عشرة شروط
 

[align=center]اعزائي

ارجوا ان تنال هذه القصيده على اعجابكم[/align]


[poem=font="Simplified Arabic,5,black,normal,normal" bkcolor="transparent" bkimage="backgrounds/25.gif" border="none,4,gray" type=0 line=0 align=center use=ex num="0,black"]
خابرك تبيني وانا مثلك ابيك=من بعد مادار الزمان ولقيتك
ياصاحبي ماعاد لي رغبة فيك=ابيك تنساني مثل مانسيتك
وان كان ودك في مواصل محاكيك=اجل بلاش الفلفله لابكيتك
عشرة شروط ان كان تبغاني اجيك_حتى يعود قلب مغليك بيتك
ابيك ترضيني وتترك تغليك=وابيك تعطيني مثل ماعطيتك
وابيك تفرح بي ليا جيت ناصيك=يعني تفز وتنتهض لانصيتك
وابيك تنسا كل من كان شاريك=مادام انا بدموع عيني شريتك
وابيك تعرف قدرك بقلب مغليك=وابيك قد الهقوه اللي هقيتك
وابيك تتنازل وتترك تحديك=وابيك خطن لاكتبتك قريتك
وابيك تنسيني دروب التهاليك=يادربي اللي تهت فيك ومشيتك
هذي شروطي كان تبغاني اجيك=هذا بعد ياصاحبي كان جيتك[/poem]

جميل ماقرأته
هنا


شعر/ لايجيد سبكه سوى الكبار

استمتعت بحضوري هنا

واطربني ماقرأت

لافض فوك

مروري وتحيتي

مرزوق الصويفي


شااعر يطرب متذوق الشعر !!


مرزوق الصويفي

هناا الكل يباك هناا ,

صح لسانك .

مرزوق الصويفي



صح لساااااااااااااااانك


بس قول ان شاء اتوافق على الشروط


اخوووووووووووك

مرزوق


صح لسانك

مدد

ولاهنت

اخووك

وابيـك تنسينـي دروب التهاليـكيادربي اللي تهت فيـك ومشيتـك
هذي شروطي كان تبغاني اجيـكهذا بعد ياصاحبـي كـان جيتـك


مرزوق

ياسلام لاكن ماتحس انك زوتها :)

جزاله وابداع

صح لسانك

تقديري

الله الله

شروط واضحه وقصيده عذبه

الأخ الشاعر مرزوق الصويفي

صح لسانك مدد وسلمت ،


..

هذي شروطي كان تبغاني اجيـك ** هذا بعد ياصاحبـي كـان جيتـك !!

!!!!!!!!!!!

ماشاء الله عليك يامرزوق كل هذا تشرط :) وبعد يمكن تجي ويمكن ماتجي :)

صح لسانك مدد وعساها تقبل الشروط

تحياتي لك

..

اخوي

نايف العليان

لاهنت يالغالي على مرورك العذب

تقبل تحياتي

هذي شروطي كان تبغاني اجيـك
........................ هذا بعد ياصاحبـي كـان جيتـك !!


تبي عاد الصحيح يا مرزوق مافيك طب انت بايع وخاااالص


والا على قول المثل ( اغصبوني وابي اتغيصب )


صح لسااااانك وانا اخوك

اخوي

عبدالله الرقيب

مشكور لاطرائك الرائع

وتقبل تحياتي