ياعبدربّه لقينا جرتك فالشعيب !!
 

ياعبدربه لقينا جرتك فالشعيب
في ليلةٍ مظملة مانوّر هلالها


والريع مقعود قدمك والجبل فيه ذيب
والناس شافتك والدنيا على حالها

الله الله الله انا اروح قسمين ياشيخ القسم الايمن روقي والايسر برقاوي هههههههه ..

مواقفكم سابقه وتستاهلون وننتظر الابدااع ... العب العب ..

غلاب بن عايض

ههههههههههههههههههههههه سامحك الله


تقديري الجمّ ؛؛؛

الله الله الله

بعدي يا سعود عندكيه
وتراني في صفك

شافوك العرب ياعبدربه انت تحسب الناس مغمضين عيونهم عنك مايشوفونك .. ها عسى .. :)

لا تاوي له ياسعود وازهل الصف ..

الليل ياعبدربي

^

تراك تحت الضوء يارحيم ،
لاتخليني اقول فيك شئٍ ماينقال :(


<- من العجله مارد على غلاب ..

طيب طيب

:

ياسعود في تالي الايام مابه غريب
أقولها والعرب كلٍ بعد قالها

من يوم شفتك تقول أهلاً بخوي الحبيب
وأنا دريت ان هالكلمات يبغى لها
..

رحيّم الغنامي

شفت شلون جاله يوم :(

تقديري الجمّ ؛؛؛

الله الله عليكم

طارووق كايف

مما يجعل مساؤنا يزداد تألق بهالعلوم الكبار

سجلوووني متابع

<<< من الجمهور

فيصل الجعيد

هلا والف هلا والف هلا

تقديري الجمّ ؛؛؛

اسمع يابو عتيق والليل الليل

سيّس وقيّس وخلك فالمنابر خطيب
واشرب من الدلة اللي دار فنجالها


لايدخلك شك وان صار لك حظ ونصيب
اكبس على راسك البسام وعقالها

فالح المصعوك

كلنا في صف الكشباوي يالكشبي

تقديري الجمّ ؛؛؛

..

تراك قدمي وراسك مابقى الا يشيب
ولافيه نفسٍ تحاسب غير بأعمالها


عشانك انسان طيب بآخذ العلم طيب
وإن زدت زوّدتك الكفـّه بمكيالها!

السهم الاول خطى والسهم الاخر يصيب
والحالة الله يبارك فيك يرثى لها


خذها وذقها و وقف فوق ساقٍ صليب
وادهن بها شاربك والدقن واسبالها

الرجل يعرف مقام العيب ويقول عيب
قدام ياعمها قدام ياخالها

من يوم يـ سهيل غبت وبان نجم الكليب
البدو عن مارثتها شدت رحالها

..

هههههههههههههههه

ياوجدي عنك وجداه ..
حاول تجيب كل قوتك ولانت مسوي شي بعد .. :(

سعود بعدي اي والله

ازوه .. :)

^
^
ابك فاردزني هنا يابن الحلال ،
<- كب الاعضاء وتناول رحيم
ههههههههههههه

الله الله

معكم والصف نفيعي والعين ترا


الليل الليل

والرجل لاصار ماله في حياته صحيب
قسمه مع ام الكباير قسمة عيالها


عزالله اني ذبحت لك الشبب ياشبيب
وازريت لاتاكل اللقمة على فالها

ماكل طالب دخل فصل الدراسه نجيب
ولاكل من شاف من تومي له أوما لها



لو العرب ماحمت حد الهلال الخصيب
يمدي بعرض السماء مايبدي هلالها
..

بندر

هذا من طيبك والساري سرا

تقديري الجمّ ؛؛؛

الليل الليل :)


وانا بصف عبدربه لاني احب سعود

<< يسمع بالدبلوماسيه :)


المهم واصلوا يامبدعين ونحن معكم