لا غاب منا سيدٍ .. سيدٍ قام
بمناسبة صدور الأمر السامي الكريم بتعيين الشيخ جامع بن عبدالعزيز بن جامع أميراً للفوج الخامس بالحرس الوطني وتعيين الشيخ سلطان بن عبدالعزيز بن جامع وكيلاً لأمير الفوج الخامس بالحرس الوطني .. الأمر سامي والقيادة حكيمة والشيخ جامع كفو .. واخوانه حزام كفوٍ لها .. لو المهمة جسيمة ياقف لها جامع على مر الايام شيخٍ دروبه للعلا مستقيمة في واجبه .. لا قال قدام .. قدام وان قلت ابو تركي .. وصوفه عديمة تاقف على بيض الورق زرق الاقلام نعرف جديدة من مواري قديمه دايم وهو عزام بالحق جزام سد المكان بهمته والعزيمة في خامس افواج الحرس درع وحسام سيفٍ مجرّب في يدينٍ كريمة ودرعٍ من دروع الوطن عزم واقدام نفسه على العليا مريمة مقيمة يقودها للمجد .. ويحث الاقدام صيته شهر .. طيبه ظهر من صميمه تقرن مع اسمه دايما سبع الانعام علاقته مع كل ربعه حميمه عطفٍ ولطف وقرب واجلال واكرام من فضل ربي والنوايا سليمة لا غاب منا سيدٍ .. سيدٍ قام تفرح به الروسان عز وحشيمة والله يديمه ذخر لاعوام واعوام |
ياسلام
ونعم ونعم ونعم واهل الطيب يستاهلون صح لسانك , |
زايد الرويس
صح لسانك ونعم بالمادح والممدوح قصيده وافيه وجزله من شاعر جزل سلمت ولاهنت تحياتي |
ونعم والله
بجامع وباخوانه اهل طيب ويستاهلون المدح صح لسانك يازايد .. |
أي بالله كفو ومليون كفو
أمراء وسلايل شيوخ صح لسانك يا زايد وسلمت ، .. |
ومليون نعم يا زايد
ووجعله مبارك تولّيهم هالمناصب ومن اعلى لأعلى صح لسانك .. وسلمت |
كفو
والله يوفقهم جميع وصح لسانك يازايد غيمار |
من فضل ربي والنوايا سليمة
لا غاب منا سيدٍ .. سيدٍ قام ونعم ونعم والروسان كلبوهم أمراء ,, |
شيخٍ دروبه للعلا مستقيمة
في واجبه .. لا قال قدام .. قدام كفو يابو عايض .. والله يرحم الميّت ..ويبقي الحي ذخر لعتيبه كلّها .. سلامي عليك يازايد .. |
زايد الرويس
صح لسانك |
اقتباس:
ألف شكر لك على مرورك وماعليك زود طال عمرك |
الله لايهينك يازايد
صح لسانك مدد بلا عدد ويستاهل ابو تركي عز الله انه من يوم هو وكيل وانا اعرفه تمام المعرفه رجل وأمير بكل ماتحمله الكلمه من معنى لاهنت يازايد |
ونعم مليآآآآآر
: صحّ لسآنك يآزآيد .. |
زايد الرويس
ونعم بكم من فضل ربي والنوايا سليمة لا غاب منا سيدٍ .. سيدٍ قام كفو صح لسانك تقديري |
ونعم والله
بجامع وباخوانه والله يرحم ابوهم ,, اهل طيب ويستاهلون المدح صح لسانك يازايد |
اقتباس:
ما عليك زود وانا اخوك ولاهنت على ردك الطيب |
كفووو والله ويستاهلون المدح لانهم اهل له
صح لسانك يازايد ولاهنت على هذه الفاخره كن بخير |
ونعم فيكم
وفي اميركم وصح لساااااااااااانك وبيض الله وجهك اخووووووك |
اقتباس:
ما عليك زود وانا اخوك والله لا يهينك ويبيض وجهك |
زايد الرويس
صح لساانك وعلى شانك ابدعت وامتعت تقديري |
ونعم والله بالجميع
صح لسانك وعسى الله يرحم الميت ويوفق الحيين قصيده رائعه من شاعر مبدع تقبل تحياتي00 |
اقتباس:
ماعليك زود والله يبارك فيك وانا اخوك |
| جميع الأوقات بتوقيت GMT +3. الساعة الآن 11:42 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية