* مرثية في بدر بن ذيبان الدعجاني.
 

[align=center]السلام عليكم و رحمة الله و بركاته[/align]


هذه مرثيه قد نشرت سابقا ً في أحد المنتديات ، و لكن في تقديري ( و شهادتي مجروحه!) إنها تستحق النشر في المرقاب.
.
.
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
واطـيري اللي مات لا واحسـافات=عـلى القطامي نادر العش ياكليب
طير السعد صيده من الجول جزلات=عطب الضرايب من حرار معاطيب
مرحـوم يانطـاح صعب المـهمات=مـرحوم ياشيال حـمل المواجيب
تكسرت عليك في الصدر عـبـرات=والـكبد يشظاها سـوات المشاهيب
كنـّـيتها وأبـديتها عقب حسرات=وحـامي لظاها حرّق الخد والجيب
على بلـيهي الحــمول الـثقيلات=يـقلط على حوض الـمنايا لياهيب
تـبكي عليك المـرجله والمـروّات=في ماقـف تـعزّ فيه المـطالـيب
تـذكرك في وقت القسى والـملمات=تصيح بأعلى صوتها وين أبو ذيب
عـليك يبـكن الـبني العفيفــات=شامن عن العشاق والكحل والطيب
زاد العـويل وساخن الدمـع ونات=بيّح عزاهن ستر بيـض الرعابيب
يفقدك في شهب اللـيالي المحفـّات=ربـع مرامـيل يبـون الـمعازيب
ويفقدك من يشكي من الوقت ميلات=حاديه من صكـات بقعـا مصاليب
يويّ رجـــال ليـا قام قـومات=يشفي غليل اللي بـصدره لواهيب
ياصـل بعيدات الهقـاوي الصّعيبات=ويرد الموارد نازاحـات المجاذيب
ياخـوي ما يكـفيك تعديد الأ نـعات=المعذره يامـنقع الـجود والطـيب
كلـّت بواكـير القـوافي والأبيـات=أرقـيتها في عالـيات المــراقيب
وأتعبت من يبغي من المجد طولات=تـقصر حبـاله ماورد لك مشاريب
إن قيل وين الجود هو حيّن أو مات=قالوا دفنا الجود في قـبر أبو ذيب
بدر سطع بين النـجوم الـمطلات=والبـدر في دور الفلك لازم يـغيب
والبـاقي اللـي شد سبع السموات=رب الـبريه عالـم السر والـغيب
عساه يغفر لك جميع الخطّيـّــات=وعساه يسمع دعوة العبد ويـجيب[/poem]

[align=left].
.
أبو عثمان [/align]

غفر الله له وادخله فسيح جناته

امين

وصح لساااانك

تحياااتي

الله يرحمه ويغفرله

وجزاك الله خير وصح لسانك

غيمار

عبدالله بن عثمان

الله يرحمه ويسكنه فسيح جناته

وصح لسانك مدد ياعثمان

مرثية مؤلمة وابيات في قمة الجزالة

تقبل مرور وتحية اخوك

نسال الله للفقيد الرحمه والمغفره وجنة النعيم وموتى المسلمين اجمعين

صح لسانك يا عبدالله ولاهنت ياغالي

محبتي ومتابعتي

اخوك

محمد بن رشيد
،
،
نايف المقاطي
،
،
مشعان البراق
،
،
مشعل فالح الذيابي
،
،
عبداللطيف الغامدي
.
.

اللهم آمين
الله يجزاكم خير

و..صحت ابدانكم ,,جميع

شاكر لكم تواصلكم ..الطيب

/ ابوعثمان

عليكم السلام ورحمة الله وبركاته

مرحبا يا عبدالله


نسال الله ان يرحم الفقيد ويسكنه مع عباده الابرار

وصح لسانك على هذه الوافيه

...

غفر الله له وادخله فسيح جناته

امين

وصح لساااانك


مدد

ولاهنت

اخووك

الله يرحمه ويدخله فسيح جناته






صح السانك مددد بلا عدددددددد

سداح
/
يامرحبا والله
اللهم آمين ,, اللهم آمين
وصح بدنك ... لاعدمتك

مضحي السميري
/
آمين ، الله يجزاك خير
صح بدنك ومن قال مايهون

عبدالله

الله يرحم جميع اموات المسلمين

صح لسانك

تقديري

مناحي الفرزه
/
اللهم آمين ، ويرحم موتى المسلمين
صح بدنك .. شاكر لك مرورك

صح لسانك يبوعثمان

والله يغفر له ويتجاوز عنه

عيسى الشاطري
/
آآآآآمين
صح بدنك
، وتحياتي

فهيد بن عصيدان
/
صح بدنك ، الله يجزاك خير
شاكر لك مرورك

الله يرحمه ويسكنه فسيح جناته ...

مرثيه في قمة الحزن والأسى وألبستها لباس الشعر الحقيقي ...

صح لساااانك أخوي ...

تقبل مروري المتواضع ...

خالص مودتي ..

عليكم السلام ورحمة الله وبركاته

عساه يغفر لـك جميـع الخطّيّـات
وعساه يسمع دعوة العبد ويجيـب

اللهم امين يارب


الله يرحمه ويسكنه فسيح جناته ... ويرحم جميع اموات المسلنمين


موجعه وحزينه يالغالي ....


تحيه واحترام ....


,

عبدالرحمن السمين
/
اللهم آمين
صح بدنك .. شاكر لك مرورك

فهد الماجدي
/
آآآآآمين
ولاهنت