دورات الليالي والايام
[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
اعد دورات الليالي والايام=واحسب حسابي والليال محسوبه يمضي لنا عام(ن)ويقبل لنا عام=والعمر يقرب دايم(ن)من غروبه تمشي بنا خطوات الايام قدام=تمشي وخطوتها ماهي بمعقوبه تفرض على كل الملا شرع واحكام=والناس فيها غالبه ومغلوبه من طاوع الايام يقهر وينضام=لوان باسه قاسي(ن)شرهوبه اليا ذكرنا الي مضى مثل الاحلام=قلنا على الدنيا سلام(ن)وتوبه العز للي يطلب العز مادام=ولودام له ماجا ترى العز صوبه ومن لا يتعب مع هل الجود الاقدام=لا كبرت القالات ماحسبوبه تبغالها رجل(ن)صبور(ن)وعزام=يصبر على الصكات ماشق ثوبه لاصار مابين العرب عند وزحام=وقت اللزوم يقوم ويسد نوبه الحر مخلابه يعشيه لاحام=ويعشي الي فاللزوم قنصوبه والا الردي يكسيه ثوب(ن)من الخام=بوم(ن)ترى محصول يمناه دوبه لا تحتزم به لو ماتاجد حزام=اطلب من الله لا يحلل ذنوبه عزي لمن خاوى ضعيفين واقزام=حطوه في وسط الشبك وغدروبه بيع الرديه بيع لدناة سوام=وعليك بالعليا ولو به صعوبه والحظ مااحد(ن)ينكر الحظ لاقام=يسعى لبعض الناس لو ماسعوبه والفقر لعزوم الرياجيل هدام=انشد رجال(ن)فالزمن جربوبه قست الدعاوي كلبوها وانا غلام=على الشرف والعار ماتبع دروبه قدري مع العراف مابنقص جرام=ولاشره على الجهال لو نقصوبه وادرى جنابي عن سفيه(ن)ونمام=كم غافل(ن)قدم الملا فضحوبه والناس حسب افعالها تقسم اقسام=ومن عد عيب الناس عدو عيوبه مافي عيال آدم وحواء حد(ن)تام=الكاس واحد والجميع شربوبه والعدل لله والمخاليق ظلام=والفرق يوجد بالادب والعروبه من عادة الطيب على الخير مقدام=للي على جور الزمان انتخوبه وبعض الاوادم عقرب(ن)ذيلها سام=يلدغ ليا شاف العيون محجوبه خلك ذهين والاتقرب من الهام=لو شفت من حالي لسانه عذوبه مايخدع الرجال تزييف واوهام=نذل(ن)ليامنه هرج كذبوبه يزرع على درب العرب شوك والغام=ومجالس اهل الطيب مارحبوبه يقوده الشيطان فالدرب بخطام=وعلى دروب الطيب مافيهوبه يالي توعظ بالمثايل والاحكام=شىء(ن)جديد وشىء قبلي حكوبه ترى الحياه بطبعها جهاد وزيام=والرزق عندالله لا تخشى نضوبه يالله يالي بأمرك تهب الانسام=ياعالم(ن)مافالضماير خفوبه لاتقطع الي ماقطع وصل الارحام=ياصل ولوان الجميع قطعوبه طالبك نو(ن)ترزم رعوده ارزام=نو(ن)من المنشى تسوقه هبوبه يسقي ديار(ن)راحت اشجارها حطام=رجع(ن)يفوق الوصف يوم اوصفوبه وطالبك يوم(ن)ينتصر فيه الاسلام=يعزبه دينك على من عصوبه وختام قولي عد من حج بحرام=على نبي(ن)للعباد اقتدوبه مني عليه ازكى صلواتي اختام=وازكى سلام(ن)للعرب عبروبه[/poem] |
الله الله الله الله الله الله الله
يااااااااااااا سلاااااااااااااااااااااااااام رائع وجزل وعذب وكفيت ووفيت وبيض الله وجهك وصح لسانك مليار والله مبدع والله ما شاء الله عليك لك كل الود والمتابعه :) |
مشاري
مرحبا ومسهلا صح بدنك مليارات المليارات سعدت وتشرفت بمرورك الله لايهينك تحيااااااااااااااااااااااااااااااااااااتي |
شيِ جديد وشي قبلي حكوبه
حكم وأمثال من عيار 21 .. صح لسانك ياعلي ولاهنت .. تحيتي لك وتقديري ، |
محمد
مرجبابك وبمرورك سعدت بتواجد صح يدنك والله لا يهينك تحياااااااااااااااااااااااااااااااتي |
سلمت سلمت سلمت .. يا علي
شعر جزل .. وانت جزل صح السانك صح السانك اخووك :) |
الحر مخلابه يعشيه لاحام
ويعشي الي فاللزوم قنصوبه لله درّك صح لسانك وسلمت يا علي قصيده جزله وثمينه ، أعجابي وسلامي ، |
علي الكذيبه
صح لسانك مدد .. جزاله وحكمه مبدع في كل حظور .. سلمت ودمت تحياتي لك __ |
-
لاتقطع الي ماقطع وصل الارحام ياصل ولوان الجميع قطعوبه عز الله صدقت صح لسانك يا علي ولاهنت تحياتي ومتابعتي |
اقتباس:
خالد سلم راسك شرفتني بمرورك لاعدمتك تحياااااااااااااااااااااااااااتي |
اقتباس:
مناحي صح السانك و سلم راسك انت الجزل لاعتدمتك والا عتدمت حضورك تحيااااااااااااااااااااااااااااااااتي |
اقتباس:
ياسر صح بدنك انت احد الاشخاص الي يهمني رايهم وانتظر مرورهم تحيااااااااااااااااااااااتي |
اقتباس:
خالد الغازي ارحب تراحيب المطر نورت الصفحه بحضورك لا عدمتك تحيااااااااااااااااااااااااااتي |
علي
تقبل اعجابي ومتابعتي صح لسانك تقديري |
اقتباس:
لو مافي الصفحه الا مرورك بالنسبه لي يكفي لاعدمة وجودك تحياااااااااااااااااااااااااتي |
الحر مخلابه يعشيه لاحام
ويعشي الي فاللزوم قنصوبه والا الردي يكسيه ثوب(ن)من الخام بوم(ن)ترى محصول يمناه دوبه صح لسانك مليون واكثر لا هنت والله ياعلي |
عيسى الساطؤي
مرحبا بك مرورك يسعدني وحضورك يشرفني تحيااااااااااااااااااااااااني |
علي الكذيبه
في كل حضور لك اجد الجزاله والحكمه والابداع صح لسانك وسلمت يمينك اعجابي ومتابعتي |
[align=center]ماشاء الله
لا اله الا الله العز للي يطلب العز مادام ولودام له ماجا ترى العز صوبه ومن لا يتعب مع هل الجود الاقدام لا كبرت القالات ماحسبوبه صدقت صح لسانك قصيده جزله ومعاني عذبه فيها حكم لك فائق الاحترام والتقدير تحياتي[/align] |
ومن لا يتعب مع هل الجود الاقدام
لا كبرت القالات ماحسبوبه وهذا الله النقد الصافي يا علي صح لسانك مدد بلا عدد ،، .. |
اقتباس:
مرحبابك و صح بدنك مرورك شرفني تحياااااااااااااتي |
اقتباس:
ناصر مناحي وفي كل مرورلك تزيدني شرف لاعدمتك صح بدنك تحيااااااااااااااااااااتي |
| جميع الأوقات بتوقيت GMT +3. الساعة الآن 09:01 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية