لعلى اخذ معك طاروق يا نايف معلا
 

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

سلام ياهل الوفا والمعرفه والطيب والخير=اعداد ما لاح نجم فى سما نجد وتجلا
حيث ان لك فى ضميرى ياطويل العمر تقدير =لعلى اخذ معك طاروق يا نايف معلا[/poem]

الله أكبر ،

إن شاء الله تاخذ معه طاروق ،،

بــس الرجّال مشغولٍ في خدمة شعراء آخرين !!

لذا عليك الصبرو :)


تحيه على المبدأ يا أحمـــد ، وصلى الله وسلم على أحمد :)

سلام’ عليكم

احمد الاسعدي شاعر كبير والمرقاب يفتخر بك وحياك الله ياذيبان .

والبدعه هنا تدل على مدى تمكنك يالغالي .

ننتظر العلم نايف معلا..

الغالي أحمد الأسعدي
المعذرة
أنا دخولي فـي المتندى شحيح هالأيام لإنشغالي ،
ولكن يا هلا ويا مرحبا
واستلم :

يا مرحبا ياهلا والمعذرة لو صار تأخير
..................................... منّا العذر والسموحة منك يا زبن المخلاّ

واجب عليّه ، ولا لي شكر يا ذخر المناعير
..................................... ولا بـارك الله فـي رجلٍ عن الواجب تخلّى

ابو عتيق ....... ياهلا ومرحبا وتشكر على المبادرة الطيبة

غلاب بن عايض ...... بارك الله فيك وياهلابك

هلا
هلا
بالاسعدي والمغيري
:)
وصح الله قلوبكم ،،،

هلا وغلا باخوى نايف والعذر مقبول يالغالى

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اللى سواتك نسوق له القدم ونحث بالسير=الشعر له عندنا قيمه ولاصحابه محلا
وان كان ما قدروه اهل الجهل نفاخة الكير =نقول كلا وكلا اى نعم كلا وكلا[/poem]

الشاعر عبد ربه

شكرا على مرورك

الشاعر المبدع غلاب

اشكرك على ثنائك وترحيبك

وهذه شهاده من شاعر اعتز بصداقته

الاخ محمد مشوط

اشكرك على ترحيبك

الشاعر المبدع مشعل البراق

حياك ربى يالغالى اينما وقفت

انت ىمبدع فى صمتك وبوحك

الله الله

واللي سواتك على شوفه نسوق أغلى التباشير
............................................ غـالـي ولـكـن علينا بالمثايل لا تغلّى

يامحمد الجاهل إليا قلت له : كلاَّ ، وش يصير
........................................... لا قلت : كلاَّ ، وكلاَّ ، قال لك : لا والله ألاَّ !

ابن مشوط صح كلك

متابعتك تنومس ...

تحيتي وتقديري

أبو محارب والله إني أحبك ، لولا الصورة الي في توقيعك
الله يديم النعمة بس
:)

اقول يا مشعان ترى سحبت سفارتي من عبد الرحمن حمد عشان العلوم هذي
فكنا منك
وامسك الصف :(

الله الله الله

على ذا القاف وشعّاره


اسمحولي اتابع :)

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاقال لاوالله الاً قلت هود يالمعيثير =لعل راسك يابو (ملحا )على الصدر يتدلا
ماهيب حمص وتبوله عليها شوى جرجير= يا لتايه اللى على غلطاتك العميا انتسلا [/poem]

هلا مليون يابندر

حياك ربى

ياسلام ياسلام كلكم مبدعين متابع واسمحلي ياالاسعدي ....ابي اميل لصف الاخ نايف بن معلا لايوقفلي على الخط ...........ههههههههه

والله عليك يا بندر

متابعتك تنومس :)

حياك يابدر بن عصاي
:)

لاقال لاوالله الاً قلـت هـود يالمعيثيـر
لعل راسك يابو (ملحا )على الصدر يتدلا
ماهيب حمص وتبوله عليها شوى جرجير
يا لتايه اللى على غلطاتك العميا انتسـلا

الشعر ماهوب (وايل) وأنت منته ( سالم الزير )
....................................... لكن يا أحمد لا شفت المبتلى " قل خير ولاَّ.. " !

ارتح وريح ضميرك وش تبا بـ صوير وعوير
......................................والفرق واضح ما بين الـمر والحـلو المحلاًَّ !

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لابارك الله فى ناس يغشون الجماهير=اللى يعدون مكه مثل صنعا والمكلا
انا اقصد الخمسه اللى كلهم غش وتزوير=صلوا ولكنهم صلوا على عكس المصلى[/poem]