بعد (( العشا .. وين )) .. !!
 

..

السلام عليكم ورحمه الله وبركاته ..


مواهبيه ..
ترددت كثيراً في (( انزالها )) اتمنى ان (( ترتقي )) لكم ..

في حبيب القلب (( الببسي )) ..


:)

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
البارحه طرت عليّ الطواري = شوي .. واحرر قضية فلسطين
بين الهموم امسيت بايع وشاري = من هاجس ٍ ياخذ بي يسار ويمين
لا دق بي دقيت سلف السفاري = وغنيت له .. ياعين ياليل ياعين
ولا يشفي السهران والليل ساري = الا انت يالببسي سعوط المجانين
تقطع ضرم راس ٍ على العز ضاري = حرام فيك ريال والا ريالين
مفروض هذي للعصير التجاري = اللي مايشرونه ياكود (( .... ))
ماني بـ قايل من شربك انتحاري = اقول ما مثلك خوي ٍ على الدين
لولاك .. والله ماطلبنا البخاري = ولا ضربنا الخمس بعد العشاوين
اربع قواطي .. لي ولابو مشاري = والحج متولي .. ومدحت حسنين
اللي ليا شانت .. وجيه الغداري = وشان الزمان .. وميّلن الموازين
يرسون لا جاء فالدعاوي مواري = مثل القبايل بين هاك الحفيفين
هذي طواريّه .. ولانيب داري = وين العرب ياسعود عني .. وانا وين
مديت حتى اخطيت مد السواري = لكن .. ماينلام من لاوع البين
جرح الهوى ياعنك ماهوب باري = وياشر من جرّب فراق المحبين
لكن مايكتب على العبد جاري = وماقدّر المولى على الراس والعين[/poem]

ابرجع على رواقة :)

بدق بالخمس


وعلبة ببس

وجي معود


لاهنتو

عبدالرحمن حمد العتيبي

اي بالله هذا الاصلي خل الحمضيات وغيرها ..

عدد كراتين الببسي فالعالم : صح لسانك .

هلا
هلا
هلا
والكاذب للنار
:)
وصح الله قلبك واللسانك وفكرك إي والله ...

الله الله الله :)

اثر الببسي يسوّي سوايا

ويقول مانيب شاعر بعد


صح لسانك يا بوحمد عدد علب وزجاجات البيبسي في الشرق الاوسط


..

ههههههههه

ببسي عاد .. يابوحمد
تدري عاد .. انا من هواة (( الكولا ))

لكن علشان شاعريتك الفذّه .. ابا ارجع مره ومره

إنتظرني .. :)

صح لسانك ياأبوحمد على الفكاهية الممتعة :)
تصدق لويدرون بها شركة الببسي يمكن يعرضون عليك التنازل عنها
وإخراجها في إعلان تجاري مقابل مبلغ مغري , أو على الأقل يمنحونك
كم كرتون ببسي ( العوض ولاالقطيعة) :)

،








قبل كل شي الله يكفيك شر البيبسي اللي ما وراه ولا ذرة منفعه ان بغا ورا كبسه ولا لحاله




اما القصيدة والاعجاب مفروغ منه دايم وانت تتحفنا وتشبعنا من الشعر اللي يستاهل القراءة اكثر من مره

صح الله لسانك ولا هنت يا عبدالرحمن شاعر تستاهل المتابعه دايم


وفقك الله وجعله يبلاك بحليب الابل بدل البيبسي قل امين :)



فمان الله




.

ههههههههههه

ابو حمد صح لسانك على هالفكاهيه الرائعه

لواني صرت من هواه (( الكوكا كولا )) عقب اعلان شفته اليوم ;)

تحياتي لك وننتظر منك غيرها
..

هلا والله

بعبد الرحمن ببسي

اشوفك تجدل علان من كراتين الببسي فالاستراحه هههههههه

اثر مهاب من امرن هين

حي والله هالشاعريه والببسيه الي تكتب فيها


صح فكرك وكلك يابو حمد (حمني)

ماشاء الله ماشاءالله





استاذ في كل شي








صح احساسك وفكرك ملايين يامبدع







اما الببسي على جنب



<< من انصار الحمضيات :)

صح لسانك

يارحيم

ابو حمد



هههههههههههههههههههههه




عان العيال شارين كراتين ببسي هالشهر فالاستراحة



الببسي وقصة عشق لا تنتهي !!!



صح لسانك ملييوون


عندي حامد البراق يقول ياولد ذا متخلف للحين على الرز البخاري والله مدري وش عنده ههههههههههههههه





لك فائق احترام وتقدير اخوك !!!!

هههههههههههه

إنتهى عصر ( الرسلان ) أجل ..


لوإني وكيل شركة البيبسي - عطيتك عطاء من لايخشى الفقر :)



ابو حمد .. صح لسانك والله لايحرمك البيبسي .. بس سؤال على السريع !
جمع كلمة بيبسي وش !!

تكفا لاتقول بباسي :)

:
:

هههههههههههههههههههه

يالربع ..
(( أنا )) مانيب (( أنا )) .. !!
<-- ايقون (( اصلع )) ماعاد عنده شعر ينتفه .. !!



:)

من أنت أجل لاتكون أنا
>>>> إيقون واحد شاربٍ ببسي على الريق :)

والله ان اغلب الصبايا يحسدن الببس الذي انتهك حقوقهن في مثل هذه القصيده ..


مجنون وبطران كلمتين ماتوفيك حقك ...

والقصيده اجرام ..