24 سـاعه !!
 

تامر أمر يالمســرّي ... جيت وجبت الجديد !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الهجوس مرفــّهه واللي يهوجس في مجاعه = والبخت ضايع بدون قصور في السبع الصنايع
من يقول الذلّ ماهو من محاصيل الشجاعه = لو نشد تاريخ الأمـّه جاوبه باب الوقايـع
والله إن صمتي بعض الأحيان ماهو صمت طاعه = السكوت يثبــّت الوقفات ويسدّ الذرايع
آعرف راس الجبل وأدري وش مسبـّب صـداعه = الجبل راسه مصـدّع والسبب من كل خايع
راح وقت ٍ تظهر الرجال في الشده ذراعه = في زمن حب الخشوم وما تبعه من التبايع
القناعه كنز لا يفنى وذا اليـوم القناعه = صابها ما صاب كسرة خبز مدوها لجـايع
من يصلّي منفرد فوّت عليه أجر الجماعه = لو يصلّي في كديّ ولو يصلّي في الشرايع !
والمسوّق للبضاعه يعرف أسرار البضاعه = في دكاكين الربوع وفي دكاكين الربايع
المهم إن الفراسه والمهـاره والبـراعـه = وهبة الله والوهـايب مالهـا شاري وبايـع
بارك الله في القطيع وفي الوديع وفي الوداعه = وبارك الله في القصيد وفي الرصيد وفي البضايع
ممتلك فن الحديث الناس تصغـي لإستماعه = تقلب فنون الحديث العادي من الهرج رايع
أربع وعشرين ساعه وأربع وعشرين ساعه = وأربع عشرين ساعه ما ترجـّع كل ضايع
الشوارد والفوارق ما صنعناها صنـاعه = جات بالفطره كذا من باب توريد الروايع
يا مكـثــْرة الحكي للنـار شعله وإنـدلاعه = جابها الله في وعدها يوم ذعذع كل ذايع
سالفة صح وخطا ماتت وتالية اللكـاعه = خلـّت كبار السوالف قال شايع قال فايع
أسهل الغلطات للتعديل غلطات الطباعه = وأصعب التصحيح والتعديل تعديل الطبايع![/poem]

2

:)

ولي عوده معك ياكبتن ,, الله يبارك فيك وفي المسرّي

المسريّ كله بركه :)

أسهـل الغلطـات للتعديـل غلطـات الطباعـه
وأصعب التصحيح والتعديـل تعديـل الطبايـع!

ابو يحيى وينك ياشيخ .. والله انا فاقدينك وفاقدين ابداعك

ياهلا ويامرحبا مليوووووووووون

اما بالنسبه للقصيده فامرها مفروغ منه دامك شاعرها .. وش غير الابداع قلي ؟!

صح لسانك × صح لسانك

تحياتي وسلامي
..

الله الله

القناعـه كنـز لا يفنـى وذا اليـوم القنـاعـه
صابها ما صاب كسـرة خبـز مدوهـا لجايـع

من يصلّي منفرد فـوّت عليـه أجـر الجماعـه
لو يصلّي في كديّ ولو يصلّي فـي الشرايـع !


قصيده جزله

ومعاني محكوره ذان طابع جزاله خاص


لك مني فائق الاحترام والتقدير

تحياتي

ماشاء الله تبارك الله
:)




لله درّك ،،،

هذي مكانها بالشعبي ياناصر ..

مافيه موفق للخير ينقلها على حسابي الخاص؟؟ :)


أبويحيى ..

وربي إنك تكتب الصعب من الشعر بكل حرفنه ..

حب لي خشمك :)

والله إن صمتي بعض الأحيان ماهو صمت طاعه
السكـوت يثبّـت الوقفـات ويسـدّ الـذرايـع


ياسلام ياسلام


أسهـل الغلطـات للتعديـل غلطـات الطباعـه
وأصعب التصحيح والتعديـل تعديـل الطبايـع!


لله درك


,
/


أبو يحي .!

أرحب أرحب أرحب أرحب تراحيب الحيا .. ,
صح الله لسانك ولافض فاك
وش اقول وش اخلي .. !
مبدع ولله درك
ولاعاد تبطي علينا ياغالي :)
اعجابي ومتابعتي

والله انها من قصايد الشعبي المكتمله والكمال لله

بيض الله وجه المسري

وبيض الله وجهك يا بو يحيى

شاعر بمعنى الشعر عز الله ،


..

المبدع ناصر الأحمري



والله إنك تغرف من بحر

وأنت غير وأسلوبك غير وبدعك غير

صح لسانك مدد بلا عدد

كرّر الإعجاب وتقبّل المرور

دمت بخير

مرحبا في مرحبا في مرحبا


يابويحيى والله يرفع مقدارك


( 12 )


والعوده حتميه ونص

والله إن صمتي بعض الأحيان ماهو صمت طاعه
السكـوت يثبّـت الوقفـات ويسـدّ الـذرايـع

الله الله الله الله

صح لسانك × صح لسانك

مبدع وجزل في حضورك دائما

تسلم يمينك ولاهنت

احتراااامي

و
ج
د

ناصر الاحمري

جزاله غير مستغربه سلامي عليك وعلى بدعك

صح لسانك .. وسلمت

فوق يا شعر



لله درك يابو يحيى !

عز الله الواحد لابغى يكتب قصيدة

يكتب مثلها ولا يهوّن ابركله

لله درك ياشيخ

غيمار

ناصر الاحمري .,
حيّ هالشوف .,


أسهـل الغلطـات للتعديـل غلطـات الطباعـه
وأصعب التصحيح والتعديـل تعديـل الطبايـع!


بيت عن قصائد ., ومسلّمه ثابته في الشطر الثاني منذ الازلّ .,

مبدع يابويحيي والابداع ديدنك .,

سلامي عليكـ .,

أسهـل الغلطـات للتعديـل غلطـات الطباعـه
وأصعب التصحيح والتعديـل تعديـل الطبايـع!

بيت يغني عن الشعر ..لـ شهر

ماتخيب ظن لاعدمتك..

كنا في أنتظار الجديد...وجات بحجم التوقعات

والله الحكي الواجد ماله داعي

صح لسانك يامبدع

القناعـه كنـز لا يفنـى وذا اليـوم القنـاعـه
صابها ما صاب كسـرة خبـز مدوهـا لجايــع

القناعـه كنـز لا يفنـى وذا اليـوم القنـاعـه
صابها ما صاب كسـرة خبـز مدوهـا لجايــع

القناعـه كنـز لا يفنـى وذا اليـوم القنـاعـه
صابها ما صاب كسـرة خبـز مدوهـا لجايــع

الله الله الله يابو يحييى ..!!

القصيدة كاملة .. ونايفة .. وكايفة .. لكن يخرب شيطانك على هذا البيت ياشيخ ..:)
بدع لايرتقي له إلا قلائل .. في هذه الأيام ..!!
لله درك
لله درك
لله درك

عدد حرووفها أضعافا مضاعفة ..!!
!!
.
.
تقديري . لك

مع احترامي الشديد لك

ولاكن انت مجنون


مجنون شعر ومبدع وداهيه الى اقصى درجات الدهاء والابداع

القناعـه كنـز لا يفنـى وذا اليـوم القنـاعـه
صابها ما صاب كسـرة خبـز مدوهـا لجايــع

مرحبا يبو عيضه وانت دايم رقم واحد