مساجله بين ابن زويبن وابن عون
 

بسم الله الرحمن الرحيم

اخواني مشرفين واعضاء وزوار منتدى الجميع ( المرقاب )

السلام عليكم ورحمة الله وبركاتة وأسعد الله جميع اوقاتكم بكل خير

استأذن انظاركم الكريمة بعرض هذه المساجله بين الشاعر عبدالله بن زويبن الحربي

ووالدي عبدالله بن نايف بن عون بعد ان قاموا بتلبية الدعوه الموجهه من الشاعر

بدر الحويفي والذي سبق وان عرضت لكم قصيدتين في نفس المناسبه

يقول عبدالله بن زويبن

[poem=font="Simplified Arabic,4,black,normal,normal" bkcolor="transparent" bkimage="" border="none,4,black" type=0 line=0 align=center use=ex num="0,black"]
مشينا من العارض على صافي الماطور = نهار السفر من لايدنيه مادنا

عسى الله يعديه العواكيس والعاثور = بنا يم ابو سلمان منعوب ومعنا

عزمنا وحنا من محبه وطيب شعور = عليه الحرير اضعف سلوكه يجرنا

يسوقه صبيٍ من عتيبة طويل شبور = يطوف المواتر كلها مايطوفنا

وعلى الباب الأيمن شاعر عتيبة المشهور = ابن عون في طاروقه المنفرد غنا

وانا والشويب نحسب ان اللحن مكسور = نقول اعدل الطاروق واثر البلا منا

غريبٍ علينا لاهجيني ولا مجرور = وقعدنا نغرد خارج السرب لاهنا

على الدبك مثل المستجدين بالطابور = وتعبنا وعفنا واستخرنا وهونا

وقعدنا نعاين فالنبيرات والديكور = تقل فيه شيٍ فالغماره مهولنا

لين انا نسفنا نسفت الموج للبابور = بريدة وسكان المليدا على ايمنا

ولقينا جسوراً تنطوي في بطون جسور = وعلى واحداً منهن على الرس ميلنا

ولقينا الحويفي واقفٍ عند باب السور = نطحنا بكلمت مرحبا حين حولنا

وقلطنا وهو يقبل ويقفي كما المسعور = يشعشع وعده بالتراحيب ياكلنا

وعلينا عياله يدرجون اشقرٍ مذعور = وراه المداخن كل لحظه يمرنا

وسمعنا وسولفنا وجا للمثايل دور= وسمعنا طرايف شعرهم واسمعوا منا

وقلطنا على السفره عسى خيرهم مكثور = واكلنا من اسمان المفاطيح لين انا

سمحنا وعودنا على المجلس المعمور = وقعدنا نسولف ساعتين وتسهلنا

لأهلنا وجينا يوم بين شعاع النور = تبين وشفنا والظلام انجلا عنا

ونبيها زياره دايمه كل ست شهور = يزوروننا ونزورهم كان خلنا

الايام لو ماهيب دايم فرح وسرور = تعشن محمد والصحابه ماهو حنا

يقول الخلاوي بالمثل قدمنا بعصور = نعد الليالي والليالي يعدنا[/poem]

وهذا رد الوالد عبدالله بن عون

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
على وسق جيبٍ كنه الريمي المذعور = رفعنا الهجيني يوم فوقه توازنا

انا والزميل منيف والمنهي المامور = دعينا واجبنا لابوسلمان واذعنا

بعد مافهق صلبوخ بادرت بالميسور = نغني بيوتٍ من قصيداً ماهوب النا

وابو بدر جاوبنا ولا بان منه اقصور = ثلاثه ورابعنا رفض لايعاونا

وابو بدر مثل امقدي الخور بالمقهور = ليا شافنا تهنا الطريقه تماكنا

ويقول انت قدامي وانا دوب بالناظور = اشوفه وهو قدمي على مثل ماكنا

لاشك الرها ماحط للشك عنده دور = عقيداً لحاله ماغزا معك يامهنا

هو الشاعر الكابر وانا الشاعر المكبور = وكلام الصراحه من كمالت مراجلنا

لو الشعر له لجنة عداله وله دستور = لابوبدر جزلات الجوايز تعدنا

لاشك انحمد ربي على وضعنا المستور = لجان القصايد مثل لجنة مزاينا

ارا شعر بعض الناس رشٍ بدون انذور = الى مره العاصوف شاله ولا ثنا

على جرته تلقا وساع الفجوج ادهور = الى جا الفياض الضاميه ماسقاهنا

كلامٍ رخيصٍ لو يصفق له الجمهور = ولو شجعه ماراح منا ولا منا

يحور ويدور بفكرته مايجي المحضور = عن المنهج المعتاد ماهون ومثنا

نجامل ولا نشره على العمي هن والعور = الى مارضى اللي قبلنا كيف يرضنا

ومزار الحويفي نعتلي به خشوم القور = وعلى ضلع ابان وما تبين تبينا

هشاشٍ بشاشٍ كل ماحصله مدمور = ودماره على الخرفان والهيل والبنا

عسى اللي سواته من صدوف الدهر ماجور = ويمد بحياته ويحمانا ويمنا

يابو بدر ماعني وعن صاحبي مذخور = تعجرف علينا وانت بالطيب ضامنا

انا والشويب كلنا في رضاك حضور = نجاملك وانته ياجب انك تجاملنا

نقدرك ونراعيك وانرد لك بالشور = ومدامك على هالحال لاعاد تامنا[/poem]

الأخ العزيز مشعل بن عبدالله بن عون
عليكم السلام ورحمة الله وبركاته

حياك الله ، واسعد الله اوقاتك بالمسرات
يطيب لي ويشرفني ان اكون صاحب اول رد على هذه المساجله البديعه والتي تعد من فرائد المساجلات في الشعر المعاصر

شعراء مبدعين وأعلام شعر ، يقدمون دروس لمحبي الشعر الأصيل النقي
اشكرك على هذه الهديه النفيسه
كما أشكر زميلنا الشاعر الكبير حسين بن ضيف الله الدوسري على اهتمامه بحصريّة مثل هذه المساجلات وسعيه الدائم على ان تكون للمرقاب فقط

قرأت مساجله من أتقن المساجلات من جميع جوانبها
والحقيقه انها تكيّف المزاج كما يقال

صح لسان الشاعر المبدع الكبير / عبدالله بن زويبن
وصح لسان الشاعر العلم القدير / عبدالله بن عون

وبارك الله فيك يا بو عبدالله ،


...

مدارس شعرية عسى الله يبطي بهم في الوجود

وعسى ذا الزيارات المتبادلة تتم فعلاً كل ست شهور :)

لأننا مستفيدن والشعر مستفيد

لاهنت يامشعل على نقل الجزالة.

مشعل

صح لسان الشاعرالعلم/ بن زويبن

وصح لسان الشاعر العلم/عبدالله بن عون

ولاشك انها من فرايد المساجلات حيث انها بين عمالقة الشعر في الجزيره العربيه

والف شكر لك اخي على النقل

تقديري

لاخ مشعل
شكرا على ايراد هذه الدرر

ممرنا من هنا وتعلمنا
تقبل مروري

مشعل بن عبدالله بن عون

الله يحييك ويحيي ماجبت

أشهدُ بالله أنهم مبدعين

صح لسان الشاعر المبدع الكبير / عبدالله بن زويبن
وصح لسان الشاعر العلم القدير / عبدالله بن عون


بلغهم السلام والشكر

وبان هناك طالب يريد أن يتعلم منهم هذا الشعر الفارق


وبارك الله فيك وسلمت


غيمار

غريبٍ علينـا لاهجينـي ولا مجـرور
وقعدنا نغـرد خـارج السـرب لاهنـا
على الدبك مثل المستجديـن بالطابـور
وتعبنـا وعفنـا واستخرنـا وهـونـا
وقعدنـا نعايـن فالنبيـرات والديكـور
تقـل فيـه شـيٍ فالغمـاره مهولـنـا

الله الله الله الله الله

لاشك الرهـا ماحـط للشـك عنـده دور
عقيـداً لحالـه ماغـزا معـك يامهـنـا
هو الشاعر الكابر وانا الشاعـر المكبـور
وكلام الصراحـه مـن كمالـت مراجلنـا
لو الشعر له لجنـة عدالـه ولـه دستـور
لابوبـدر جـزلات الجـوايـز تعـدنـا
لاشك انحمد ربي على وضعنـا المستـور
لجـان القصايـد مثـل لجنـة مزايـنـا

يا سلام يا سلام

ابدااااع وجزااااله وشعراء عمالقه


صح لسان الشاعر المبدع / عبدالله بن زويبن
وصح لسان الشاعر الجزل / عبدالله بن عون

وشكرا لنقلك الجميل

احترااامي

و
ج
د

وعليكم السلام ورحمة الله وبركاته

والله يسعد جميع اوقاتك بكل خير .. الحقيقه ان اللسان يعجز عن شكرك على ماتقدم من روائع

لأعـــلام الـشـعـــر

مساجله من اروع المساجلات قريتها اكثر من مره ولي اكثر من عوده لقراءتها ..,

صح لسان الشاعر المبدع الكبير / عبدالله بن زويبن
وصح لسان الشاعر العلم القدير / عبدالله بن عون

بلغهم سلامنا لاهنت وعساهم يبطون فالوجود متعافين ..,

الله يبيض وجهك يامشعل

,,

الله الله الله الله الله الله

من اروع المساجلات كيف لا

وهي من اعلام الشعر الله يطول اعمارهم

ولاهنت يامشعل وبيض الله وجهك

هنا درس .. لكل من يبحث عن الجزاله
والأصاله .. والشعر الحقيقي

شعراء .. اعلام .. حضورهم يثلج الصدر .. لاهنت يا مشعل

وصح لسان .. شاعرنا الكبير عبدالله ابن عون .. وصح لسان الشاعر الكبير العلم ابن زويبن

مشعل عبدالله بن عون

الله يعطيك العافيه وصح السان ابوك وابن زويبن

وعلى المحبه نلتقي

الحقيقة إن الشاعرين أعلام من أعلام الشعر الحقيقي ويعتبرون اساتذه للجيل الحاضر وجيل المستقبل ولا نستغرب منهم الجزاله والاصاله
وبخصوص شاعرنا العلم عبدالله بن نايف بن عون فهو كما عودنا لا يبخل علينا بما هو
جديد من الابداع
تحياتي وتقديري للجميع
كما اكرر الشكر لله سبحانه وتعالى ثم للاخ مشعل

الاخ العزيز الشاعر مشعل بن عبدالله بن عون

نشكرك جزيل الشكر على هذه المساجله الشعريه الحصريه لعمالقة الشعر الغنيين عن التعريف وهذا شرف لنا وفخر ولاهنت على كل حال



وصح الله السنتهم جميعا وشكرا لك

كلام من ذهب

صح لسان العلمين الكبيرين

ولاهنت يامشعل

تقبل تحياتي




:)

قصايداساتذه تستحق المتابعه اكثر من مره

الله يبيض وجهك يامشعل



عز الله انهم اعلام شعريه


وعز الله انك ماقصرت




لاهنت




...

الاخ مشعل بن عون

شكرا لك استمتعنا بالقصيدتين

وصح لسانك والشاعرين القديرين

الشاعر ابن الشاعر
الأخ مشعل بن عبدالله

أسعد الله أوقاتك

قسم بالله أثمن هدية لهذا الموسم

درتين من نوادر الشعر .. كيف لا وشاعراها العملاقين

ابن زويبن وابن عون

هنا ,, الشعر , التواضع , الابداااع , الانصاف

بإختصار : دروس مجانية لنا

ألف ألف صحة ألسنتكم ياعمالقة الشعر

شكري وتقديري .

قصايداساتذه تستحق المتابعه اكثر من مره