تدمع عيون وتبكي قلوب ورجال
[align=center]قصيدة في رثاء الشيخ عبدالعزيز بن خالد بن جامع أمير الفوج الخامس بالحرس الوطني شيخ قبيلة الروسان – رحمه الله -
تدمع عيون وتبكي قلوب ورجال سحابةٍ من حزن يبكي مطرها ما عاد باقي للصبر عزم وحبال ونفوسنا قو المصيبة كسرها يا شيخنا واميرنا صبرنا زال عقبك وكلٍ دمعته ما ذخرها ما هوب دمع الا مدى عمرنا سال وايامنا اللي معك مرّت صورها هيبتك.. نظراتك.. مواقفك.. الاقوال أفعالك اللي كل طيّب ذكرها لا قيل ابن جامع وجا ذكر الافعال قلوب ربعك وقفت من فخرها لو تنفدى بالمال وش قيمة المال دونك يساق من الجواهر صررها ولو تنفدى بارواح يفدونك عيال بسنينهم ويزيد عمرك بــ اثرها بس القدر محتوم واوقات الاجال محدودة ما فيه حي عبرها الله يظلك عن لظى النار بظلال وفجنة الرحمن تقطف ثمرها والناس قالوا في تعابير الامثال كلمة وحنا شايفين خبرها ما مات من ورث بعد موته اشبال فيهم عزانا فالحياة وقدرها [/align] |
تغمد الله الشيخ عبدالعزيز بن جامع بواسع رحمته
وشكراً لك يا زايد الرويس على هذه القصيده المرثيه في من يستحقها وهو فقيدة علينا جميعاًَ وتقبل تحياتي وتقديري حسين الدوسرى |
اقتباس:
الله يرحمه فقيد عتيبه ويسكنه جنات النعيم وصح لسانك وأنا أخوك |
لا قيل ابن جامع وجا ذكر الافعال
قلوب ربعك وقفت من فخرها رحمه الله رحمة واسعه واسكنه مع عباده الابرار عز الله انه فقيده ابو خالد صح لسانك يا زايد وسملت ، مع اصدق التعازي ، .. |
لا قيل ابن جامع وجا ذكر الافعال
قلوب ربعك وقفت من فخرها رحمه الله رحمة واسعه واسكنه مع عباده الابرار عز الله انه فقيده ابو خالد صح لسانك يا زايد وسملت ، مع اصدق التعازي لعتيبه كافه فارس الدلبحي |
اقتباس:
انه فقيدة ماهوب على ربعه وبس الا على نجد واهلها شيخ وتنومس به المشيخة وقول وفعل وطيب وكرم رحمه الله وغفر له وجعل مثواه جنات النعيم زيد احسن الله عزاكم وعزانا في شايب الجميع والله يجعله في عليين اللهم امين لك التحية |
رحم الله ابو خالد واسكنه فسيح جناته ,,
صح لسانك يازايد واحسن الله عزاك وعسانا ,, .. |
زايد الرويس
صح لسانك واحسن الله عزاك و عزانا في الفقيد .. والله يرحمه رحمةً واسعه ان رحمته وسعت كل شي .. سلمت و غنمت .. .. |
الله يرحمه ويسكنه الجنه
ويلهم اهله الصبر والسلوان وصح لسانك مدد يازايد |
لو تنفدى بالمال وش قيمة المال
دونك يساق من الجواهر صررها ولو تنفدى بارواح يفدونك عيال بسنينهم ويزيد عمرك بــ اثرها بس القدر محتوم واوقات الاجال محدودة ما فيه حي عبرها الله يظلك عن لظى النار بظلال وفجنة الرحمن تقطف ثمرها عليه رحمة الله ومرضاته .. ووفقك الله يازايد وأثابك على ماقدمت هنا .. سلام’ عليكم |
الله يرحمه ويسكنة الجنه
صح لسااانك مدد يازيد اخووووك |
رحم الله الشيخ عبدالعزيز بن جامع واسكنه فسيح جنته
لاهنت يا زايد وصح لسانك واحسن الله عزاكم محبتي واحترامي اخوك |
زايد الرويس
الله يرحمه ويلهم ذويه الصبر والسلوان وصح لسانك على رثائه غيمار |
الله يرحمه ويسكنه فسيح جناته
ويرحم جميع اموات المسلمين ويلهم اهله وربعه الصبر والسلوان صح لساااانك ولا هنت معبره يا زايد لك كل الود |
الله يرحمه عزالله إنها واقعه على قلوبنا
نعم الشيخ جمع المحامد والخصايل وسجل مجده في لح الزمن وبقلوبنا لكن هذا المكتوب علينا كلنا أسأل الله أن يجعله بالفردوس الاعلى وهذه بشاره (( قال عمر بن الخطاب كنا جالسين مع النبي صلى الله عليه وسلم فمرت جنازه فأثنينا عليها خيرا فقال الرسول صلى الله عليه وسلم وجبت ، قلت يارسول الله ماوجبت قال وجبت لها الجنه أنتم شهداء الله في أرضه )) ونحن لم نعلم عن الشيخ رحمه الله الا الخير ،،،، صح لسانك يازايد وعظم الله اجرنا وأجركم |
اقتباس:
الله يجزاك خير وانا اخوك ولاهنت على تعازيك |
مامات من عقب بعد موته اشبال فيهم عزانا فالحياه وقدرها
صح لسانك والله يرحمه ويسكنه فسيح جناته تحياتي |
اقتباس:
جزاك الله خير والله لايهينك والله يرحم فقيدنا |
رحم الله الشيخ وأسكنه فسيح جناته
وجبر الله مصابنا جميعا لم يكن شيخ لـ الروسان فحسب بـل كان لعتيبه كافة .ّ.!! صح لسانكـ يازايد مددا بلا عددا |
الله يرحمه ويسكنه فسيح جناته
نعزي قبيلة عتيبه كاااااافه بموت هذا الرجل الشاااااامخ انا لله وانا اليه راجعون |
اقتباس:
صح بدنك يا سداح والله يجزاك خير وانا اخوك ولاهنت |
الرائع زايد الرويس
الله يرحم الشيخ عبدالعزيز بن جامع .. قصيدة وفاء في رجل وفاء تعجز الكلمات ان تفيه حقه لمكانته المرموقه في قلوب ابناء عمه والناس كافه .. احسن الله عزاكم وعزائنا جميعاً .. وصح السانك يازايد .. اخوووووووووووووك |
| جميع الأوقات بتوقيت GMT +3. الساعة الآن 01:44 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية