الرحلة اللي بهـا الرجـال مـا يستفيـد
 

[align=center]السلام عليكم ورحمة الله وبركاته

هذه قصيده للشاعر / ذعار الفريدي ( ولد أمس ) اتمنى ان تنال رضاكم ..

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الرحلة اللي بهـا الرجـال مـا يستفيـد=هو ليه يتعب بها والمستفيـد أخصمـاه
لا صار ما مكسبه فيها محقـق وأكيـد=إما رصيـد أخـرة وإلا معيشـة حيـاه
أحسن له الرجل يقصرها بحبـلٍ جويـد=بيت الرجل راحته وعياله أولـى زمـلاه
قصدت لاقصد لـي ياعاشقيـن القصيـد=دافـع معانـاة فـوت بغيبـة الإنتبـاه
والفوت رغمٍ على طوع الذكـي والبليـد=لكن الأسباب يوقى شرهـا مـن إتقـاه
وإن ساق لي المثل وأضفت طابع بريـد=عليه رمز الحكم في ذاتـه اللـي قـراه
ليه أدّعي عالـمٍ واضـح مـرده جحيـد=وش يستفيد الفصيح أليا أعترف في خطاه [/poem]

دمتم بخير
..[/align]

تسلم ياعزيزي ياسر !


على جلب هذه الدره من درر المخضرم ( ولد أمس ) الذي فرق بحكمته عن ( شعراء اليوم )

عندك بعض الأخطاء الطباعيه ، لها تأثير قوي على مايقصده الشاعر أساساً ، فمثلاً :-


لكن الأسباب يوقى شرهـا مـن التقـاه

التقاه : جمع تقي ، وفي هذا قلب لمراد الشاعر ،
والصحيح : اتقاه <- ضمير غائب ..

أمّا لو نظرنا لها كما طبعت بالخطأ ، لوجدنا ان المعنى يتغيّر بكثير ، كأن يقول الشاعر :
شر الأسباب من التقاه اللي هم أهل التقوى !!

أرأيت يا أخي ياسر كيف تؤثر الأخطااااء على معاني الكلمات ؟؟؟


سلام’ عليكم

ياااسر تسلم والله على نقل هذه الدره للشاعر/ذعار الفريدي

شاعر حكمه مخضرم .. والعالم الله ان ملاحظه ابو عتيق في محلها

الف شكر ياياسر

لا صار ما مكسبه فيهـا محقـق وأكيـد
إما رصيـد أخـرة وإلا معيشـة حيـاه


ياسلام


لاهنت ياسر على النقل الجميل

الف ,, شكر

ياسر العتيبي

لاهنت على ذالنقل الرائع .. قصيدة كايفة معنى ومبنى

دمت بحفظ الله

ابو عتيق هلا ومرحبا وجهه نظر وانت اعلم مني

ولكن اعتقد ان المقصود بالتقاه : التقوى وبذلك يكون معنى البيت :

ان التقوى تقي من شر الاسباب ...

شكرا لك ياشيخنا الغالي ..,
..

أهلاً بك يا أغلى من الغالي :)



مدري ، لوكانت كما ذكرت ..

لكن يبدو المعنى غير واضح ، ولا أعتقد أن هذا هو اسلوب ولد امس المعروف ..
وإن كان ذلك كذلك فأنت محق وأنا لاتعتبر ردي الأول إلاّ صفراً على الشمال !
ولابد من التأكد من النص الأصلي سواءً سماعي أو مقروء ، بودي لو تأكدت من المصدر يا أخ ياسر :)


سلام’ عليكم

الاخ العزيز / ابو عتيق

هذا رابط القصيده توَح فيها زييييييييين ثم عطني رايك لاعدمتك
وتراني ماقدرت اميز من صوت الشاعر

http://www.maathir.net/bader/alre7lahally.ram

سلامووو عليكم ,,
..

يامرحبا بك يابعدي :)


كيفك بعـد الجربعه هههههههه


شف أنا تسمّعتها ووضح لي 85./. أنه يقول : ((( إتـّـقـاااااه )))
بمعنى جعل بينه وبينه وقايه ، وبالعامي تجنبه !

مشكور على متابعتك واهتمامك يالقرم :)

سلام’ عليكم

8
8
8
وانا مؤيد لرأي المطوّع

ولا هنت ياياسرر على هذه الدره الثمينه

وهذا من ذوقك الرفيع ياغالي

والله يعينك على الجربعه :)

يا سلام يا ياسر


والله جزله ودره


تسلم يمينك يالغالي


لك كل الود


:)

الغالي / فالح المصعوكـ

ياهلا ومرحبا بك وسلمت ..
..

ماجد النويشر هلا وغلا

هلا بك وهلا بمرورك الرائع
..

اخي ياسر العتيبي

قصيدة جميلة ورائعها، أتحفتنا بها ونقلتها لنا بذوقك الراقي


تقبل تحياتي وتقديري

سلمت يا ياسر

ياسر العتيبي


لاهنت على النقل الرائع


تقبّل ودّي وتقديري