عناد و CIA !
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا عتيبه .. ويش اسوي في عناد .. وفي عناده = كل ما قلت له هرجه .. بيني وبينه .. كشفها ما درى ان ورد المصيف وريحه .. ونفحة .. براده = ما يهيّض غير من جاها .. ونوّخ في طرفها![/poem] |
الله الله الله
ما درى ان ورد المصيف وريحه .. ونفحة .. براده ما يهيّض غير من جاها .. ونوّخ فـي طرفهـا ياسلاااااام ياسلااااام خالد الحصين وعناد النفيعي والمتااابعه وجبت تحياااتي |
يا عتيبه .. ويش اسوي في عناد .. وفي عنـاده
كل ما قلت له هرجه .. بينـي وبينـه .. كشفهـا ما درى ان ورد المصيف وريحه .. ونفحة .. براده ما يهيّض غير من جاها .. ونوّخ فـي طرفهـا! الله الله الله الله الله يابو فيصل بدعة ولا اروع من باب الكثافة السكانية . ! مافيها كلام ولا جدال الصف تابع لمحافظة ملبية <<<<< على اي خريطة يالاخو :) يحا يحا |
يا عتيبه .. ويش اسوي في عناد .. وفي عنـاده
كل ما قلت له هرجه .. بينـي وبينـه .. كشفهـا ما درى ان ورد المصيف وريحه .. ونفحة .. براده ما يهيّض غير من جاها .. ونوّخ فـي طرفهـا! الله الله الشاعر ولاستاذ خالد الحصين صح لسسسسانك ملاييييييييين وفي انتظار اكتمال الابداع مع الشاعر عناد متااااااااابع |
محمد بن رشيد
مشعان البراق فراج القرقاح محمد بن صاهد مروركم يزيدني شرف .. ويخليني عليه من المسلّطين :) وجود شعار بحجمكم والله انه ينومس ! لا عدمناكم |
الله يعين عليك :) .,
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] انت ماتحسب من اصحاب المعالي والسياده = قحطاني ٍ هروجك كل من مرّك عرفها خل من فوقك لحاف ., وحط من تحتك وساده = قيمة الورده تجلّت في يدين اللي قطفها[/poem] |
ياسلام
ياسلام ياسلام ومازلت متاااابع يحا يحا |
محمد بن رشيد ., يامرحبا مليون ووجود شاعر بحجمك ينومسنا يابورشيد والشهاده لله ., مشعان البراق ., شايف كذا يعني يابومحارب ., طيب مهب مشكله بس الاهم ان وجودك منوّر المتصفح حتى لو كان توجهك الصفي مظلم ., فراج القرقاح ., قاتل الله العصبيه القبليه يافراج ., ومع ذلك منوّر والله ووالله والله :) محمد بن صاهد ., مرحبا مليون وحياك الله ., وجودك يزيد النور نور يابو صاهد لاعدمناك ., سلامي عليكمـ ., |
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
التسكّع .. والتلكّع يالنفيعي .. فيك عاده = تحسب ان اشناب ابو عمار من جاها .. نتفها لا تعلّق قيمة الفارس .. على كبوة جواده = لين تقرا قصة الغزوه .. وتعرف وش هدفها![/poem] |
:
: ياهملاااااااااااااااالي .. !! ثم ياهملاااااااااااااااالي .. !! يالربع كني (( مبشر )) بمدري وش اقول .. قطبي التشويق والفله القلطوية : خالد الحصيّن و عناد النفيعي يتعاركان (( فتلاً )) و (( نقضاً )) .. على ملاعب (( الفنون )) .. تحديد الصف اليوم محرج جداً .. لأن خالد الحصيّن .. صديقي وحبيبي وأجزع فيه .. وعناد اليوم مغديني كبسة ماتجي على البال .. لذلك أن صرت مع الاول أنبني (( بطني )) .. وأن صرت مع الثاني أنبني (( قلبي )) .. !! <-- أجحدها ياخالد غزل ولا في الخيال :) لذلك سوف أكتفي ببث كمية (( الشر )) .. المكبوته في حنايا ضلوعي .. في أماكن أخرى بعيداً عن فارسي هذا المعترك .. !! يحااااااااااااااااا .. يحااااااااااااااااا .. وحررررررررررريق .. ويبسة رررريق .. !! الليلة بـ (( أسنتر )) هنا في الفنون .. بس ياليت تخلون المحاورة بعد العشا عشان نتفرغ لكم .. صح .. !! teeth: |
. ياهلا .. ياهلا .. ياهلا .. يالمعافر اللي على اصوله ..
عناد .. اعتبرني مرتكز .. في الصف بكل الطاقة النووية :) .. عليك ببو نجد .. عليك ابه .. وازهل المشاكسين امثال مشعان واشباهه ..!! مايناقز الا قدام خشم الحصيّن ---> يحااااااااا .. يحااااااااا |
اقتباس:
صدقني يالدحمي .. ما غدّاك اليوم الا حاسب حساب هالقاف الا على طاري بطنك .. ما وصلك كرتون الببسي اللي ارسلته لك على البريد المستعجل <-- ضمن قلبه .. ويستدرج بطنه :) طعني لا تلتفت لعزايم عناد الموسميه .. حتى اتحداه يعشيك الليله في مطعم التنور ( ريَش ) .. اتحدااااااااه :( راجع موقفك .. ارجوك واتبع نداء قلبك |
محمد السواط
انقز على كيف كيفك / من زين مناقزك عاد .. اصلا صفوف بني عمك السوطه كلهم معي :) وبعدين موقفك هذا ما استغربه .. جتني فيك .. لا عدمتك ! :) |
اقتباس:
لكن :_ قول عني ماتقول .. المناقز حاصل حاصل هههههههه :) |
والله نقض وفتل من نوعه
خالد عناد جيت متأخر لكن المحاورة على مستوى وفيها بالفعل متعة دمت بخيروعافية |
الله الله
خالد الحصيّن وعناد النفيعي هنا لا / حضرت المتعه والفائده بالتاكيد خالد والله ولالك علي يمين من عقب عودتك من الغيبه الملموسه اني اقول عساه يطلب عناد تقدر تقول عشان نستمتع ونطرب وتقدر تقول اني مبطي عن صف عناد ابو سالم / الصف والم والبايسون والم والباقي عندك ! اطربونااااااااااااا ... |
هلا
هلا هلا و100 غلا ومنّورين الفنون :) ولاني معكم يالاثنين :( |
مرحبا
مرحبا مرحبا والله بالفتل والنقض اللي على اصوله ولكن استناداا الى الماده الخامسه من النظام الاساسي للروابط الاقليميه والعرقيه امرنا بما هو ات اولا : الصف مع عناد النفيعي ثانيا : ابو نجد فيني وفيه شوفة الله مع انه غالي وغالي وغالي ثالثا : المتابعه مستمره الى نهاية القاف والسلام عليكم ورحمة الله وبركاته اخوووكم,,, |
اقتباس:
هههههههههههههههههههههههههههههههه (( البايسون )) فيه حكة عرقوب .. !! ومحشة صدغ .. !! أنتم تروعون .. وتستخدمون (( منشطات )) .. !! <-- نسخه لـ (( ............... )) .. !! :) |
والله رواقه لابعد الدرجات
الله يمكنا من متابعتها ولي عودات للاستفاده والصف عنادي مع فائق حبي ياابو نجد |
الله الله
بحماس شديد انا متابع وبعنف اخووووووووووووووكم |
الله الله الله
خالد الحصيّن × عناد النفيعي ياسلاااااام سـلِّم اقطاب الابداع في مرقاب الفنون !! طيب طيب متابعين والصف اقليمي وقبلي لصالح ابو سالم من غير قصور بابو نجد .. |
| جميع الأوقات بتوقيت GMT +3. الساعة الآن 09:03 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية