|||||| البلـسم الشـافي ||||||
أحبّتي المرقابيين ..
والله العظيم إن للغياب مبرراته .. هذه متواضعة اتمنى ان تجدوا فيها ما يشفع لغيابي... : [poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"] إحمِـد اللي عشت في ستره الضافي=وارْض بالمقـسوم لو شحّت سنينك لو تكـون امنيْـتك تعـيش متعافي=طاحت سنـين آخر العمر من عينك ياخـي لا يتعبْك هالوقت ذا .. كافي=وكان تبغى اللي يرجّـح مـوازينك: مـوّت الهاجس وعش في فكر غافي=لا تفكّـر واجـد .. وبيـني وبينك فالـزمن ذا لو تبـي فـزعة سنافي=حسْب ما تمـلك من المال بيْـعينك والمطـمّه صاير الطـيب يا كـافي=أسهل مْن "المرحـبا" عند غالـينك المبـادي طفـل يبغى حضـن دافي=وانت ركّـز زين باللـي حوالـينك راح تدرك كيف عالـمْك ذا جـافي=للقيم..خلّ القيـم.. يا أَخـي ( دينك ) الفسـاد يسـود.. والأعـظم الخافي=وانت تبغى من تحـطّه على ايْمينك ؟ قبـلك محاكيك طيـبه مشـا حـافي=لين ضـاع الطـيب ما قلت له وينك خذ نصيحة شخص خاطرْه لك صافي=شاف من دنيــاه وإلا انت للحـينك ودام للحـينك .. خذ البلسـم الشافي=قبل لا يجبـرك زينـك على شـينك كل دربٍ ضيّـعك جـوّه الـطافي=الصبِــر نـورٍ يدلّك عــناوينك والصبِـر طبـعٍ مع اليأس متـنافي=يجبر طْمـوحك يجـي بين كفّـينك والصبِـر لو قلت له هذي اطـرافي=إعرف انه لو بغـى يقـدر ايْـدينِك أبك أنا حِسْـد البشـر حاول اتلافي=بس صبري قال : تبشـر بتمكـينك وهـذا انا والحمـدلله فـي قـافي=مستعـدّ أجعـلْك تعشـق عـدوّينك قلت ما عندي تحت صـادق اشرافي=يـوم تستجـدي عـيونك محبّـينك[/poem] : وسلامتكم فديتكم .. |
ثاني الدهمشي
لك لغة خاصه .. جميله جداً هنا .. للترحيب .. وتجديد الإعجاب |
صح لسانك يا ثاني الدهمشي ولاهنت
والمطمّه صاير الطيـب يـا كافـي أسهل مْن "المرحبا" عنـد غالينـك ويا سلام :) |
فالزمن ذا لو تبي فزعـة سنافـي
حسْب ما تملك من المـال بيْعينـك الله الله .. جسدت الواقع ببيت يختصر الكثير أبك أنا حِسْد البشر حـاول اتلافـي بس صبري قال : تبشـر بتمكينـك وهذا انـا والحمـدلله فـي قافـي مستعـدّ أجعلْـك تعشـق عدوّينـك قلت ما عندي تحت صادق اشرافي يوم تستجـدي عيونـك محبّينـك يا سلام عليك يا ثاني مبدع كماعهدناك ..صح لسانك وصح بوح قلبك سلمت يمينك وعلا شانك تحياتي لك .. |
4
|
ثاني الدهمشي
صح لسانك... فلسفة ... تحكي عن واقع. صح لسانك.. لك خالص التقدير.. |
قبلك محاكيك طيبـه مشـا حافـي
لين ضاع الطيب ما قلت له وينـك خذ نصيحة شخص خاطرْه لك صافي شاف من دنياه وإلا انـت للحينـك ودام للحينك .. خذ البلسم الشافـي قبل لا يجبرك زينك علـى شينـك كـل دربٍ ضيّعـك جـوّه الطافـي الصبِـر نـورٍ يدلّـك عناويـنـك والصبِر طبعٍ مـع اليـأس متنافـي يجبر طْموحك يجـي بيـن كفّينـك والصبِر لو قلت له هـذي اطرافـي إعرف انه لو بغى يقـدر ايْدينِـك أبك أنا حِسْد البشر حـاول اتلافـي بس صبري قال : تبشـر بتمكينـك صح لسانك ياثاني قصيده جزله بمعانيها وسبكها الشعري وقفت طويلا امام هذا البيت المبادي طفل يبغـى حضـن دافـي وانت ركّز زيـن باللـي حوالينـك سجل حضوري من احد جمهور ومعجبينك |
ثاااني
صح السانك فعلا قصيده انسان مجرب مو للحينه تقبل اعجاااابي ومتابعتي تحيااااااااااااااتي |
10
|
فالزمن ذا لو تبي فزعـة سنافـي
حسْب ما تملك من المـال بيْعينـك ياسلام عليك ياثاني صح الله لسانك تقبل مروري ... |
ثاني الدهمشي
صح لسانك صح لسانك صح لسانك قصيده عانقة الابداع وشاعر جزل يستحق المتابعه اخوك عيد بن سعدون |
فالزمن ذا لو تبـي فزعـة سنافـي
حسْب ما تملك من المـال بيْعينـك والمطمّه صاير الطيـب يـا كافـي أسهل مْن "المرحبا" عنـد غالينـك يا سلام عليك يا ثاني عزالله العزيز انك مبدع صح الله لسانك .. وسلمت يمينك |
كـل دربٍ ضيّعـك جـوّه الطافـي
الصبِـر نـورٍ يدلّـك عناويـنـك والصبِر طبعٍ مـع اليـأس متنافـي يجبر طْموحك يجـي بيـن كفّينـك ثاني الدهمشي صح لسانك × صح لسانك حكمه وجزاله ويعلم الله انك ابدعت تحياتي لك .. |
والمطمّه صاير الطيـب يـا كافـي
أسهل مْن "المرحبا" عنـد غالينـك ياسلام ياسلام ياثاني . , صح الله لسانك ولافض فاك ابيات لها لغة خاصة .. وترنيمة عجيبة اعجابي ومحبتي |
[align=center] --{
صحّ لسانك قصيدة من أروع مايكون ..، }-- [/align] |
ثاني
انت مبدع ورااائع دايم يالغالي صح لسانك سلاسه وعذووبه وتماسك جميل ورائع لك كل الود والمتابعه :) |
الله الله
المبادي طفل يبغـى حضـن دافـي وانت ركّز زيـن باللـي حوالينـك ابيات ونص رائع ومعاني عذبه لك مني فائق الاحترام والتقدير تحياتي |
ثاني الدهمشي .,
تبقى من اروع الشعراء الذين يفعمون الشعر بالاحساس صح لسانك مدد ., وحبي واعجابي سلامي عليكـ ., |
ثاني الدهمشي
صح لسانك مدد ياثاني ابيات حكمة صغتها ببراعة تحيتي وتقديري |
مرحبا ياثاني
وصح لسانك حتى ترضى وافتقدك المرقاب ومتابعيك تقبل ودي وتجديد الاعجاب مع أجمل تحية أخوك |
فالزمن ذا لو تبي فزعـة سنافـي
حسْب ما تملك من المـال بيْعينـك ثاني الدهمشي صح لسانك على ماهنا من ابداع وفلسفه تحيتي واعجابي |
ثاني
صح لسانك مدد ولاهنت طال عمرك اخووك |
| جميع الأوقات بتوقيت GMT +3. الساعة الآن 12:31 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية