معادن الرجال
 

[align=center]السلام عليكم ورحمة الله وبركاته

في البداية اعتذر عن الغياب لكل مرقابي وأتمنى أن تحوز هذه الأبيات على شيء من اعجابكم[/align]



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياهاجسي حسب الطلب لاتوانا = عجّل علي وحضّر البيت بالحال
ليا نهمتك لاتوانا علانا = ابيك فـ مهتك توفي بمكيال
عبّـر عن اللي شفت في هالزمانا = ثم صنّـف ابن آدم على كل منوال
عطني عن اللي شفت علمٍ بيانا = وعط الرجال الجزل والهزل الأنذال
صنّـف لي الريجيل والله عطانا = عقلٍ نميّـز به ونضرب به أمثال
للرجل معدن لو نميّـز يبانا = يبين مع مر الليالي والآجال
معدن ذهب تصرف ذهب مايهانا = مايختلف لو الدهر مال ثم مال
ومعدن من الفضه وفيه لمعانا = ومعدن نحاس ومعدن آدون فالحال
ترى الرجال إن قلت فيهم إهدانا = وفيهم عريب الجد والعم والخال
بعض الرجال إن غر وقتك وشانا = عضيد فالشدّه ولو الدهر مال
خوي جنب ولايجي فالطمانا = مسند في الشدّات ياطيّب الفال
عشره عشر مايرجعن لثمانا = وأطيبهم اللي كاسبٍ صاف الأعمال
رجلٍ حفظ دينه وفرضه وعانا = في نصرة الاسلام مع مر الأجيال
نهجه على نهج النبي وعلمانا = منهاله القرآن ياوي منهال
ورجلٍ كريم بمدته والحسانا = دنياه ماساوت ولو ربع مثقال
ذبّاح للضيفان حيلٍ سمانا = يفرح بضيفه للرياجيل مدهال
يحط الشحم هذاه دسم الصيانا = ماصك بابه مثل كنازة المال
ورجلٍ شجاع ولايجيه الهوانا = يرقى على روس العوالي والاقذال
مثل النجوم المرقبه في سمانا = مارافق الهابين شينين الأفعال
وبعض الرجال إن غر وقتك وشانا = مع الدهر ميّال في كل الأحوال
خوي جنبٍ فالرخاء والليانا = وان عمست الأرياء تبا تشوف الأهوال
ضعيف دين ولاهواه بهوانا = على شفا حفرة على هايف الجال
وضعيف ناع وفالمواقف جبانا = مايقطع الفرجة ولو قال ماقال
والآخر النمّام بين الخوانا = بهرج النمامه بين الاصحاب منقال
ناقص ولو إنه صليط اللسانا = كلبٍ دنج للعرض ناهش ووكّال
ورجلٍ ضعيف وبالغباوة إمدانا = تبّـاع للنسوان ماهوب رجّـال
تبّـاعهن مثل الضعيف المهانا = يلبس لباس العيب ملباسه الشال
هذا ومثله في وضيع المكانا = حرام إله ينساق بنٍ بفنجال
ومثله الكذّاب عدم الأمانا = كذاب لاحدّث ونصاب ختال
وعبّـاد وجه ولالك الله يدانا = مايكسب ألا الناقصة شين الأفوال
مايكسب ألا الناقصة ماغوانا = قرين أخو مرة على الشين رحال
وإفرد عميل إبليس عن إعملانا = الذيب ذيب وغير عن زهر الأذيال
ورجلٍ خفيف وصاب عقله جنانا = علاه في دنياه من ربه ظلال
ماينتواخذ في فعوله إمهانا = يسحب جوالينه وهو غاوي وضال
ودنياك هاذي ماعليها ضمانا = تلف بالرجّال من حال في حال[/poem]

[align=center]وسلامتكم،،،
وأرجوا المعذرة على النقص إن كان في القيصيدة نقص.[/align]

معدن ذهب تصـرف ذهـب مايهانـا
مايختلف لو الدهـر مـال ثـم مـال
ومعدن مـن الفضـه وفيـه لمعانـا
ومعدن نحاس ومعـدن آدون فالحـال


ياسلام يا عبدالمعين

ومرحبا بعودتك لمرقابك

وصح لسانك والله ولاهنت

محبتي ومتابعتي ياغالي

بعض الرجال إن غـر وقتـك وشانـا
عضيـد فالشـدّه ولـو الدهـر مـال
خـوي جنـب ولايـجـي فالطمـانـا
مسند فـي الشـدّات ياطيّـب الفـال


يا سلام يا سلام

صح لسانك الف

قصيده رااائعه

لاهنت

احترااااامي

و
ج
د

صح اللسانك
ولاهنت على الطيبه ،،،
:)

ورجـلٍ شجـاع ولايجيـه الهـوانـا
يرقى على روس العوالـي والاقـذال
مثـل النجـوم المرقبـه فـي سمانـا
مارافـق الهابيـن شينيـن الأفعـال


ياسلام ياسلام

ابدعت وامتعت

صح لسانك ولله درك

تحياتي

[align=center]معدن ذهب تصـرف ذهـب مايهانـا
مايختلف لو الدهـر مـال ثـم مـال
ومعدن مـن الفضـه وفيـه لمعانـا
ومعدن نحاس ومعـدن آدون فالحـال


صح السااانك يالعضياني

لاهنت ابدعت مدد بلا عدد

تقبل تحياتي القلبيه ومشاركتي[/align]

صح لسانك

شاعر متمكن

ومبدع

،

صح الله لسانك ولا هنت يا عبد المعين على ذا الابيات اللي تستاهل القراءة
ننتظر جديدك من القصيد .. فمان الله

العضياني
صح السانك واعتلا شانك
رائعة بروعة حضورك
تقبل تحياتي

صح لسانك ، وسلمت

صح لسانك ياعبد المعين


قصيده ونص جميل



لك مني فائق الاحترام والتقدير







تحياتي

عبدالمعين

صح لسانك لين ترضى

قصيدة جزلة ومعانيها سامية

تحيتي وتقديري

كالعاده ....
مشرقه هي القصائد التي تكتبها .
صح لسانك وفكرك وانا اخوك .
سجل إعجابي وسعادتي بالمرور بين أحرفك المشرقه
دمت أخا أعتز بوجودي في متصفحه
تقبل تحياتي واحترامي



اخوك:
وليد العمودي

الشاعر/ عبداللطيف الغامدي

صح بدنك طال عمرك واشكرك على مرورك العطر


احترااااااااااااااااامي

صح لسانك

صح لسانك

صح لسانك ياعبدالمعين





الاعجاب مفروغ منه لكن اقبل مروري المتواضع





سلااام,,,