هبوب الشمالي - سليمان بن شريم
 

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياونتاه اللي برت جـــسم حالي=بري الدبا نبنوب غصن تغشــــــاه
على عشيـر بالموده صـــفا لي =وازريت أنوش حماه وانا اتـــــــعداه
غرو جبينه مثل خـط الــــهلالي =سبحان رب صـوره ليـن ســــــــواه
وحيـاة رب كمله بالجمالــــــــي =من مفرق الهامه إلى حد ماطـــاه
انه منول وامس واليوم غـــــالي =واتلى زمانه بالغلا مثل مــــــــبداه
ماله حلي إلا مـودة عيـــــــالي =اصغر عيالي بالغلا كــــــــــــنه إياه
لا ابطيت ماشفته وهو ماعنالي =عفت المكان اللي يغيظه ويـــجفاه
لو دلهوني عنه مانيب ســــالي =اشفق على شوفه واهوجس بطرياه
شوفه دواي وقل شوفه زوالــي =حكيم طب جامع داه ......... ودواه
حقه على إلى تزخـرف قبـــالي =ابعد مزاره بالهوى واتمـــــــــــــنـاه
وحقي عليه إلى اعترض له مجالي =يصفح ويلقاني على الطول والـقاه
مابه من العذروب عنق الغزالـي =إلا الزمان اللي حداني وعــــــــداه
ريقه حلا من در عفر متــــــــالي =لا روحن من مدفق سـال مجــــراه
هبي بريحه ياهــــبوب الشمالي =كود الجنوب ومطلع الشمس تنصاه
عبث صبيت لعشرته من صبا لي =سجلي بنجله والموده مـــــــجازاه
ياما وياما فرقتنا اللــــــــــــــيالي =نجع مقيم وفرق البعد لامـــــــــــاه
أقفت مراحيله وانا اقفت رحالي =خليت مداهيله وعميت ركايــــــــاه
وخان الزمان بعشرته والـــتوالي =ورثت من يصفق شماله بيــــــــمناه
وعضيت بسرة شاهدي من هبالي =وونيت ونة من نقــــــــــــل داه برداه
اسهر إلى نام المعافى لحـــــــالي =والصبح اجدد ذكر حـــــــمام واسماه
هني دحـش دب الايام ســــــــالي =ماولعه طرد العماهــــــــــــيج واغراه
ولا صلاه من التصاريف صـــــــــالي=وذاق الفراق وتاه مثلي بمســــــراه
ياطول ماطاوع نسيم الـــــــهوا لي =من قبل يبدي لي من الوقت مجـفاه
واعتظت من عقب الجديد السمالي =ولا ينفع الفايت ولو قيل محـــــــــلاه
ليتي قريـب له وبيته موالـــــــــــي =والعلم من بيني وبينه مناجــــــــــاه
ان كان له بمواجهي مــــــثل مالي =وقلبي معه يبراه والهم يــــــــــــبراه
وإلا تراني عنه طاون حـــــــــــبالي =يلقى وانا القى واحد كنه إيـــــــــــاه
مانيب من يتبع خفيف الخـــــــيالي =إلى تحدر بارقه عفت مرعـــــــــــــاه
هذا وصلوا عد رمل الـــــــــسهالي =على نبي شيع الدين واحـــــــــــياه
وآله وصحبه كلهم بالـــــــــــكمالي =واللي تبع سنة نبيه ومجـــــــــــــراه [/poem]

يا سلام يا ياسر


تسلم يمينك على النقل


وصح الله لسان شاعرها



لك كل الود


:)

ياسلالالام

ياسر العتيبي


ونقل فااخر ..

يامرحبا يا ياسر .,



تسلم يمينك على النقل



لاهنت

هلا اخوي ياسر
الله يرحم الشاعر سليمان بن شريم ويرحم اموات المسلمين اللهم آمين
والف شكر على هالاختيار الرائع
وتسلم لاهنت

ياسسسسسسسسسسلام ياسسسسسسسسسسسسسسسلام


ياياسر


ولاهنتتتتتتتتتتتتتت

يا سلاااااااااااااااام ...

بيض الله وجهك يا ياسر ...

ونقل فااااخر كما ذكر الأخوان ...


تقبل مروري المتواضع ...


خالص مودتي ...

ياسر العتيبي

تسلم يمينك على النقل


وصح الله لسان شاعرها

بارك الله فيك يا ياسر

ورحم الله أعلام الشعر الذين حفظوا له مكانته ورقيّه


شكرا لك ،


..

:


الله يرحمه ويغفرله


من أجمل قصائدة اللي احتفظ فيها هذي :

سرى البارق اللي له زمانين ماسرى
صدوق المخايل بارقه يجذب الساري
على فرعة الوادي وسيلة تحدرا
تغني طيور الما على حاير الجاري
مرابي غزال عقب عرفه تنكرا
عليه الله اكبر كل ماحل له طاري
برى الجرح منه ومني الجرح مابرا
وهو يحسب انه يوم طال المدى باري
ابو لبة مثل القمر ضاح واسفرا
تواسا على الما جل خلاقة الباري
ارى سلبة العاتق الى لد مادرا
كما سلبة العرجون في صفحة الذاري
نطحني بقرض الهيل تحت المشجرا
جميل المحاسن لا ضخيم ولا عاري
صويب الهوى مسكين مشيه الى ورا
ترى النقص فيه وحيله اقوى من الضاري




شكرآ لك

مشاري البرازي

كل الشكر لمرورك الرائع

الله يعطيك العافيه

..

الله الله الله


اخترت ياياسر درة من درر الشعراء العمالقه

رحم الله ابن شريم

لاهنت والف شكر

سلمت يابو مروي

لك كل الود