قصة الملك عبدالعزيز وفتاة تزوجها !!
 

[align=center]السلام عليكم ورحمة الله وبركاته :

هذي سلمكم الله سالفة عن الملك عبدالعزيز الله يرحمه يرويها الشاعر
والراوية / محماس بن علي آل ربيّع المخاريم الدوسري عن أبيه :


من سوالف الملك عبدالعزيز اللي حصلتها مع الشايب الله يرحمه
أنه خطب له فتاة وتزوجها وبعد ما أخذت معه مدة كأن الملك عبدالعزيز
نظر أنها غير مرتاحة فقال لها وش علمك يامرة ؟
قالت: ياعبدالعزيز بيني وبين ولد عمي عهد أنه
مايعرف إلا انا وانا ماعرف إلا اهو لكن انت خطبتني من اهلي
وانت عبدالعزيز واسمك يرفع العرب مايطمنها وجوزوني أياك اهلي ،
قال: طيب العلم عندي
ويقوم يخليها لين اكتملت عدتها واحتسبت ثلاث شهور
ويوم ربعوا اهلها سيرو اهلها على الملك عبدالعزيز يسلمون عليه
وخميتهم جنب خيمته
وقام وسألهم وين فلان ؟ (يقصد ولد عمها)
قالوا موجود : قال إنا نبيه يساعدنا بكرة عندنا شديد ومعنا سيارة مالها سواق
قالوا: مايخالف ،
ويوم جاء الرجال وتحدثوا وسروا كلهم إلا هو عشان الملك يبيه
: قام الملك وسأله قال يافلان: أنت بينك وبين فلانة عهد !!!
قال : ياطويل العمر ماعاد به شي حتى لو إنه كان ،
عقب زواجها منك ماعاد لنا نظر وانت زواجك يرفع روسنا ويشرفنا ،
قال عبدالعزيز: تراني طلقتها وهذا الشيخ فلان بيملكك إياها وتراها مستعدة
وانا مادعيتك عشان تساعدنا ، انا دعيتك عشان تاخذ مرتك
وترى الونيت اللي قدامنا لاشدينا لك ادخل على مرتك وخذها ،

ويوم أصبحوا شد عبدالعزيز وقال قصيدة من ضمنها هذه الأبيات:




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لو إن مابـي وزى بطويـق وهضابـه=كان أصبح طويق هو والروض متساوي
لـو إن ربعـه وزى بخشـوم حطابـه=كان أصبحت عثعث ٍ يرعابه الشـاوي
يامـل قلـبٍ غليـط الهـم يرعـابـه=غمـقٍ صوابـه ولابـه من حـدن يـاوي
يامدمج الساق نعطـي الحـق طلابـه=وحنا ترانا على المقفيـن مـا نـاوي
[/poem][/align]

وسلامتكم

الله الله

بوركت يافهد ورحم الله شايبك

وياليتك تزيدنا من هذه القصص

الدال على الوفاء وعفة النفس لا سيما انها

من الملك عبدالعزيز طيب الله ثراااه

امتعتنا طال عمرك

يامدمج السـاق نعطـي الحـق طلابـه
وحنا ترانا على المقفيـن مـا نـاوي



يامرحبا ومسهلا يابوفهد
بارك الله فيك
مواضيعك ممييزة وشيقة
والملك / عبدالعزيز شخص التواضع والوفاء طيب الله ثراه
لاهنت لاهنت

كل علومك غانمه وطيبه يا بوفهد

لاهنت على نقل هذه القصه المعبره

ورحم الله اموات المسلمين ،


..

الله لايهينك وبيض الله وجهك

هذي العلوم اللي تنومس وربي

مهيب سوالف البورصات والاسهم


تقبل تحياتي ومروري





:)

لبّاقلبك يابوفهــد :)

قصّه رائعه ولاهيب غريبه من رجل بمكانة الإمام / عبدالعزيز آل سعود :)


لك من الشكر أكثره ..


اخيك .

هذه شيم العرب ..

الله لا يهينك يابو فهد ..
والله يرحم الامام ..

الله يرحم الامام

وهذي شيم العرب

لاهنت يافراج ورحم الله شيبانك وبيظ الله وجهك علومك كلها طيبه يالسنافي

فراج الدوسري

لاهنت على نقل هذه القصه الرائعه

تقبل ودي وتقديري