مصافحه اولى
 

السلام عليكم ورحمة الله وبركاته

اما بعد

اخواني اعضاء هذا المنتدى الشامخ باعضاءه وطرحه الراقي اضع بين ايديكم هذه المتواضعه

واتمنى ان تحوز على استحسان الجميع


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
المواقف تجارب باقيه ماتزول = لو أهلها نستها مانستها الانام

مامحتها الليالي راسخه فالعقول =رددّوها على مر الدهر عام عام

كل رجلٍ وله منهج ومنطق وقول = لاحكمها ضمن له بين ربعه مقام

فيه رجلٍ سريع الحكم دايم عجول = والركاده اخير امن اختراق النظام

وفيه رجلٍ طويل ذراع نسل الزحول = وفيه رجلٍ يخاف امن العرب والزحام

وفيه رجلٍ يحب الخير يلقا قبول = وفيه رجلٍ حياته من حرام لحرام

المواسم تغير جوّها في فصول = نوب حر وقيض ونوب برق وغمام

انتهى الشوط الاول في سباق الخيول = والمهار الأصيله جودت بالجام

غيرة البدو تكرم عن مقام الخبول = والسيوف الصقيله تفتخر بالحسام

ماعكست المسير ولاثنيت الرحول = يوم اسرح نياقي صبح ماهو جهام

من يسولف بفعله مايسد الفعول = سدها الصامت اللي وقفته ماتلام

بين غدر الزمان وبين بنت الأ صول = وقف ابن الرجال اللي عليه الكلام

علمتنا ليالينا نصول ونجول = لو نخلي عوايدنا علينا السلام

والمواقف كثيره مانبيها تطول = راس مال المواقف فالرجال الحشام

أرسل الله على خلقه محمد رسول = طاب ذكره عليه أفضل صلاة وسلام[/poem]

حياك من ملفاك لملقاك يا هادي :)

المواقف تجـارب باقيـه ماتـزوللو أهلهـا نستهـا مانستهـا الانـام
مامحتها الليالـي راسخـه فالعقـولرددّوها على مر الدهـر عـام عـام


قصيده تنم عن قصاد


صح لسانك وطاب فالك



تحياتي/ حامد

يامرحبا بك ياهادي ،
ومرحبا بمصافحتك الثانيه على ما اعتقد بعد مصافحة الاعتذاااار :)


الأكيد ، إنك شاعر بمعنى الكلمه ,,,,



أبيك الله يرضى عليك تنتبه لي لآخر بيت :
أنزل الله على خلقه محمـد رسـول ,,

اللهم صلِ وسلم على محمد ،
كلمة ( أنزل ) ، كأن توظيفها خاطئ في هذا السياق ،
لأن محمد - صلى الله عليه وسلم - مرسل ، والقرآن الكريم منزل ،
لو استبدلتها يكون أفضل ، وأنا اعلم علم اليقين إنك لاتقصد الا الخير من هذه القصيده ككل !



سلام’ عليكم

صح اللسانك ياهادي
وبيض الله وجهك على المصافحه الطيبه
:)

أنزل الله على خلقه محمـد رسـول
..................طاب ذكره عليه أفضل صلاة وسلام

صح السانك وسلم بنانك

تحياتي لك

صلى الله وسلم وبارك على نبينا محمد


وعليكم السلام ورحمة الله وبركاته

مرحبا ومسهلا يا هادي والله يحييك


شاعر بمعنى الكلمه ويتجلا ذلك من المصافحه الاولى


فيه رجلٍ سريع الحكم دايـم عجـول
والركاده اخير امن اختـراق النظـام

وفيه رجلٍ طويل ذراع نسل الزحول
وفيه رجلٍ يخاف امن العرب والزحام

وفيه رجلٍ يحب الخير يلقـا قبـول
وفيه رجلٍ حياته من حـرام لحـرام


لم تكذب برب السموات


صح لسانك مدد
وسملت على هذا البدع الحكيم والمميز ،


..

هادي


ماشاء الله عليك


تمكن واضح


وصح لسااااااااااااانك


وبيض الله وجهك

واكرر الترحيب فيك


اخووووووك

صح لسانك ياهادي

وهلابك ومرحبا مصافحه مليئه بالحكمه والجزاله ..

..

كل رجلٍ وله منهج ومنطـق وقـول
لاحكمها ضمن له بين ربعـه مقـام



مرحبا والله ومسهلا يابو فلاح ..



صح لسانك .. شرفت شرفت .. وبحضورك



تحيتي وإعجابي بشخصك وشعرك ،

من يسولف بفعلـه مايسـد الفعـول
سدها الصامت اللي وقفتـه ماتـلام
بين غدر الزمان وبين بنت الأ صول
وقف ابن الرجال اللي عليـه الكـلام


الله الله الله

صح لساانك يا هادي

قدوم شاعر مذهل وجودك في المرقاب مكسب

صح لساانك ولا هنت

تقبل تقديري ومتابعتي !!

..

يامرحبا والله ياحامد

صحت ابدانك
ولاهنت على مرورك الكريم وشرف لي ان تكون اول المارين
تقبل تحياتي

يامرحبا بالاخ والزميل : عبد ربه

صحت ابدانك
ولاهنت على الإيضاح اللي في محله
انتم اساتذه ونحن مااتينا إلا لنستفيد شكرا على مرورك الكريم
دمت بخير

محمد مشوط

ياهلا وغلا صحت ابدانك ولاهنت على المرور

دمت بخير

ياسلام عليك


صح السانك


ابدعت واجدت


تحياتي لك

صقر المعتاد ياهلا وغلا

صحت ابدانك ولاهنت على مرورك الكريم

وعليكم السلام ورحمة الله وبركاته,


اللهم صلي على محمد



العبدلي




صح لسانك




مبدع ومافيها كلام


ويشهد على ذلك نصك


وخصوصا اول ثلاث ابيات



تقبل تحيتي واعجابي


اخوك
علي طرقي العتيبي

حياك الله ياهادي العبدلي
وصح السانك
من يسولف بفعله مايسـد الفعـول
سدها الصامت اللي وقفتـه ماتـلام
صح لسانك مدد تقبل تحياتي

هادي

نص عالي الشاعريه صح لسانك وسلمت

ياهلا وغلا بلأخ والزميل سداح


اللهم صلي وسلم وبارك على نبينا محمد وعلى آله وصحبه أجمعين

صحت ابدانك
والله لايهينك على مرورك الأكثر من رائع
تقبل تحيات أخوك
ودمت بخير

يامرحبا فيك يافايز

وصحت ابدانك والله لايهينك على مرورك الأكثر من رائع

دمت بود

اللهم صلي وسلم عليه "

صح لسانك ياهادي أجدت وأبدعت

تحيتي لك