’’ علــــوم ,,
 

السلام عليكم ،
عندي مشاركه ارجو نفعها لي ولكم ..


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تسمّعوا في النصيحه ياثقات الرجال=واقروا حديث الرسول وماورد من دليل
نصيحة أخوٍ لكم مايدّعي بالكمال=يزرع ولاهوب داري ويش كثر الحصيل
ماهوب يحصي ذنوبه كون تحصى الرمال=مسافرٍ مثل غيره فوق وسق الأصيل
يلعب به الوقت وأيام الدهر والآمال=في غفلةٍ يحسب إن العمر دائم طويل
ترى ورانا علوم ومقتفينا نكال=كلٍ يشد الرحال ويحتسب للرحيل
والعلم والله ليا جانا جواب وسوال=والعلم الآخر ليا جينا بيومٍ ثقيل
والعلم عند الصراط وللعبيد ابتهال=لا طلبةٍ تستجاب ولابه الا العميل
ويوم الموازين تنصب ياعساها ثقال=وإن كان خفت ترى مافي القليّل جميل
ويوم الصحائف توزع في يمين وشمال=والظلم ممنوع ذاك اليوم والله وكيل
ولابه حميمٍ قريب ولاش عمٍّ وخال=نارٍ حطبها الصخور لمن يتيه السبيل
نارٍ حطبها البشر ولها زفير اشتعال=تصهر عصاة العبيد وكل وادٍ يسيل
ترمي شرار بوصفه مثل وصف الجمال=والا قصورٍ وصفها الله بوصفٍ مهيل
دنيا العنا والفنا ماتنحسب راس مال=لا احدٍ يسافر مع الطرقه بليّا صميل
يارب عطنا القناعه بالمعاش الحلال=صلوا على المصطفى واقروا حديث ودليل[/poem]

دنيا العنا والفنـا ماتنحسـب راس مـال
لا احدٍ يسافر مع الطرقـه بليّـا صميـل

ـــــــــــ



الغالي

هادي بن شنيف

__


لله درّك ــ

نصّ رائع و حافل بالشعر والفكر والإيمان



____________________

اللهم صلي وسلم على نبينا محمد وآله وصحبه اجمعين

نصيحه رااااائعه وقصيده جزله

صح لسانك الف وتسلم يمينك

لاهنت

احتراااامي

و
ج
د

اللهم صليّ وسلّم وبارك على رسول الله

ماشاء الله تبارك الوهاب

قصيده فاضت بالحكمه والكلام المصحوب بالإدلّه

فيه روح الإيمان والنصح الرشيد

بارك الله فيك ياهادي وجزاك الله خير وصح لسانك مدد ،


..

اللهم صلي وسلم وبارك على رسول الله


صح لسانك ,, ولاهنت ياوافي


وجزاك الله الف خير وبارك الله فيك



تحياتي لك !

اللهم صلى وسلم على محمد

هادي بن شنيف

صح لسانك مدد وجزاك الله خير

جزاله وابداع وحكمه وهذا اللي عودتنا عليه .. تأكد انك من الشعراء اللي نحرص على جديدهم

فلاتبطي علينا

سلامي عليك

.

هادي بن شنيف

صح لسانك مدد وجزاك الله خير

السلام عليكم ورحمة الله وبركاتــــه

أشكر أخي وزميلي العزيز / فالح الهاجري وكافة الزملاء على تشريفهم لي بهذه الآراء والإطراءات الأكثر من رائعة

وجزاهم الله عني خيراً .


أخوكم / أبو سلمان

اللهم صلي وسلم على نبينا محمد وعلى آله وصحبه آجمعين
هلا اخوي هادي
صح لسانك لاهنت
نصيحه قيمه والله يجزاك خير