محدن عطا الجوال للبرج تصريح
 

السلام عليكم بويتات ارجوا ان تنال استحسانكم :

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشعر غيض وفيض مدح ونصايح= ولاغزل فام الرمـــوش الذوابيح
يازين نظم القاف والبال ســـــــايح=في مرتعن بين النواوير والشيح
ابعيد عن جو المــدن والــــروايح =والسوق واحزان الهوى والتباريح
في موقعن ماتشتغل به شــــرايح=محدن عطا الجوال للبرج تصريح
لابه مرور ولانظــــــــام ولوايح=في دبرة الله مجري االفلك والــريح
مافيه من ينشدك وين انت رايح =لاحرمتن تشكي ولاورعن يصيح
معك الرجال اهل الفخر والمدايح = الكل منهم ضاري بهبة الريــح
ليل ونهار معلقين الــــــــــذبايح= اعزاز قومن تستحق المفاطيح
الرجل يدرى نفسه عن الفضايح= ويترك طريق ملقح الهرج تلقيح
واللي يخاوي كل ساقط ودايح =ماينحسب ظمن الرجال الطحاطيح
اكيد من عين المشاكيل طـــايح=وبنين بلا سيسان لابده يطــــــيح
لو كان راس المال عشرة منايح= اخير من خوة رخوم وسلاتيح . [/poem]

صح لسانك


ياغلاب


وتقبل :



التقدير ..

صح لسانك أخوي غلاب العالي

أبدعت وقافية الحاء كانت رائعة مناسبة جداً للموضوع الذي تطرقت له


يشعر معها القاريء أو المستمع بالجو الذي تتحدث عنه القصيدة

تقبل تحياتي

غلاب العالي


صح لسانك



جبتها على الجرح ياغلاب


تحياتي وتقديري

غلاب العالي

ايوالله مقبوله

وصح لسانك ولاهنت

غيمار

ياسلاااام !

أهم شئ الكنود شغّال بـس ؟!


وان غديت علانا ياغلاب ..


انت شكلك تركن إلى الهدوء ،


..

صح لسانك

ولاهنت

غلاب العالي

شاعر مبدع مافيك حيلة
صح السانك مليون ولا يكفون
ودمت بحفظ الرحمن

بنت وايل شكرا على ردك لاهنتي ...

صح لسانك ياغلاب



قصيده رائعه وجزله


ومعاني لها صدى



لك مني فائق الاحترام والتقدير



تحياتي

مافيه من ينشدك وين انت رايـح
لاحرمتن تشكي ولاورعن يصيـح


ههههههههههههه



ياااااااا سلااااااام عليك



والله ابدااااااع وجمااااااال وعذووووبه


جزله من راس جزل



لك كل الود


:)

غلاب العالي


صح لسااانك مدد

نص رائع بكل ماتعني الكلمه

تقبل حضوري

وكل التقدير

غلاب

صح لسانك لين ترضى

نص كل ما فيه كايف

قافه ومفرداته ومضمونه

تقبل مروري وتقديري

يامرحب يافراج الدوسررررري ملاااااايين ولايسدن ..

ابو رشيد وجود اسمك ينومسني في متصفحي لاعدمتك وصح كلك وسلملي على الشايب جعل عمره طويل ,,

نايف المقاطي هلا ملااااااايين وتشرفت بمرورك ...

يالمطوع هلا وغلا لا ما نبا لاكينود ولا غيره نبا سوالف شرواك وخوته ..


لاهنت على التواجد يالذيب ..

غلاب العالي


صح صح السانك مدد

وااافيه وجزله

سلمت


أخوك

متعب فهد صح بدنك ولا هنت ....

عزالله ما كذبت ..
ابدعت يا غلاب وقلت اللي فـ الخاطر ..
صح لسانك ألف وجاد بيانك ..

تحيّتي

مرحبا مليون ياغلاب


مافيه من ينشدك وين انت رايـح
لاحرمتن تشكي ولاورعن يصيـح


عز الله ان البال سايح على كذا :)



صح لسانك مدد ،


..