منتديات المرقاب الأدبية

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالهجوس المسفهلـّه هات والباقي على الله والله الله والله الله في الجديد من القصيد = والله الله في الجزايل هجرسي والراس طايل طايلً والشك زايل مارقيت الاّ سنـود
والله إني والله إني ما كليت لسان جني ردّ ردّ العلم عنـي من جديدً في جديـد = الهدف عالي وغالي إيه غالي وإيه عالي عاليً أول وتالي ساس طود وراس طود
لا تيامن لا تياسر امش سيده منت خاسر دام ملفاك الدواسر عدّ واطلب ماتريد = واسمع الراي المحايد في التغالب وآل زايد فردهم يسوى بدايد في صدور وفي ورود
ياسلام الله عليهم كلبيهم كلبيهم كل علمً زين فيهم منهم الطارف سديد = آل زايد والتغالب نالو كبارالمطالب مالهم في الطيب غالب من قديمات العهود
ويش أخلي ويش أعدد ذا عريب وذا مردد بالأسامي صعب أحدد من قريب ومن بعيد = للعرب ماني بجاحد بس بأستشهد بواحد حد ياهاجوس وآحد سوق سوق وقود قود
نسل تغلب صلب وايل دايمً وافي خصايل نايل وراعي جمايل صايل وقطـاّع بيد = وكل حقباني سنافي صافي وضافي ووافي ظاهرً ماهو بخافي ما يساد الا يسـود
يارجا بن باتل إسمع قبل لاتطرح وتجمع القصيده فيك مطمع وصلك العلم الأكيد = ساقني لك طيب راسك قادني لك طهر ساسك جابني لك قو باسك يافهد يبن الفهود
فلة حجاجك تكفـــّي ومدتك كفوفك توفي تقبل وغيرك يقفـي ياعسى عمرك مديد = في المداحم بالكتوف تدحم كبار الصفوف وأن تمثنيت الوقوف كنــّهم جنبك قعود
أن بغيت إنــْها تعدي أبتسمت وقلت عدي وكان وصلت للتحـدي فأشهد إن مالك ضديد = بعد شوح ووسع خاطر وخف روح وثقل أباطر ودوس لكبار المخاطر وإنطلاق ونطح كود
قو ضرب وفك كرب وخوض حرب وقطع درب وكل شيً فيك ذرب من الوريد إليا الوريد = بنك طيب وقبر عيب وطمر ذيب وماتغيب الا تجيب وما تجيب الا خلاصة كل فود
قو دين وزين زين وماتنول الا السمين وماتطول الا الثمين وديدنك هل من مزيد = طول وجه وكبر جاه وكل دا تصرف دواه وعمق في كل إتجاه وماتقاد الا تقــود
مسفهل ومستهل ومستقل وماتمل وماتكل وماتذل وماتزل وماتحيـد = كيلمان وهيلمان وماسكً راس العنان ومنت تنزل في الطمان وما تحب الا الصعود
دايمً نظرتك فوق وفرق سوق وفرق ذوق وعندك أبداً ماتعوق لسوق نوق وقنص صيد = من ثبات إليا ثبات وما أنحنى راسك بتات غيرلا أديت الصلاة في الركوع وفي السجود
الله أعطاك القياده والرياده والسياده منت في حاجة شهاده من سعود ومن سعيد = ما تشوف الا التميز وأنت في كلش مميز منت في حاجة تحيز من سعيد ومن سعود!
بُعد شوفك وإتجاهه والفراسه والنباهه والسياسه والوجاهه وقبلها باسك شديد = سرع فهم وسبق سهم وعنّ دهم وسوق جهم وقول شهم وفعل شهم وصفق موج وهب نـود
من دعاك تلد يمه من نصاك أنزاح همه من رماك أنساح دمه من حرار ومن عبيد = ما يهزك شتم شاتم وأن غضبت تكون كاتم وأن بخلت تصير حاتم وأنت خاتم كل جـود
أنت شيـّال الثقال وأنت جمّال الجمال وأنت زيزوم الرجال وأنت فايد كل فيد = وأنت مقطع كل حق وأنت معطي المستحق وأنت أبد ما تنلحق وأنت حلاّل العقود
أنت عيلم ما يبيح وأنت رجمً ما يطيح لو تهبـّه كل ريح ما تحرّك فيه حيد = وأنت للغازي سلاح وأنت للوازي فلاح وأنت للنازي صلاح في عجاج وفي ركود
يامكثــّر كل قلـّه يامغن الطيب كلّه يا مدواي كل عله للبعيد وللحديد = يا ويا ياكثر يايا من حميدات السجايا والمزايا والحلايا والجبل كلـّه حيود
شايبك وفى وكفى كيف كفى كيف وفى من يجيبك ماتوفى يالعقيد أبن العقيد = شايبك ماهو بخاتل في سلام وفي مقاتل ياعسى منزال باتل وسط جنات الخلود
وجعل باتل مثل باتل في طريق العز باتل ساطي وناقض وفاتل نايف و رايه رشيد = وأنت جعل الله يزيدك في السنين وفي رصيدك وجعلك تزوج حفيدك عيطموسً بنت عـود
يا رجا هذي علومي حسب ماجابت عزومي يا رجا مقضى لزومي ما يبي ساعي بريد = اللزوم إدمح قصوري وإقبل العذر الجهوري كان ما جمل حضوري بعد تكثيف الجهود
وأنت تدري بي مفوه في صخبه وفي هدوه مير ضاعت كل قوه لو هجوسي من حديد = يستفز القاف قدحك و يفحم الشعار مدحك ويجلب الطالات كدحك وجعل يفداك الحسود
من خيار الحبك حبك ومن خيار السبك سبك وماورى ذا الدبك دبك وبارك الله في الرصيد = ما أشتكى من زود صرف يسوقها لك حرف حرف بين نحو وبين صرف وما يعديها الحدود
يا رجا ماقال ناصر شرح عن بعض العناصر ولو تشوف الحبل قاصر فالجمل من دون قيد = من على خط البدايه وانطلق يبغى النهايه والوسيله لأجل غايه والعلم فوق العمود
جابها الله في وعدها برقها يسبق رعدها وش بعدها يابعدها لا تزيد ولا تعيد = بالنبط والا الفصيح ما مدحت الا المديح ولا هرجت الاالصحيح ومارقيت الا سنود ! [/poem]