مطبّات (1)
.
لو فيه رفيق لك غالي وكل ما واجهك عزمك ويحلف و يبييييييك المهم انك واعدته على وجبه غدا وقلت الله يعينك يابو فلان تراني جايك ويوم جاء الموعد وانت تنسسسسسسسى .! يوم جت الساعه 3 العصر الا و الرجال يتصل قال يابو فلان انت ويييييييينك ياخوي تراني منتظرك و الربع عندي كلهم تباطوك قلت انت ابشر ابشر انا جايك ذالسااااااااااااااااااااع ويوم سكرت و جيت طالع تخم شماغك و تسكر ازرار ثوبك الا ذولا ربع غاليييييييييين و اول مره يجونك لقيتهم فالمجلس جو و دقوا الباب و طلع لهم اخوك الصغير و قلّطهم يوم سلمت عليهم قال واحد منهم علي الطلاق ما نذوق الا غدا البيت ولا تقول شييييييء و انت خابر ان اهل البيت ما سوو غدا على شانك معزوم ولا سوو لك شيء و اقرب مطعم يبي لك اقل شيء نص ساعه على شان تآصله و نص ساعة على شان تطلب خاصة ان ما في البيت غيرك انت و لا حولك احد قريب يمكن يفزع لك وجوالك مفصول ولاعندك تلفون فالبيت و الربع اللي جايينك ما معهم جوالات .! ( وسيارة الربع اللي جايينك يوم وصلوك متعطلة و سيارتك ددسن غمارة ) ها وش السواة ؟ |
ههههههههههههههههههههه
انت تبي تمحقها وتسحقها لكن ما علي منهم ابعرض عليهم الغانمه ويقولون الاولين (( ضيف الاجواد يعزم )) بقول يالربع انا مسوّا لي غدا عند فلان بن فلان بتغدون معي فالساعة المباركه : ان كانهم اجواد قالوا اي بالله توكل على الله ,, وان كانهم عسرين قالوا لا والله لا تبلشنا معه والخ الخ .. هنا بقول اجل غداكم هنا وانا بروح لمعزبي وبعوّد عليكم واخوي الصغيّر عندهم ويقول للعرب اللي ما سووا غدا يسوون غدا الله لا يهينهم وبسرعه والا علي الطلاق ان ,,, يسوونه بالطيب :) طبعا ً مع اجبارهم بعشا بما ان الغدا صار فيه حركات مش ولا بد الله الله وسلم على معزبك وضيفانك يا أخ |
:
: ههههههههههههههههههه الله لايضيق علينا .. !! يأخي ان كان (( نفسيتك )) كذا صفقني ان جاك ضيوف .. !! أنا تعقدت من السالفه .. كيف لو صارت واقع .. ؟؟ تدري وش اسوي لو تجمعت الظروف بهالشكل .. ؟؟ بجيب لهم (( الصحن )) فاضي وأقول ماسوينا غداء .. ثم خل هياطهم ينفعهم .. !! حياااااااااااااااااااااك ياصديقي الغايب .. !! teeth: |
هههههههههههههههههههههه
دافع البلا .. الله لايحطنا في هالموقف الاقشر وابو عبدالله عطاك الحل المناسب :) مشكور ياغالب على المطب . .. |
لاحوول ولا قوّة إلا بالله
مايبي لها شيٍ واجد علّم الريجيل إنك معزوم وإن الغداء لك ، ويبون يروحون معك وعليك بعشاهم يالقرم :) |
مطبات ( 1 ) يعني باقي ( 2 ) و ( 3 ) الى ( 10 )
والله يكفينا الشرر عاد انت تنشبها من جد حاول مطباتك الجايه تكووون خفيفه |
ههههههههههههههههههههههههههههههه تسني اشوفك وانت بلشان بـ عمرك teeth:
يا غالب يا حبّك لـ تعقيد الامور ، يقال انك تحسب لـ العواقب teeth: اقول ما ودك تسيّر علينا فـ الرياض بلا مطبات بلا هم :( ها اسمع اللي قاله لك ابو حمد ولا تكثر حتسي :( |
اقتباس:
طيّب هنا باب جديد :) انا ما سووا لي غدا .. اهل البيت محكوم عليهم ما يتغدون اذا انت معزوم ؟؟ اكيد بيسوون غدا لهم صح ؟؟ اخذ غداهم الله لا يهينك واستتر به من علل الاكباد ذا اللي جاوك ورح لمعزبك ,,, |
اقتباس:
ههههههههههههههههههههههه يـ / × / المسري / × / هذي (( جروف )) ماهي مطبات .. !! غالب اصلاً من يوم فكر في (( الزواج )) ومخه لك عليه .. !! يعني (( كتاوت )) مخه .. تبي تبديل .. !! teeth: |
اقتباس:
ليه تهاوش السواة .. ؟؟ السواة ماسوت شي .. !! <-- نبي نكرهه في مطباته لأنه كرّهنا في ضيوفنا وأهل بيتنا .. !! teeth: |
مبارك علمك غانم
مير اقر السالفة كلها :( انا اقول الرياجيل سيارتهم خربانه و انت سيارتك غماره وحده وين توديهم ؟؟ ولا حولك احد قريب و جوالك استقبال و لا عندك تلفون و معازيبك ما معهم جوالات << معقّدها مع كل الدروب |
اقتباس:
اووووووه .. اووووووه .. اووووووه .. !! غالب يامعقد .. اطلع لاتقعد .. !! <-- اصوات (( جماهير )) العزوبيه .. !! صررررر .. !! <-- هذي تصفيرة دب .. !! teeth: |
الامر بسيط مثل ماقال مبارك اعرظ عليهم الغانمه وان كانهم عسرين خل الصبي يقهويهم من الوالمه وطلق عليهم بالعشا وان كانهم عسرين عسرين وعيو من العشا قلهم يسلم عليكم خالد ويقول جعلها مااتعطل :)
|
هههههههه
قمّة التعقيد .. اقول يا غالب .. الله يعين طلابك على .. شرحك :) هالحين .. انت ناسي العزيمه .. ليه ماذكروك أهل البيت اللي ماسوو غداء :) ثانياً .. الساعه 3 يعني ماهو وقت غداء .. قل لضيفوك حنّا تغدينا .. مير ابا اجيب لكم غداء وبعدين الجوال مفصول ماهو عذر .. الإتصالات مسويه خدمات كول مي .. و على حسابي :) يعني ماعاد هو عذر جوالي إستقبال :) تدري عاد .. ابا اقوول تقهوو .. الله يحييكم والمحل محلكم .. وانا معزوم عند واحد من الزملاء . |
ههههههههههههههههههه
اسمع يا معقد الوضع طارئ .. هم كم عددهم ؟؟ تضمهم الغماره يركبون كلهم الله يفرقهم وان كانها ما تضمهم اجل حداهم يسوق والله يعينك على البدي او الحوض في تعريف اخر وان كان مافيه حوض اجل كعّابي يامال الشحم وتعينون الشحم مافيه حيله بعيد المعزب اجل تصطفل انت وضيفانك :( |
ههههههههههههههه
تصدق عندي سالفه حول هذي وراعيها من عقب الكرم صار بخيل ويرتاع لادق احد بابه |
اقتباس:
الله اللي جابها كذا قضاء و قدر انا لو اني ابي اسحقها و امحقها كان قلت ان البيت ما فيه غيرك الا انت و الورع الامحق اللي قلطهم و الرياجيل اللي جوك يوم انك تسلم عليهم و واحد منهم يرتفع معه السكر و الضغط و هو يغمى عليه و الرياجيل سيارتهم متعطله و قاموا يندبونك و رفيقك اللي عازمك ابلشوه اللي عنده و قالوا يابو فلان العصر اذن و حنا ما تغدينا قال والله و علي الطلاق انكم ما تذوقونه لين يجي انا داق عليه وهو جاي في الطريق و هو ذابح لك حاشي و خمس من الغنم و جامع خلق الله كلهم << عانه قفلها مع كل الدروب :( |
اقتباس:
بعدين و لو نفرض مثلا جبت لهم الصحن فاضي و قلت ما سوينا غدا و قام واحد منهم و قال تكفىىىىىىىى يابو داحم ابي رززززززززززززز ابي لحمممممممم ذابحني الجوع تكفىىىىىىىىىى و قام يتمردغ قدامك على الارض .. وانت خابر السياره غمارة وشاك فيه هو يتسذب و لا مغير يبي يجرد اخوياه و يروح يتغدى معك وش بتسوي :( ؟ |
اقتباس:
مير حل مبارك الاول كان مستعجل راجع ردي عليه الثاني :( << ها ما تعلمني انت علامك معصب |
اقتباس:
مير الربع السيارة حقتهم متعطله و سيارتك غماره و البيت معزبك بعيد ها حلها :teeth: |
اقتباس:
ياخوي الله اللي جابها كذا يعني قضاء و قدر و ابشر بالمطبات الجايه كلها من ذي و اعبر teeth: |
اقتباس:
انا سويت السالفه ويوم عودت و قريتها مرة ثانية بلشت بحلّها teeth: وان شاء الله بجيكم فالرياض لان ابو داحم عازمني على عرسه يوم 15 /7 الله يحييك و يحيي من يسمع و يقرا |
| جميع الأوقات بتوقيت GMT +3. الساعة الآن 06:51 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية