شيابنا اهل الجود شمطان اللحى
السلام عليكم ورحمة الله وبركاته
بويتات لها مناسبة والعذر على التقصير [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] البارحة عن عيني النوم انتحى = نادمت ليلي والخلايق ممرحة سهرت لين ان العرب كل ٍ صحى = والضيق في صدري وعيا يبرحه فالصدر هم ٍ من ونيني ما استحى= وفالعين حزن ٍ بالعباير تشرحه دنياً تدور وتدّرج مثل الرحى = حتى جبال العز خلتها برحة شيابنا اهل الجود شمطان اللحى = اهل النبا اللي كل صدر ٍ يشرحه من فوقنا كانوا مثل شمس الضحى = واليوم غابوا في لحود الاضرحة واللي بقى منهم تعزر وانلحا = له منظر ٍ حتى العدو ما يفرحه غصن ٍ تقشر عنه عيدان اللحا = ادنى مهب ٍ يعترض له يطرحه من شوفته فالقلب وسم ٍ ما انمحى = ودمع ٍ تهامل فوق خدي وجرحه[/poem] |
صح لسانك يامشعل
والله يرحمهم ويرحم شيبان المسلمين ولاهنت |
من فوقنا كانوا مثل شمس الضحى
واليوم غابوا في لحود الاضرحة الله يرحم موتى المسلمين واللي بقى منهـم تعـزر وانلحـا له منظر ٍ حتى العدو ما يفرحـه يالله حسن الخاتمه ,, ابو فالح صح لسانك مدد ... كايفه ومحزنه ودعوة للتفكر ,, سلامي عليك وعلى ابداعكـ .. |
صح الله لسانك
وعز الله قصيده في مكانها |
مشعل الذيابي ., غفر الله لهم جميعا واسكنهم فردوس جنانه ., وعز الله العزيز انك شاعر فاخر يامشعل دوّن الاعجاب وصح لسانك مدد وسلامي عليكـ ., |
6
6 6 |
اقتباس:
عزالله اني قريت لي قصيدتن كااااااااااااااااااايفه مشعل الذيابي صح لسانك مدد بلا عدد تقبل المرور والاعجاااااااااااااااااااااااااااااااااااااااااااا ب اخوك |
شاعر عذب يامشعل جعلك تحيا :)
هاسلم لي علاااااك .. أخوك |
صح لساانك يامشعل
وافيه مافيها كلام تحياتي لك |
مشعل الذيابي
كفو كفو كفو وصح السانك ياعلم الشعر وبيطاره |
صح اللسانك
والله يحسن خاتمتنا وخاتمة المسلمين :) ولاهنت ،،، |
والله انك مبدع وجبتها على الجرح يا مشعل ..
لله درك والله لا يضرك وانا اخوك .. صح لسانك ودمت كما تحب .. تحيّتي |
اقتباس:
نسأل الله للاموات الرحمه والمغفره ,,, وللاحياء طولة العمر على العز والـطاعه صح لسانك يامشعل ,,, ابيات تسوى قصايد مطوله والله محبتي واعجابي وامتناني لتواجدك الفريد ياغالي اخوك |
من شوفته فالقلب وسم ٍ ما انمحى
ودمع ٍ تهامل فوق خدي وجرحـه الله الله الله الله مشعل الذيابي الله يرحم شيبانك واموات المسلمين أجمعين .. ويمد الحيين بالصحة والعافية . , صح الله لسانك وعزالله انك ابدعت يابو فالح مبدع دائما ً هنا وهناك تقبل مروري |
نسأل الله للاموات الرحمه والمغفره ,,,
وللاحياء طولة العمر على العز والـطاعه صح لسانك قصيده جميله لك مني فائق الاحترام والتقدير تحياتي |
والله انها من ازكى الابيات يا مشعل
الشيبان هم الخير والبركه فعلا رعاك الله وصح لسانك ، .. |
الغالي فهيد بن عصيدان
الله يجزاك خير يافهيد ولا هنت يالغالي على مرورك الكريم تحيتي وتقديري |
الغالي ياسر العتيبي
الله يحييك ياياسر كل الشكر لاطلالتك الجميلة وكلماتك العذبة لا هنت يالغالي وبيض الله وجهك |
الغالي المسري
حياك الله يالغالي كل الشكر لكريم مرورك لا هنت وبيض الله وجهك |
الغالي مشعان البراق
حياك الله يامشعان صح بدنك يالغالي وكل الشكر على سخاء مرورك وعذب اطرائك وبينا اتصال ان شاء الله ما هوب على شان اسمعك ها البويتات لا والله الا على شان اسمع ابداعاتك اللي ما لها حد يا مشعان تحيتي وتقديري ....اخوك |
الغالي عناد النفيعي
الله يعطيك الف عافية وشهادة مبدع بحجمك ياعناد وسام وشرف وتاج على راسي كل الشكر على سخاء مرورك وعاطر ثنائك تحيتي وتقديري |
الغالي مضحي السميري
حجزك محله القلب ياولد سامر تقبل تحية وتقديري اخوك |
| جميع الأوقات بتوقيت GMT +3. الساعة الآن 01:56 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية