أول دعوه للمشاركه في المرقاب الفضائيه
الإخوه والأخوات
( أهل المرقاب ) السلام عليكم ورحمة الله وبركاته نعم أنتم أهل المرقاب .. اكررها دوماً كل عضو في هذا المنتدى يعتبر من أصحابه اعزائي / قناتكم (( المرقاب )) على وشك التدشين بإذن الله وماهي الاّ أيام قلائل حتى يتم إطلاقها في عالم الفضائيات . ولإننا نسعى لإن يكون : المنتدى وأعضاءه رافداً مهماً للقناه . اتمنى مشاركتكم في : وضع أبيات خاصه تتحدث عن / العلاقه الأزليه بين الشعر والشعراء و المرقاب ، وسنقوم بإذن الله بوضعها كفواصل مغنّاه ( شيلات ) بين برامج القناه . مع مراعاة : - أن تكون بين 4-6 أبيات . - أن تتحدث عن المرقاب و الشعر فقط . - سيتغنى بالأبيات بمعيتي عدد من المنشدين . ومن لديه القدره على غناءها بصوت شجي يسعدنا تعاونه معنا . - كتابة الأبيات في هذا الموضوع . وسنقوم بالعمل على تنفيذ أغلبها لتكون شيلات خاصه لقناة المرقاب . يجدر بالذكر أن من أجمل الأبيات في المرقاب قول الأمير : محمد بن الاحمد السديري يامعدي المرقاب خلّه لمشتاق .............. حوّل وخل مولع القلب يرقا ولكم اصدق واجمل تحيّه . |
بالتوفيق للمرقاب واهله
والتعاون مطلووووب الله لايهينكم وابشروا بالخير تحياااااااتي |
[align=center]أبشر بعزك ياأبوفيصل
سر بعون الله للآمام ونحن معك ولاكن الأبيات نضعها هنا ولانرسلها لآحد وبالتوفيق إن شاء الله فارس الدلبحي[/align] |
العلم ابو فيصل
ثق ثقه تامه انه يهمنا نجاح المرقاب في كل اتجاهاته كمجله ومنتدى وقناه والشعار والاخوه الي في المنتدى ماهم بمقصرين ووفقكم الله |
ابو فيصل
تأكد بأن الكل سوف يبذل مابوسعه لإنجاح وتميز وتفرد هذه القناة لانها تمثل كل عضو مرقابي وبالتوفيق ان شاء الله |
نتمنى التوفيق
لثلاثي الإبداع منتدى المرقاب و ومجلة المرقاب وقناة المرقاب وهي الأهم ويجب الظهر بماهو مغاير للسائد من القنوات الله يوفقكم غيمار |
بالتوفيق بالتوفيق
والمرقاب والشعر وجهين لعملة واحده.. والحمدلله كل أعضاء هذا الصرح الشامخ نجوم شعر.. تحية وتقدير |
ياسلام يابوفيصل
ايه هذا الكلام اللي يجمد على الشارب عساه على القوة |
ابو فيصل الشباب ماراح يقصرون وعلى
ماقلت منتدانا وقناتنا ومجلتنا المرقاب منا وفيه وبإذن الله راح ينقل التراث الي عالم مغاير عن مايتصف به الآن طبعا نقله إيجابيه ياشباب شدو حيلكم البيت مايثبت الا فوق سيسانه |
بالتوفيق يابو فيصل وكلنا للمرقاب منتدى وقناه ومجله
وشكرا من القلب لما تقدمونه للشعر والشعراء |
شاعرنا الكبير ابو فيصل
بارك الله في جهودك وكل الشكر لما تقدمه انت والاخ معيض العتيبي وجميع القائمين على قناتنا قناة المرقاب .. تحمست وسجلت هذه الابيات على عجاله والشهاده مجروحه بلا شك [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"] جينا نرود الفضا والنور قايدنا=ونحط بين القمر والشمس ماريّه وعلى نجوم السماء نصنع قلايدنا=ونعطي لمدلولها بعض الحيويّه يا اللي تدوّر عن أهل الشعر شاهدنا=علاقة الشعر بالمرقاب طرديّه وحنا لتوثيقها هاذي سواعدنا=برامج موثّقه وأخبار حصريّه نهدف بمجهودنا نحفظ عوايدنا=ونصون كل المفاهيم التراثيّه لنا عن الغير ما يثبت تواجدنا=من بدّ كل القنوات الفضائيّه ومشاهدتكم تشرّفنا وتسعدنا=جمهورنا من مكاسبنا الحقيقيّه دايم على شاشة المرقاب موعدنا=والبثّ ما ينقطع والذبذبه حيّه [/poem] أطيب المنى بالتوفيق ، ... |
الله يوفقكم
ويوفق الجميع |
تسلم يابو فيصل والله يوفقكم
|
المرقاب يستاهل وابشر بالخير
|
بالتوفيق يبوفيصل يشرفني أهداء هذا البيت لأخي ســـداح
[poem=font="Tahoma,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"] دايم على شاشة المرقاب موعدنـا= والبثّ ما ينقطـع والذبذبـه حيّـه[/poem] |
[align=center]شاعرنا العلم حبيب العازمي
عساك على القوه ومن اعلى الى اعلى ومن نجاح الى نجاح ويسعدني ان اكون ثاني المشاركين بعد اخى سداح راجيا ان تنال اعجابك واعجاب الاعضاء والزوار متواضعه لاترتقي لهذا الصرح الشامخ راجيا لها القبول[/align] [align=center]الاولى[/align] [poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يامعدي المرقاب والقلب مشتاق= ارقه ومعْك امعذب القلب يرقا فى راسه الشاهق من الشعر برّاق=خلاّ القمم من جزل الاشعار غرقا وعلى المعنّا ينسكب عذب رقراق= ويجلي غيوم الحزن وتعود زرقا يرقاه ملهوف لهنا البال توّاق=ومن العنا في خافقه نوح ورقا وينزل وحصّله من الطيب مالاق=وينسى همومٍ قادها ضيم فرقا[/poem] [align=center]الثانيه[/align] [poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يا معدي المرقاب ماهو بمرقاب=مرقابنا من فوق روس المراقيب راسه يعانق مزن بالطيب صباب= يحي قلوبٍ من دهرها معاطيب وفاقصى جذور الشعر ثبت له اطناب=وخلا غصونه مزهراتٍ تراحيب تلقابه اكنوزٍ بلا حارس وباب= غالي ولك جزل المكارم معازيب وان جيت عاني شاكي ٍ ظلم الاحباب= تلقي به السلوى وتلقابه الطيب[/poem] |
بالتوفيق للمرقاب واهله
والتعاون مطلووووب الله لايهينكم وابشروا بالخير تحياااااااتي |
.
الرمز حبيب العازمي نأمل لقناة المرقاب أن تمنح الشعر قيمته وتبعث قيمه بالتوفيق والسداد . |
ابشر بالخير يابوفيصل هذا واجب علينا وحنا جاهزين وراح ندعم القناه لانها غليه من غلا راعيها متى ماتبغون الابيات تراها جاهزه
اخوك بدر بن نايف بن عصاي |
[align=center]
السلام عليكم ورحمة الله وبركاته ابارك لجميع المنتمين لهذا الصرح الشامخ على (( قناة المرقاب الفضائيه )) وبالتوفيق اما المشاركه فهي متواضعة جدا ولكن المشاركة مطلوبه من الجميع اذا امكن[/align] [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] وجه ريموتك على المرقاب=واسمع وشاهد وتابعنا ومن التعب ريح الاعصاب=يامشاهد البث طاوعنا مرقابنا يجمع الاحباب=مهما تباعد روابعنا عن الخوالي نفك الباب=بالصوت والشعر والمعنا لان المشاعر على المرقاب=يعجب صداها مسامعنا عبر الفضاء نبذل الاسباب=لرضاء عيونن تتابعنا[/poem][align=center] خالد دغيمان الحربي[/align] [align=center]مجددا العذر منكم فهذه مجرد مشاركه على عجاله وسداح والاخوان كفوا ووفو وبانتظار القادم من الاخوان وسلامتكم جميعا[/align] |
ابوفيصل
الله يوفقك لمايحبه ويرضاه .. ويوفق جميع العاملين على قناة المرقاب المنتظره .. ونتمنى أن تصبح القناة ملاذ الشعر الحقيقي الذي أسس من أجله وهذا مانتمناه ونتوقعه .. وبجهود الإخوان والشعراء وتعاونهم سوف تكون الإنطلاقه مميزه بإذن الله .. كل التوفيق والنجاح ، [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"] جينا نرود الفضا والنور قايدنا=ونحط بين القمر والشمس ماريّه وعلى نجوم السماء نصنع قلايدنا=ونعطي لمدلولها بعض الحيويّه يا اللي تدوّر عن أهل الشعر شاهدنا=علاقة الشعر بالمرقاب طرديّه وحنا لتوثيقها هاذي سواعدنا=برامج موثّقه وأخبار حصريّه نهدف بمجهودنا نحفظ عوايدنا=ونصون كل المفاهيم التراثيّه لنا عن الغير ما يثبت تواجدنا=من بدّ كل القنوات الفضائيّه ومشاهدتكم تشرّفنا وتسعدنا=جمهورنا من مكاسبنا الحقيقيّه دايم على شاشة المرقاب موعدنا=والبثّ ما ينقطع والذبذبه حيّه [/poem] صح لسانك ياسداح |
[align=center]بسم الله
هلا يابو فيصل وبالتوفيق ان شاءالله ومن باب المشاركه اسمحولي بهذه الابيات [/align] [align=center]http://montada.mergab.com/images/vbv_11.gif[/align][poem=font="Simplified Arabic,6,black,bold,normal" bkcolor="transparent" bkimage="" border="solid,4,gray" type=2 line=1 align=center use=ex num="0,black"] ألا يامشاهدينا مرحبا مافاحت الأطياب = وعدد مالاحتِ بْروق الحيا في كل ديمومه على الموعد حضرنا واعتلينا قمة المرقاب = وبثّينا لكم عبر الفضاء الرحب منظومه جديده في ملامحها وتسْهِب فالرقي اسهاب = وباختام التميّز والقصيد الجزل مختومه بها حِفْظ التراث اللي سطع نجمه بعد ماغاب = بِاراده شامخه وعزوم مِن لاتَفْتَر عْزومه قناةٍ ترضي الذوق الرفيع وْتَكْسَب الاعجاب = ونجم ارسالها فوق السحاب وعالي نْجومه أصيله مِنْ أصالتها ويكفيك اسمها المرقاب = وعلوّ الإسم يوحي بالفخر ويجدّد رْسومه [/poem] |
| جميع الأوقات بتوقيت GMT +3. الساعة الآن 06:11 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية