مبتدا سلمي سلام وفوله ترحيبه ( مصافحه اولى )
 

[align=center]السلام عليكم ورحمة الله وبركاته

في البداية اشكر ادارة المرقاب

على اتاحتها لي الفرصة بالمشاركة معكم


وهذه اولى مشتركاتنا


قصيده في قبيلتي عتيبة الهيلا


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مبتداء سلمي سلام وفي أولة ترحيبه=مرحباً مليار في مليار كم بيساوي
بعد جينا جمعكم ياهل الكرم والهيبه=سرني موقف هل الطولات وانا ناوي
اسمحولي في ثلاث بيوت بسم عتيبه=مانفرق بينهم روقي ولا برقاوي
لاحضر من لابتي واحد يسد الغيبة=للعدو يكود ون جا لصديق يداوي
والوفا من سلمنا وكل البشر تدريبه=الخطا ما نقبله واليا حصل ماناوي
يا هل النخوات واهل الجود واهل الهيبه=عزكم عامر وماضيكم رواه الراوي
مالحقني في وفاكم شك ولا ريبه=أنتم أهل المعرفة والمنزل المتساوي
ون حصل بين النشامى موقف أتماريبه=قسمنا ذروة سنام المجد بالهنداوي
الكرم طبعا لهلنا والشبب نحريبه=كاسبينه يوم وقت راح ذيبه عاوي
الكرم والعز ساس وساسنا نبنيبه=يعرف الطيب وجوده والردي فالهاوي
وكل راعي طيب وافي ما نقلل طيبه=نعم بالطيب بجمع الحضر والبداوي
الزمان اللي مضى يثبت لنا تجريبه=والمثايل بالفعايل قالها الخلاوي
الكريم اللي لضيفه نحر شمخ نيبه=والشجاع اللي بأسه دحر كيد الغاوي
والبل ألبل عزوة أهل الجود شب وشيبه=دونها تسمع صهيل الخيل والعزاوي
كاسبين خيارها يوم الظروف صعيبه=فالزمان اللي يبين أبه أبدوي من شاوي
واليسر عم الوطن والعسر وش نبيبه=يرحم الله من تعزوى واذهب البلاوي
المليك اللي بعهدة ياجعل نبطيبه=نحمد الله صار شعب المملكه متساوي
والتنافس بالأخوه من عطا أم قيبه=والأمير اللي بنفسه يعطي الهداوي
مشعل اللي كل وبال يشيد بطيبه=ماتوانا في لزوم الفاطر السنداوي
شيد الميدان لاجيال بعد تمشيبه=شامخا بالعز فوق وثق العراوي
بشروا راع الجهام الذود لا يسخيبه=الأمير يشيد له بالعز فالعلاوي
لتنافس كل راعي سابق تجريبه=ما يطلب السوق غير الباهظ الزهاوي
أحمد الله وشكره ف كل عام نجي به=فوزنا في كل عام وسيلنا نحاوي
دوم فنجال العتيبي فاهقا شريبه=فارقا سوقه على شريبة القهاوي
يستحق النعم رجلا يكسبة وابدي به=في الطليعة مركزه لو تكثر الحداوي
مركز الأول مع الثاني لزوم نجيبه=في نهار والنشاما بين رد وحاوي
يوم ابن قشعان الأول فالشعل ترتيبه=وحقق الثاني بشعله مترك الحجناوي
شيخ قوما فالملاقا كلنا نثنيبه=من نسل شباب وبخيت العطاي
قلت عرفي والعذر في زلته ومعيبه=من هجوس ما تجيب الدف والكراوي
والعلوم ابها سمان ومخطيه ومصيبه=والمراجل ما تحقق بالمناوي
جيت أقدم واجبي ماجيت في تجريبه=لازمي لامن بدا ماني عنه متراوي
ما قفي في لابتي ولي فخر وادعيبه=عزوتي يا عزوتي يا مزبن الجلاوي
للحمول الكايدات وللدروب تعيبه=ما ينوخ للحمول من الجمال الثاوي
ولا يقدم من خيار القوم كود بطيبه=ولا يحوش العز كود معرب رهاوي
سعد من هو لجل ربعه واجبه يوفيبه=والحضيض اللي لشيل الحمل ضلعه قاوي
كل راعي جود ياجد لا يشيخ بجيبه=عادات الرجال منا يبعد الهقاوي
الكرم يخلق غريزة ما صنع تركيبه=لو تظاهريه ردي العزوم ولا الواوي
كم كريم يمد مده والملا تشديبه=جعل روحي للكريم ومدته فداوي
والسلام ختام والمولى عليم بغيبه=يامكافينا شرور السرف والبلاوي
مبتدا سلمي سلام وفي أوله ترحيبه=وآخره شكرا لكم مليار في مليار كم بيساوي [/poem][/align]

ياسلام ياسلام ياسلام


مصافحه جميله جداً


ومرحبابك في مرقابك وبين اخوانك

صالح بو كتيفة



صح بدنك ملايين ومليوون نعم بعتيبة الهيلا ..



وووو


ياهلابك

صالح ابو كتيفه

ياهلا ويامرحبا بك في منتداك وبين اخوانك ..,

صح لسانك مدد

سلمت ودمت

----------

صح لساااانك يابو كتيفه


وياهلاااا والله ومرحبا فيك

صالح ابو كتيفه



صح السانك مدد بلا عدد




والنعم بك وبربعك عتيبه الهيلا وعتيبه تستاهل كل هالثناء والمديح انشهد بالله انها تستاهل




نص جزل من شاعر جزل



لك فائق تقديري واحترامي ومتابعتي

يامرحبا بك ياصالح

وصح لسانك

ويستاهلون الهيلا

صالح ابو كتيفه

صح لسانك ولاهنت

مصافحه تبشر بحضور شاعر قوي

تقبل تحياتي ومروري يامبدع

صالح ابو كتيفه

هلا والله ومرحبابك في محلك وبين ربعك

نص جزل وننتظر المزيد

صح لسانك

تحياتي

صح لسانك


وبيض الله وجهك



لاهنت

عليكم السلام ورحمة الله وبركاته

مرحبا بك يا صالح في مرقاب التميز وبين اخوانك

قصيدة فخر والشهادة مجروحه بلا شك

صح لسانك وسلمت

ملاحظة هناك كلمتين زايدة في الشطر الاخير من القصيده


..

وكل راعي طيب وافي مـا نقلـل طيبـه
نعم بالطيـب بجمـع الحضـر والبـداوي

ياسلام ,جزاله وخبره في قصيد المناسبات

الذي يعتبر من اصعب الشعر

لله درّك ياصالح والف هلا وغلا بـ هكذا حضووور .. صح لسانك وسلمت يمينك

والقصيده فيها الكثير من الاخطاء المطبعيه

كفو يا صالح

ومرحبا ومسهلا

وصح لسانك مدد ولاهنت

قصيده بها الشعر كما نحبه ونبحث عنه

محبتي ومتابعتي والله يوفقك

اخوك