابي

‘




الله الله الله

الله الله الله

حيه وحي ما جاب عز الله انك جزل وذا القصيدة من خيرة القصايد اللي مبطي ما قرينا مثلها

صح الله لسانك ولا هنت يا رحيم وجعلها في ميزان حسناتك ان شاء الله



كل التقدير




،

رحيّم الغنامي

(ابو راشد)


شاعرنا المبدع المتفرّد الجميل


يعلم الله ان غيابك مشهود وانك مفقود

ويعلم الله اني احب شعرك


قصيده يكفيها جمالاً انها لك

اللهم صلي على سيدنا محمد وعلى آله وصحبه أجمعين

رحيّم الغنامي

صح لسانك وبيّض الله وجهك ولله درك على القصيده اللي أكثر من رائعه

تقبل تحياتي ,,,


قصي

رحيم


لي عوده

اللهم صلي وسلم وبارك على اشرف الأنبياء والمرسلين

جلل الله قدر غر الجبين افضل نبي

رحيّم الغنامي

بيض الله وجهك بياضٍ يشيع ويبدي كل ريع

وصح لسانك

عز الله انها وافيه

غيمار

اولاً: حي والله هالشوووفه يابو راشد وعزالله انك ابطيت علانا مره مره مره

ثانياً:لي عودهـ اخرى بل عودات احداها للرد بأذن الله:)

الاخ القدير والشاعر الكبير رحّيم الغنامي

حطيتنا بين خيارين احلاهم مر بين مرارة غيابك وحلاوة قصيدك
وحنا طماعين نبي الثنتين :)
اما عن القصيده فأنت غني عن اشادتي وعارف اعجابي
وصح لسانك

يالله حيّ رحيم

وصح اللساانك مدد يالشاعر الموهوب
والشهاده دمها شخاتير
:)

أبو راشد :_

لي عودة .. متأنية ..


والله يحيي هالطله ..


,

رحيم الغنامي


صح لسانك مليون ولاهنت


تقبل تحياتي
أخوك : مشعل محمد المطيري




لك كل الود

اللهم صلي على سيدنا محمد وعلى آله وصحبه أجمعين

رحيّم الغنامي

اللهم صلي على سيدنا محمد وعلى آله وصحبه أجمعين

رحيّم الغنامي


اللهم صلي على سيدنا محمد وعلى آله وصحبه أجمعين

رحيّم الغنامي لاتعليق انت اكبر من الكلام وقصيدك اكبر واكبر والله اكبر ..

ياخي عسى جنسك وااااجد :)



ولي عودات أكثر من عودات فااااالح !


<- ماشافه وفي عينه القطره :(


..

,

الله الله الله

عز الله انك مبدع يا ابو راااشد !!

من افضل القصايد اللي كتبت في الرسول

ابدعت ابدعت ابدعت

تاكد اني استمتعت بقراائتها

اعجاابي من قديم والان يتجدد

وغيبتك مسموحه عقب هـ القصيده

تحياتي وتقديري واعجابي !!


...

لله درك والله لا يضرك

رحيّم

صح لسانك

ولاعدمتك

هذا من ؟؟؟

برب لين أصدق