رثاء الشيخ ((عبدالعزيز بن جامع))
 

بسم الله الرحمن الرحيم
رثــاء ومواساة في وفـاة الشيخ / عبـد العزيز بن جـامـع شيخ قبيلةالروسان وأمير الفوج الخامس. رحمه الله رحمه واسعة واسكنه فـسيح جناته

[poem=font="Simplified Arabic,7,black,normal,normal" bkcolor="transparent" bkimage="backgrounds/27.gif" border="double,7,black" type=0 line=0 align=center use=ex num="0,black"]
عز العزاء يوم ان بقعا دهتنا=والموت في شيخ الدويله دهانا
هو شيخنا ... زيزومنا...داهيتنا=عقيدنا... فقيدنا... بومرانا
ليت الليالي في بقاه امهلتنا=ولا خذت غيرة لو انه حدانا
بس المنية فيه ما شاورتنا=الموت إله موعد مكان وزمانا
صلوا عليه العصر في عاصمتنا=وحنا بعد موت (ابو خالد) حزانا
فقيدةٍ مثله على مملكتنا=يقولها مليكنا يوم جانا
عبد الله إللي معه ذعذع بختنا=قايد مسيرتنا وحامل لوانا
رغم ارتباطاته حضر تعزيتنا=وحنا لبو متعب نقدم عزانا
قال المصيبه كلها صايبتنا=ولله ماننسى واحد مانسانا
والأسره اللي كلها أزرتنا=قالو ترى خطب رزاكم رزانا
سيرتك يارمز الوطن مفخرتنا=وصيتك رفع فالمجتمع مستوانا
شيخ الكرم مكارمه شاملتنا=ما يستمع لفلان ولافلانا
نلقاه لامن الظروف ازنقتنا=يكسب محبتنا.. ويدمح خطانا
ما هوب شيخ لاتضايق شمتنا=أن شان وقته شان.. ون زان زانا
ثبّت لنا ملك كبير وثبتنا=هذي مشاريعه عيانا بيانا
ملكٍ قبايل نجد فيه أغبطتنا=ماحد تميز بالممالك سوانا
(حاتم عتيبه) قصته نومستنا=له موقف مشهود في ملتقانا
ضيّف عتيبه كلها يوم جتنا=وحطو مزاينهم بداخل حمانا
وقفات ابن جامع جميع أجمعتنا=ماهوب يشقر بالمواقف عصانا
شيخة شرف بين العرب شرفتنا=يشهد لها التاريخ طول الزمانا
شيخ ليا من البلاوي بلتنا=هو درعنا هو سيفنا عن عدانا
أخصامنا من هيبته هايبتنا=ودياننا دايم يرده مدانا
ما يحصى أفعاله كلام السنتنا=أتعجز الشاعر فصيح اللسانا
بس العزاء يوم أنها فرقتنا=في ستةٍ ما مثلهم فا الاخوانا
أمالنا فيهم وفيهم ثقتنا =حصن تصاهل مثل هاك الحصانا
اللي بقت ذكراه في ذاكرتنا=عسى مقره في نعيم الجنانا
[/poem] شعر / نايـف بن غتـار الـرويس

1


حجز

الشاعر القدير / نايف الرويس

صح لسانك وبيض الله وجهك ورحم الله ابو خالد واسكنه فسيح جناته ,,

..

الله الله يا نايف

بيض الله وجهك على هـ المشاعر / ولا هي غريبه

ابو خالد يستاهل ويستاهل

لا هنت لا هنت

تقبل تقديري !!


..

آمين
آمين



الله يرحم الشيخ / عبدالعزيز إبن جامع وجميع أموات المسلمين .. عزالله إنه فقيده .. وعزالله إن مآثره طيّبه ..



صح لسانك يانايف على هالمرثيّه ..



تحيتي ،

نايف بن غتار الرويس

آمين آمين

وصح السانك واتمنى من الاخوان تصغير القصيده لان العجز غير واضح

الله يرحم الشيخ / عبدالعزيز ابن جامع ويسكنه فسيح جناته

وصح لسانك / يانايف انا اشهد انك رثيت

آمين آمين

رحم الله الشيخ عبداعزيز بن جامع وعز الله انه فقيده


وصح لسانك يابوفارس

قصيده جزله كفيت ووفيت

آمين
آمين



الله يرحم الشيخ / عبدالعزيز إبن جامع وجميع أموات المسلمين .. عزالله إنه فقيده .. وعزالله إن مآثره طيّبه ..



صح لسانك يانايف على هالمرثيّه ..

صح لسانك



قصيده وافيه



والله يرحمه ويرحم اموات المسلمين



لك مني فائق الاحترام والتقدير


تحياتي

الغالي نايف الرويس

الله يرحم ابن جامع ويدخله فسيح جناته

وصح لسانك مدد على هالمرثية الصادقة

تحيتي وتقديري

أي والله عسى مقره في نعيم الجنانا

اللهم آمين

وعز الله انك رثيت

ورحم الله الشيخ الكبير عبدالعزيز بن جامع


صح لسانك يا بن غتار وسلمت ،


..

يا مرحبا يا نايف


الله يرحم الشيخ .. عبدالعزيز بن جامع .. ويسكنه الجنّه


وصح الله لسانك ... وسلمت يمينك

فايز ابو رجيله
ياسر العتيبي
محمد بن مصوي
شكرا على مشاعركم ولكم تحياتي

محمد صالح العتيبي
مناحي الفرزه
عدنان مرضي
صحة ابدانكم والله يقبل دعاكم
ولكم تحياتي

[align=center]صح السااانك واعتلااا شااانك

ولاهنت يانايف وبيّض الله وجهك


وعسا الله يرحم الشيخ عبد العزيز

وكل مسلم تقبل تحياتي ومروري [/align]