افتــونـي !!
/
/ السلام عليكم ورحمة الله وبركاته الحقيقه في بيوت اسمعها من مبطي ولا ادري من صاحبها وهل لها تكمله والا لا فيه ناس قالوا ممكن للدجيما وفي ناس قالوا لبن ثعلي والعلم عند الله من يعرفها يفتيني .. واذا كان لها تكمله زين على زين يقول يا راكبٍ هرشٍ عليه المغيزل ____________ درّج عليه و ورده عد هداج يا ليت لك في جنب داري منيزل ____________ ونريّح الخطوه ولا عاد يحتاج الكذب فـ / قلوب الخلايق نويزل ____________ تعبت اميّز بين راوي وسمّاج هذا اللي انا حافظه وقد يكون فيه خطاء في ترتيب الابيات لكن من عنده خبر يعجّل علينا والسلام ! ... |
ياسلام
ولو ان عندي خبر .. كان ما ذخرت شي لكن عندك ابو عتيق .. تراه يفتي في كلش .. وابو ماتبي دين ودنيا :) |
8
8 يا زقنك ويا زقن مرورك ينااه المطوع الايام هذي ما يفتي الا بفلوس افتاء وهديه زيت زيتون ... |
يا سلاااااااام يا سلاااااااام
بصراحه القاف شي ... ما باقي الا ( ديزل ) :) ولكن للأسف ماعندي فتوى في هالموضوع |
^
^ ههههههههههه البيوت ماازين منها يامحمد ويوم قريتها تمنيت اقرا تكملتها لكن مثل ماقال لك الحصيّن ننصحك بأستشارة ابو عتيق وان تسان فتواه بقروش نتقاسمها انا وانت ونعطيه مع اني اشك في ذلك :) |
مدري مدري
teeth: إنّا معكم منتظرون ،،، |
والله زدنا شوق لمعرفة صاحب الابيات او التكمله
تسلم يا محمد وفي انتظار اللي عنده علم :) |
يا راكبٍ هرشٍ عليه المغيزل
____________ درّج عليه و ورده عد هداج يا ليت لك في جنب داري منيزل ____________ ونريّح الخطوه ولا عاد يحتاج الكذب فـ / قلوب الخلايق نويزل ____________ تعبت اميّز بين راوي وسمّاج المهم يا ابو طيف انه شاعر عظيم والعظَمة لله <<<<<< عسى ما تكلفت :) مرحبا |
اي والله
عجلو على بن مصوي وعجلو علينا |
مادام :) الهرش عليه المغيزل
افتيك إنّها ماهي لـ الدجيما ولا لإبن ثعلي :) والاّ .. تدري نبا ننتظر مفتى عام المرقاب تحياتي |
ابيات طيبه شوقتنا يامحمد لتكملتها ومن سياقها لها تكمله وننتظر جهينه وعند جهينه الخبر اليقين
تحياتي |
تبون الفتوى ؟
ها اسمعوا :- ( الله’ أعلــم ) :) .. |
^
^ مثل الاخ لاسمح الله :) |
:
: أبك الغليّم .. محمد بن مصوي .. اللي ماظهر الا أمس وأنشبنا .. خلانا في 1400 مشكله .. !! <-- يبالفيت أنه (( دفن )) له شي .. !! هذا (( المفتي )) المرقابي الشعري .. اعتذر .. !! :( هادبرها هالحين .. !! <-- عبدربه من أمس وهو مجتهد يدوّر علم .. !! يالربع .. أفتووووووووووووووونا .. !! والا فكوووووووووووووونا .. !! :) |
^
^ أنا يوم شفت أسمك قلت جاب العلم:) وجيتك أسعى .. ابن مصوي.. والله البيوت تغري بالبحث :) ومع هذا مدري مدري :) متابع .. |
انت وش سويت فالعالم يابو طيف ؟؟؟
انا بوجهكم على واحد والتكله على الله قوقل وش علووووووومه:) |
8
8 8 8 جبت الكم علوووووووم قوقل :) يقول رح لابو طيف وتلقى الجواب عنده>>> مالقى الا رابط موضوع (افتوني)هههههههه |
والله يبوطيف
. . الواضح انها ابيات قوية .. ودام طاحت في يدك .. حتجيب خبر قائلها ( بس خبّـرنا ) تحياتي لك |
-
ابنشد لك عنها يابن مصوي وان شاء الله القى نتيجه لي عوده بحول الكريم |
قسم يابن مصوي
فلايعلم قلبي ولاكان قلتلك |
اقتباس:
هههههههههههههههههه يابو حمد امّا يابلفيت انه دفن والابيات والله مدري منهي له لكن ابنشد وبعوّد بإذن الله |
| جميع الأوقات بتوقيت GMT +3. الساعة الآن 05:50 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية