الهجره المنتكسه
نلاحظ في الأونه الأخيره بعض العروضات التي نراها عند محلات الخياطه الرجاليه
بعض الثياب التي تعرض في البترينات التي اعتدنا ان تكون عليها ملابس نسائيه ولكن الأن مع عصر التورط عفواً التطور اصبحنا نشاهد عليها الثياب الرجاليه ...... التي لا فرق بينها وبين ملابس النساء في الضيق والتطريز ولكن هل يتوقف الأمر على هذا ام سيكون القادم افضل انظرو الى بعض منها http://up.mergab.com/uploads_pic/cfde9fa0da.jpg [url=http://up.mergab.com]http://up.mergab.com/uploads_pic/f7e9cad4ed.jpg[/url http://up.mergab.com/uploads_pic/12b18d209a.jpg http://up.mergab.com/uploads_pic/cea7d834db.jpg المشكله الأن صارو يقومون بعمل الغتر الرجاليه من نوع الثوب يعني ( طقم ) مايحتاج شماغ احمر ................. يعني ثوبك بني تكون الغتره سكريه جوانبها بني نفس خامة الثوب وهكذا والله العظيم اننا في المدارس نعاني من هذا الشيئ .................... لكن لاحياة لمن تنادي رفعنا اوراق الى ادارة التعليم بوضع تعميم منع مثل هذه الملبوسات لكن كان الرد ........ سلبي |
لاحول ولاقوة الا بالله
هذا والله اخر الزمان ياسنجار لكن الشكوه لله ماباقي الا يفصلون لهم عبي مره وحده |
ما نقول الا الله يستر
|
لاحول ولاقوة الا بالله
الله يصلح الاحوال يا ابو عبدالله .. . |
نسأل الله السلامة يابو عبدالله ..!
لاحول ولاقوة الا بالله لاهنت على كل حال |
لاهنت يا سنجار
ولبس الثياب المطرزه ، أفضل من الجنز طيحني وسامحني وماقالوا لها لكن يعيبها التضييق عند بعض الشباب الله يهديهم . أما في المدارس لا والله إلا نمنعها ولا نرفع للوزاره خبر مدرستنا صادفت من المشاكل هاذي ولكن ليس في الثياب ، بل في الغتر الملونه ومنعناهم دون الرجوع الى الإداره . |
^
^ شف المدرسين اللي يقدحون من روسهم :thumb: حنا وصلنا لمرحله الواحد صار ماعاد يخاف من اللي حنا فيه صار يخاف وش بيجي في المستقبل القريب على قوله خالد ماعاد باقي الا يفصلون عبي .. وعلى قول الدكتور : الجيل هذا فيه من كل الاشكال *** والطالحين اكثر من الصالحينا لكن البلاء هنا ماهو في الشخص البلاء في تربيته العوجا (( عسى الله يصلح الاحوال )) |
اقتباس:
.................. لاتقول الا خير من اول كان المراهقين اهم شي عنده يصير حونشي ........ ويلعب في سيارته يظللها ولا يهبطها ولا يزينها هالحين المراهقين زي ماقال ابن مشوط طيحني ........ يالله صلاح الذريه |
اقتباس:
ابن عبيدان الله يستر |
اقتباس:
ابن مصوي ................. حياك الله يتشرف الموضوع بوجودك |
اقتباس:
هلا يافراج ... اسأل الله ان يبعد عنك وعنا وعن سائر المسلمين كل مافيه شر وسوء |
اقتباس:
حياك الله يامحمد الله يوفقكم ............... المشكله عندنا في الطايف ......... والله انهم يدورون المشكله في جحر الضب تقول للطالب لاعاد تجيب هالبس وتوقفه عند المرشد الطلابي او الوكيل اليوم الثاني ابوه يجي مسنتر يقول ليش وقفتوه عند ايش .....عند واجب ولا عند هوشه ( مضاربه يعني ) يقوله الوكيل ولا المدير .......... وشرايك في لبس ولدك قال هذا شي راجعنا تبون تلبسون عيالنا على كيفكم المشكله انهم بعد معلمين ..... ارجو لاعاد ولدي يتوقف الا اذا عند شي مهم واذا ماجاب واجب اتصلو علي اما مثل ذي الأمور الواحد لايتدخل فيها ....... وتصدق يبن مشوط على طاري طيحني والله ونا اخوك ان بعض العلوم تسمج الرجال لكن ابي اقوول لك هالحين جاء نوع جديد اسمه سامحني يابابا ............. اله سحاب من الخلف يالله اني في ذراك |
اقتباس:
ياسر حياك الله فعلاً جيل يبحث على جذب الضوء اليه مهما كانت الوضعيه |
اقتباس:
حياك الله يامشعان ................. مرحبا فيك والله ونا ابناخيك الرد ماكان خطابي وانما كان مشافهه لأنه تم ارسال خطاب يحوي على مثل هذه المخالفات التي لاتنم عن طباع وسلوك المجتمع . لم يأتي رد على هذا الخطاب . وعند مراجعة المسؤال قال : من حق ادارة المدرسه اتخاذ الأجراء الازم دون الرجوع الينا في الاشياء الممنوعه التي يحملها طلاب المدرسه وبعض العبارات المخالفه على الملبوسات ......فقط اما دون ذالك فليس من حقنا منعهم . والحقيقه يامشعان ان في الأونه الأخيره صارت مدارس الطلاب فضايح واكثر الطلاب عارف غاية ادارة التعليم ......وعنده معرفه بما يقال وماذا سوف يقال ..... مازلت ادرس طلاب الثانويه ومن الأربع السنوات الأخيره صارت الجوالات لاتمنع في المدارس مع الطلاب . واذا عرفو ان فيها مايخدش الحياء يتم ازالت مابها وارجاعها اليه في نهاية الدوام الرسمي تامن بالله ان فيه واحد من المعلمين يقول ان مدير مركز اشراف زارهم وقال في اجتماع بالمدرسه فقط دون وجود الطلاب قال : الحقيقه لو اردنا ان نمنع الجولاات من الطلاب لمنعناها ايضاً من المعلمين لأن المعلم يستخدم الجوال حتى في الحصه الرسميه التي هيه من حق الطالب . |
يامرحبا ياسنجار
أحيي فيك شهامتك وغيرتك وشهادتي فيك مجروحه يابوعبدالله فديتك المدرسة الآن أصبحت ترّبي وتعّلم ... وأولياء الأمور ماهو عاجبهم وأبشرك هذي النوعيات من الثياب مانعينها في مدرستنا ( الثانوية ) والجوالات ممنوعه حتى الخاتم ممنوع :) وولي الأمر اللي ماهو عاجبه يدوّر مدرسة ثانيه الله لايهينه وبيني وبينك مدراء المدارس يختلفون بعضهم يدير له منطقه وبعضهم والله مايقدريدير نفسه وانا خوك وإدارة التعليم ماتقدر تمنع لأن وراعينهم طيحني ورفعني في المدارس الخاصة الله لايبلانا تحياتي وحبي . |
اقتباس:
8 8 8 8 8 والله انك انت المرفع ياخي سير علي خل طيحني يقعد انت ووجهك قال رفعني هههههههههههههه |
| جميع الأوقات بتوقيت GMT +3. الساعة الآن 05:54 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية