الواسـطه
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مافيه حاجه ساقطه الا وراها لاقطه= واللي يطيح من السما في الارض يلقا له قبيل والطب ماخلّى علاج الا علاج الواسطه= ماعينوا اعلاجها فالطب والطب البديل حتى سهوم اهل النزاهة فالدواير هابطه= قليل لامنك لقيت اللي بعد مخْلص قليل تلقا خيوط معاملَتْك الهينه مترابطه= من دونها يفتل وينقض راعي الطبع الرذيل الا يكون تحط في مخباه شيٍ قافطه= ولا تدوّر واحدٍ قد صار له عنده جميل يمكن تروح وخاطرك مبسوط منه وباسطه= انهيت موضوعك وهو قد كان عندك مستحيل وان جت وظيفة في قطاعٍ كلبوه مرابطه= وظيفةٍ يالله تسد الدين وتفك الكفيل هم جاك من همه وهم ابوه وامه شاخطه= لاضاق صدره قال حسبي الله ونعم الوكيل ينقل ملفٍ حطته الاقلام كنه خارطه= من كثر مايكتب عليه ارقام يشبه للدليل قد له سنينٍ فوق طبلون الغماره صافطه= مر المناطق كلبوها من شروره للجبيل قالوا له اللجنه ترا عندك ثنيّه ساقطه= والطول تحت المستوى وجسمك ضعيف ونحيل رح ضبّط امورك مع العالم بدون مغالطه= حاول وشف لك حل في عمرك ولايخْدم بخيل واللي وراه قصيّرٍ لكن حظه ماغطه= عيّن له مسنّع وصار بقدرة القادر طويل عوّد على النادي وسجّل مع صفوف الرابطه= يشجع الكوره ويلقا فالعصر ظلٍ ظليل قال المدرّب ويش ذاك اللي عيونه شاحطه= اللي مع الجمهور متجمّد تقول انه قتيل قالوا هذاك غليّمٍ جرحان قلبه نافطه= عليه من بقعا همومٍ خلّته مثل الهبيل قال ازهموه امزح معه والاطفه واعابطه= واشوف لو انه مع الجمهور مدسوسٍ عميل نادوَه والماخوذ جا مسرع وراسه رابطه= اسبق من البارود لامن ثار من خشم الفتيل قال الولد هذا على رجليه سرعه فارطه= لو نقدر نحطه مهاجم عندنا ماله مثيل واقبل عليهم ريّس النادي وثوبه زانطه= يمشي مع الملعب على رجليه كنه مشي فيل توه صلاة الظهر قدر الضغط تيسٍ ماسطه= والبارحه ممسي وهو في بطنه شقاق الحسيل قال انت بكره لاتجيني الا وراسك ماشطه= وتقص اظافر رجلك اللي كنها روس الدريل يمكن نحطك فالهجوم ان كان لعبك ضابطه= اربّك تسد اللزوم وتبرد القلب الغليل هذي الجماهير الغفيره كلبوها ساخطه= اللاعبين مهرقلين ومستوى النادي هزيل قال ابشر بعزّك ونا مانيب اقول مهايطه= والله اني آجمّل عسى الله يكتب الفعل الجميل ولعبوا ثلاث مبارياتٍ والنقط متناقطه= فازوا بها واهدافها من صاحب الجهد المهيل مافيه حارس قدمه الا بالكباري قاشطه= الين صارت فالصحافه شهرته عابر سبيل وقامت تفاوضه النوادي والعروض مساقطه= وصارت ملايين الدراهم في حساباته تسيل واللكزس السودا الجديده عند بابه صافطه= والفلّه اللي سلموها له على شاطي النخيل ضحكت له الدنيا وهو قد بهْذلَته الواسطه= والواسطه في طلبة الله راعي المد الجزيل[/poem] |
1
وعلى نذر ان لي عوده يالاكلبي |
ضحكت له الدنيا وهو قد بهْذلَتـه الواسطـه
والواسطه في طلبة الله راعي المـد الجزيـل الله الله صدقت صح السانك يارائع! التحييييييييييييه , |
اقتباس:
الله الله الله الله اشهد انك صدقت وابدعت وتفننت في هذه الفاتنه سلامي عليك |
الغالي
سعيد بن مقبل الأكلبي __________________ الشعر ( الساخر ) هو أحد أصعب أنواع الشعر و ( أقربها ) إلى العامّة و ( أهمّها ) على الإطلاق ـ فهذا النوع من الشعر هو الأكثر ترديداً لما يحويه من ( صدق ) و ( دقّة ) و ... ( طمأنينة ) . شعر روائي يلخّص ( مواقف يوميّة ) و ( أمراض مجتمعيّة ) لا تكاد تنتهي ويعايشها الكثير الكثير من الناس وقلّما يطرقها شاعر ـ بهذه القوّة ـ لحاجتها إلى شاعر ( خاص ) قادر على ( ترجمتها ) بـ فن وحرفنة . لله درّك ـ أبدعت في الإحاطة بمرض الواسطة وترجمته شعراً / ولو أن علاجه بهذه الطريقة يحتاج إلى ( حظّ ) لا يدركه إلاّ القلّة ممّن دخلت ( الواسطة ) في إختيارهم لتنتفخ جيوبهم بعد طول فقر :) ــ ______________________________ |
هههههههههههههههههههههههههههههههههههههههههه
ههههههههههههههههههههههههههههههههههههه عسى ماتقفطك الدنيا قل آمين ، ياخي حطّمت رقم حقة البيجر والجوال ،،،، اشهد انك تفردت في هالجانب يابومقبل :) لكن ارجووووك سلم لي علاك وسجل اعجابي ! أخوووك .. |
ينقـل ملـفٍ حطتـه الاقـلام كنـه خارطـه
من كثر مايكتب عليه ارقـام يشبـه للدليـل قد له سنينٍ فوق طبلـون الغمـاره صافطـه مر المناطق كلبوهـا مـن شـروره للجبيـل ههههههههههههههههههههههههههههه عز الله ان الواسطه لعبت فيه .. لكن هذا حظه قايم ماشاء الله عليه :) ابو مقبل صح لسانك على هالابدااااع المتفرد سلامي عليك .. |
سعيد الاكلبي
قضيه مهمه وشاعر مبدع .. للّه درّك على ما قرأت صح لسانك .. وسلمت |
ياسلام يا ابو مقبل
صح لسانك وسلمت وسلم لنا تواجدك الهادف دائماً محبتي ومتابعتي ياغالي اخوك |
الله الله الله الله
الله الله الله الله للإبداع صانعوه وانت احد من يصنعون الابداع من خلال قصائدهم صدقني يا بومقبل الشعر الساخر الهادف من أصعب أنواع الشعر لله درك .. كم هو ممتع هذا النص صح لسانك مدد ،، .. |
صح لسانك يا سعيد
ابداع x ابداع قصيده بتعلق في الاذهان الاعجاب من مبطي تحياتي لك .. |
صح لسانك
|
بيض الله وجهك اي والله
وصح الله قلبك ملالالايين :) |
هلا اخوي سعيد
صح لسانك لاهنت قصيده رائعه |
صح لسانك يا سعيد
ابداع x ابداع قصيده بتعلق في الاذهان تحياتي لك .. |
اقتباس:
اقتباس:
شرفت في الاوله والثانية اخ عزيز طالما ارويتني من الاطراء |
اقتباس:
والله يحييك ياكحيلان |
صح لسانك يا الاكلبي ولا هنت
مبدع ورب الكعبه مدد بلا عدد نص يحاكي الواقع العايش بالواسطه تقبل تحياتي ومروري :) |
اقتباس:
والله يحييك يالكفو تعليقك وافي يالوافي تناولت نقد الموضوع بطريقة حرّيف بارع لاعدمتك ولاعدمت مداخلاتك المفيدة |
الله الله الله
ياسسسسلام شكرآ الشاعر القدير:سعيد بن مقبل الأكلبي قصيده من الوزن الثقيل شاعر جزل ولانستغرب منه الجزاله تقبل تحياتي وتقديري أخوك:حسين الدوسري |
اقتباس:
ارررحب والله يحييك ياطويل الذراع مرورك واعجابك درع للقصيدة وراعيها فأنت من فئة الجمهور العتيق يابوعتيق |
اقتباس:
مرحبا بك وبمرورك الكريم وشكرا لك على هذا التعليق الذرب |
| جميع الأوقات بتوقيت GMT +3. الساعة الآن 09:25 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية