جديد بن جدلان ,
 

السلامُ عليكم
صبحكم بالخير , والله اني مبطي من السديري
لكنّي جيتكم بآخر ماكتب الشاعر الكبير

سعد بن جدلان

وهي قصيدة مدح في صاحب السمو الملكي , أمير منطقة عسير

فيصل بن خالد بن عبدالعزيز

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
آمنت بالله رب ارجيه وأساله=وآمنت بأحمد نبي الامه وهاديها

يالله بحظ ٍ كبير ٍ يرفع القاله=والناس بالعرف فيها ما مكفيها

يا عالم الشعر .. لب الشعر ما اصغاله = يعني تمعن بها ..تعرف معانيها !!

الشعر عالم فلك ، وبحوث ، ورساله=رسالته يعجز الدكتور يديها

بالطب ممكن يجيد علاج كم حاله=وفيه التواريخ حاضرها وماضيها

وكم من صبي ٍ على مركاه ودلاله=شهادة ارقى الجوامع في مخابيها

ايضاح : نص القصيده .. ويش تعنا له=يدّرج فيها من اولها لتاليها

على كذا نترك الجمهور في حاله=واواصل الطرقه اللي كنت ناويها

ضلة اجلال الكلام .. تعانق اطواله=وتعزف مواويل ويغني مغنيها

وتمخضة من بنات الفكر مختاله = كنها تشل القمر والشمس في يديها

تقلط لفيصل ولد خالد وتهداله=(قلايد المجد زاهيته وزاهيها)

في كل عد ٍ طويل ٍ تارد حباله=ولد ملك مشغل الدنيا وماليها

(ولد ملك شامخ الهامات تحناله=ولد ملك يزعل الدنيا ويرضيها)

ولد ملك تستضل الناس بضلاله=ولد ملك يطعم الانفس ويسقيها

ولد ملك كل مجلس صدر يفضاله=عنْه الاكابر موخرت ٍ كراسيها

(ولد جلالة ملك ومعنز ٍ خاله=على حرار ٍ معربة ٍ مجانيها)

((على الدوامر عمى الحاسد وسلاله=من روس شيخان يام ومن دواهيها))

يوم الوفي دايم ٍ الناس تبرا له = (كم غزوت ٍ بعّد الدامر مناهيها)

((من قوم راكان بن حثلين وابطاله=في طبلة المجد رنانه اساميها))

وفيصل تراكا على يمناه وشماله=من حيث ما جت له البيضا يحييها

(تجمل عيال الملوك وفيصل لحاله)=مواقفه ما حد ٍ غيره يسويها

(في ذمتي ما يجبن النسا امثاله=لو ولدن مع مناخرها وافاميها)

وتمت وصلوا على سيد البشر واله=والناس بالعرف فيها ما مكفيها[/poem]

أشهد بالله انه مدرسة من مدارس الشعر .!
استمتعت بسماعها
وتشبعت بقرائتها
صح لسانك بن جدلان
وسلمت يمينك يابو محمد على نقلها
دمت بخير

الله الله

الله الله

الله الله


يا سلامي عليك يا بن عصيدان
ما تجيب الا السمين من القصيد الله يسرك ولا يضرك
يستاهل الممدوح من ذي واكثر
صح الله لسان بن جدلان
وانت الله لا يهينك يا ذيبان على نقل ذا الابيات الفاخره
كل التقدير

الله الله الله

صح لسان الشاعر العلم / سعد بن جدلان

ويستاهل الممدوح المدح

والله يبيض وجهك يابن العصيدان على ايرادها هنا

سلامي عليك

..

صح لسان ابن جدلان

وسلمت يمناك يافهيد

تحياتي لك

صح لسان الشاعر.. سعد بن جدلان

ولاهنت يابن عصيدان

لك كل الشكر والتقدير

اشهد بالله انه يغرف من بحر

لا هنت يا ابن عصيدان !

..
.

ماشاء الله ماشاء الله

من طول الغيبات جاب الغنايم

وابن جدلان مدرسه شعريه

في ذمتي مـا يجبـن النسـا امثالـه
لو ولدن مـع مناخرهـا وافاميهـا



هههههههههههههه
صح السانه مليووون .. وتسلم يمناك ملايين
يا ابن عصيدان

مافي الحكى فايده

بنبطي ونقول انه شاعر كبير


شكرا يافهيد على الاختيار الطيب

وعليكم السلام ورحمة الله وبركاته
هلا اخوي فهيد
الف شكر على هالاختيار الرائع
وصح لسان الشاعر سعد بن جدلان

صح لسان ابن جدلان ولاهنت يافهيد ابن عصيدان
تحيّتي .,

:)

الله الله الله

صح لسان الشاعر العلم / سعد بن جدلان

ويستاهل الممدوح المدح

والله يبيض وجهك يابن عصيدان

ابن عصيدان


لاهنت عالنقل الممتع ,,

القرقاح
يامرحبابك
ولاهنت

بدر ناصر
يامرحبا يبوناصر
ولاهنت

ياسر

يامرحبابك
ولاهنت

ابن شفلوت
يامرحبا ومسهلا
ولاهنت

ناصر مناحي
يامرحبا يبومناحي
ولاهنت

يامرحبا يبن مصوي
ولاهنت

يامرحبا يبن حرباش
ولاهنت