ناقــه يعني ناقــه !!
 

الاحبه هنا ..
السلام’ عليكم ورحمة الله ..

هذا إهدائي لهذا القسم ،


وكلٍ حسب قدرته !




















[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا شف بالي شوف وضحاً تتل الذود=طفوحٍ نظرها والمغاتير تتلاها
ليا روّحت وألاّ مع الصبح يوم تقود=تبي عشبةٍ متعهّدتها بمفلاها
ورى قعدةٍ سودا تتل الحبال السود=من الولف خطرٍ بالقوائم توطاها
لها برثعة خشمٍ خنف والسبال بزود=ولها سيف لحيٍ زايدٍ عن حلاياها
توارد ملامحها سهيفٍ عريض خدود=تفوق الوصوف وملح ربي تغرشاها
عليها انتلاله جل خلاّقها المعبود=ياسبحان ربٍ بأحسن الوصف سواها
كبيرة مقاشر راس ودقاقة العنقود=ترافع مقادمها تهازع مقفاها
وروس الأذاني للأباهر تقول سدود=وطول ارقبتها ميزةٍ من مزاياها
وسيعة نحر ماودك يشوفها المقرود=ولاشافها راع النظر ماتعدّاها
شديد الوضاح مدعّجه زينها مشهود=تزيد الشريطيه على ريح طرياها
دواير وبرها في محيط السنام عقود=عقودٍ من اللولو على الجنب محلاها
سنادٍ من الغارب على غاية المقصود=شناحٍ تموح الأرض مع زين ممشاها
قصيرة فقاره عمرها من اللحم مجرود=تحلف إنها حائل وهي فأول لقاها
طويلٍ عريضٍ جنبها مشيها بسنود=عريضٍ قصيرٍ ذيلها وين تلقاها
تفاهق سنامٍ فوق حجبانها مشدود=عراقيبها عقلاء تصاغر بماطاها
عليها الحلق من بينهن مطرقٍ ممدود=ولاعمرها رِدت على غير مشهاها
ولدها ورى المليون يشرا وهو مفرود=وأبوها ..... الأجاويد وأغناها[/poem]


الشاعر الكبير / دسمان بن مناحي السبيعي



.:. آخر بيت كأنه ماهوب واضح عندي ،
من لديه البيت بشكله الصحيح فليأتنا به :)
وشكـراً

انت دائما اختياراتك على مستوى عالي

وهذا يدل على ذائقه رفيعه بلاشك

ابو عتيق

بيض الله وجهك

ومن عادة الجزل مايجيب الا الجزل

وصح لسان السبيعي ولسانك

‘





ارحب

جعله خطٍ ما ينقطع :)

يا مرحبا يا مطوعنا هذا انت ما تجيب الا كل مميز الله لا يهينك
قصيدة ما عليها كلام ووصف جميل وتمكن الله يصح لسان راعيها


عبد ربه


لا هنت
لا هنت
لا هنت

لا عاد تقاطعنا الله يثيبك يا شيخ




فمان الله

ولدها ورى المليون يشرا وهو مفرود
وأبوهـا ..... الأجاويـد وأغنـاهـا


:)

أكاد أجزم انك تعرف المحذوف

ولا ارى فيه عيب ..

لكن تبي الصحيح أختيار موفق

وقصيدة مالها مثيل ...

وأبوهـا ... نوق الأجاويـد وأغنـاهـا

عاد المفقود على وزن "فعل"

ودعنا الله !!

لاهنت والله يالمطوّع
وكايفه بالحيل
والقصيده قد سمعتهااا مبطي من شريط
واللي محذوف
إن كان ماهوب (( دفن فقر ))
والا مدري مدري ...
:)

حياك الله عبد ربه

اختيار جميل

وصح لسان شاعرهاااااا


الف ,, شكر

الله الله الله


صح الله لسانك ولسانه وهذي طراتها ياعبدربه

نقل موفق ووصف فريد عز الله

تشكراتي يابو عتيق

تسلم ياسلايل عسكـــر :)

حضورك جميل أنت أجمل منه !
<- تسنه شايفه ;)

عبدربه

صح السان الشاعر دسمان مناحي السبيعي
وشكرا على طرحك للموضوع

ماعليك زود يابوحسـّـان :)
لاعدمتك !

ووجهك أبيض ياعفاس :)

تسلم تسلم تسلم .

سلّمه
سلّمه
سلّمه
وهب له بنتٍ تعلّمه !





وأبشر باللي نقدر علاه يابوناصر فديتك :)


أخيك
..

راجع رد ابن مشوط ياحارثي ..

تسيف ضرب ؟؟

هذي منك وأنت ناقد أكاديمي ؟؟؟


:(

صدقت هي في شريط تواصيف الجزء الثاني ،

وبالنسبه للمحذوف أتفق معك بنسبه كبيره ،
هاعلّم الحارثي لا يشطح كذا بعدين :(


سلام’ عليكم

الله الله

صح لسان دسمان .. والله يبيض وجهك على النقل المفيد .

صح لسان الشاعر / دسمان بن مناحي السبيعي

ولاهنت عبدربه على النقل المميز


تقبّل مروري وتقديري

شكراً على مرورتس يانفح .

صح لسان الشاعر

ولاعدمنا تواجدك المفيد يا ابو عتيق