بحر العيون
 

خواني

اسمحوا لها بالمرور .. شي فالخاطر وانكتب


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اه من بحر العيون اللي غرقت ابقاعه = مانجيت الاّ بعد ماالله لطف وأنجاني
أرتطام الموج حطّم زورقي واشراعه = والأمل والشوق لو ..ماجابني .. وداني
كلها في ربع ساعه ..كيف لو في ساعه !!= يالله ألك الحمد وألك الشكر يارحماني
السلامه عندي اطماعه وخير اطماعه = والحياه أغلى من المحار والمرجاني
من ضمن مرواحه أبطا ماضمن مرجاعه =والمنايا ..والأجل ماصاب غير الفاني
والصّويب اللي يشيل الجرح بين اضلاعه = لن سلم لاعاد ينشد عن وصوف الجاني
يعتبرها هوشة ٍ ماجالها فراعه = بين طعنات الرماح وبين شي ٍ ثاني
أن طلع منها يحصل خير من مطلاعه = وأن دخل فيها وقع فالنار والدخاني
مثل منهو يعمي أعيونه براس أصباعه=لاقدر ياخذ قضاه ..ولايعلّق عاني
تكثر الغلطات ونعلّق على الشماعه = فأوّل الايام مدري فآخر الأزماني
ان لقيت السوق غالي مالقيت ابضاعه = وان رخص تبقى البضاعه داخل الدكاني
ومن سأل راع التجاره وين ضيع صاعه = مالقى عنده جواب ٍ يخلص الدياني
والذهب غالي بعين اللي شراه وباعه= واللي اغلى من هذا كله ..سكن وجداني
في حنايا خافقي مصيافه ومرباعه = وان بغا يسرح ويمرح ذاب مع شرياني
كل ما اسرف في غلاه اتشين معي اطباعه=وان هجرته مابقى من طيف له سراني
كان ما للحب قيمه ماحفظت اوداعه = شي عادي.. لو يذكرني ..ولو ينساني[/poem]

حجز ملكي

محمد بن رشيد

الله الله الله الله

والله ابداع منقطع النظير

انا من يوم قريت البيت الاخير فالتوقيع وانا متاكد ان قدامه شي يروع القلب

بعدين اذا بغيت تنزل قصيدة علمني يامال الغنيمة عشان ما احط قصيدة واقعد بها

تحيتي وتقديري واعجابي

[align=center]حجز ولي عوده يابو رشيد[/align]

السلامه عندي اطماعـه وخيـر اطماعـه
والحياه أغلى مـن المحـار والمرجانـي

ايو الله السلامه السلامه

عز الله انك مبدع يا ابن رشيد !

صح لساانك ولا هنت يا الغالي

تقديري !

..
.

الله لايضرك يابو مالك

بغيت احدد ابيات لكن يعلم الله اني ماقدرت اختار

وش تبينا نقول بس .. ماشاء الله عليك ..,

صح لسانك على هالابداااع الغير مستغرب .. سلمت ودمت

سلامي عليك

اخووك
.........

ان لقيت السوق غالي مالقيـت ابضاعـه
وان رخص تبقى البضاعه داخل الدكانـي


محمد هذي معادله وفكره جديده :)

صح لسانك يامبدع

من ضمن مرواحه أبطا ماضمن مرجاعـه
والمنايا ..والأجل ماصاب غيـر الفانـي
والصّويب اللي يشيل الجرح بين اضلاعه
لن سلم لاعاد ينشد عن وصـوف الجانـي
يعتبرهـا هوشـة ٍ ماجالـهـا فـراعـه
بين طعنات الرمـاح وبيـن شـي ٍ ثانـي
أن طلع منها يحصل خير مـن مطلاعـه
وأن دخل فيهـا وقـع فالنـار والدخانـي



الله الله الله الله الله الله


صح لسانك يا محمد


قصيده في قمة الروعه


تقبل اعجابي وتحياتي




:)

الله
الله
الله
عزالله ما خليت شي
بيض الله وجهك
:)


وصح اللسانك ملالالالالالاييين ولايكفّوون

الشاعر المبدع / محمد بن رشيد

قبل دقائق مررت على بعض المواضيع التي كان لك تواجد من خلال المشاركه بها
وقرأت بيت التوقيع

(( كان ما للحب قيمـه ماحفظـت اوداعـه
شي عادي.. لو يذكرني ..ولـو ينسانـي ))


والله اني قمت أردد الله الله الله


انتقلت لمرقاب المواهب لأجدها كامله هذه الدره

شعور جميل أنتابني هذه اللحظه

الحقيقه انها من درر الشعر الشعبي وكان الاجدر بها ان تكون بالمرقاب الشعبي

صح لسانك عدد حروفها يا شاعرنا الكبير ،،

..

الشاعر المبدع / محمد بن رشيد
والله انك مبدع
ثم مبدع ثم مبدع وان الواحد وهو يقرا قصيدتك ماوده انها تنتهي

جعلك فالوجود

وصح لساانك ولا هنت

ياسلام يابن رشيد

صح لسانك على هالفاتنه

غيمار

الله حسبي على بحر العيون ,,

ولايغفر لها الا انها استفزت بحر القصيد .. محمد رشيد والله الحروف ماتوفيك حقك ..

صح لسااانك ,

في حنايـا خافقـي مصيافـه ومرباعـه
وان بغا يسرح ويمرح ذاب مع شريانـي
كل ما اسرف في غلاه اتشين معي اطباعه
وان هجرته مابقى من طيف لـه سرانـي
كان ما للحب قيمـه ماحفظـت اوداعـه
شي عادي.. لو يذكرني ..ولـو ينسانـي


الله الله


محمد رشيد


قصيده قمه فالروعه

صح لسانك ولاهنت

تقبل مروري واعجابي ومتابعتي

عفاس بن حرباش

هلا بالغالي .. حجزك فالقلب .. وحضووورك بحد ذاته شرف

تحيااااااااتي

والصّويب اللي يشيل الجرح بين اضلاعه
لن سلم لاعاد ينشد عن وصـوف الجانـي
يعتبرهـا هوشـة ٍ ماجالـهـا فـراعـه
بين طعنات الرمـاح وبيـن شـي ٍ ثانـي
أن طلع منها يحصل خير مـن مطلاعـه
وأن دخل فيهـا وقـع فالنـار والدخانـي
مثل منهو يعمي أعيونه بـراس أصباعـه
لاقدر ياخـذ قضـاه ..ولايعلّـق عانـي


الله الله يامحمد

والله انك تعجبني ويطربني شعرك يا مبدع

درّه جديده تثبت لي ان الذائقه بخير :)

محبتي واعجابي وامتناني لروعة تواجدك

اخوك

مشـعل الذيــابي

هــلا .... و....غــلا

اولا : شرفتني بحضورك ووتواجدك يالغالي

ثانياً : انت استاذ وانا اتعلم منك ومن امثالك .. والابدااااع ابداااعك

لاهنت

تحياااااااااااااتي

محمد بن رشيد


عزالله ان المتصفح هذا كله ابداع في ابداع .. قصيده غير وشاعر غير



صح الله لسانك ... وسلمت يمينك

محمد بن رشيد

الله الله الله !!!!!!!

تحية عطرة

تحمل نكة خاصة من نكهات الشعر

التي لا تنتهي

حقا إنها رائعة

سلاسة في اللفظ

رقة في العبارات

روعة في التصوير

إعجابي بذلك لا حدود له

تحيااااااااااااااااااااااااااااااااتي

أخـــــــــــــــوك

محمد رشيد
صح لساااااانك ولاهنت

تحيااتي