ونعم !!
 

السلام عليكم ورحمة الله وبركاته


حي الله النشاما .. لكم وحشه والعالم الله ,,


ابطيت من المرقاب العام وطرى علي مويضيع نبي له تفتيت وفكفكه مثل اماته اللي قبله ,,



من اهم ما يوصى عليه الرجل من صغر سنه ان يكسب وحده ويهرب من وحده .. والوحده هذي تندرج تحتها عدة (( وحدات )) .. طبعا ً الكلام هذا عند اخوان بدوا بس والا غيرهم !! مدري مدري ,,

المهم يوصى البزر يا صبي اتعب على (( ونعم )) وطق من (( الاخرى ))


عاد وان كبر هو ويمناه اما جاب ونعم والا وجاب (( الاخرى ))

الاخرى هذي لها عدة اساليب يستمتعون الناس في سردها والكوبه وال .. وال .. وال .. وال.. طبعا النقاط هذي كلها تندرج تحت وانتوا بكرامه !!


خلاني افكر في هالموضوع موقف صار :

جالسين في المجلس ونسولف وطبعا ً ما يخفى عليكم كل ما قل عدد الجالسين كل ما ازدادت الخطوره لعراقيب خلق الله :)

عرّض طاري الاول - واحد من المسلمين - ويقول به واحد من الموجودين ,, هذا رخمه هذا فيه ما فيه هذا ما ينفع هذا ما فيه بركه لو فيه خير سوا كذا وكذا .. وفند رائيه وشرشحه شرشحه ما عاد يبي غيرها ومن كلامه له الحق في رائيه .. لكن ما خلص من كلامه الا احد الشباب يدخل ويسمع آخر الكلام وقال لا لا لا لا لا يا فلان خاف الله .. والله وسبعين نعم بفلان .. وهو اللي يطيره سما !! وهذا ما سوى وهذا ما سوى ومن خلال كلامه ايضا ً له الحق في رائيه .. لكن انا والباقين في المجلس نسمع ونرى الاحكام .. بعد ما انتهوا .. قلت انا .. لا ما يصير الحين فلان هذا لا جا طاريّه نقول نعم والا نقول والاخرى ؟؟ !!

من خلال الرائيين وبعد طول المشاورات اتفقنا على مقولة كل ٍ يمدح ما واجه ..

وبعد عدة دقائق طلع احد الشعراء الشعبيين في احد القنوات يلقي احدى قصائده وقال الموجودين بصوت واحد (( قطعااااااااا )) ..

قلت يالربع ليه ؟؟ تعرفونه !! قالوا لا لكن هذا كريه :)

الحين اتفقنا على كل ٍ يمدح ما واجه ويذم ما واجه وهذا مسلم لا عرفتوه ولا تدرون وشهو وسيده لسبتوه !! .. طبعا ً ما بعد ذلك خارج النص :)


لكن سؤالي ... اللي سألته لهم واللي اسأله هنا ,,


والنعم ...


ما هو الحد الادنى المطلوب لكي يتحصل احد عليها ؟؟

وهل لها درجات ؟؟

ومن حب يعطينا بعض العناصر اللتي تؤهل لها فيا حبذا

والاخرى :) ان حبيتوا تولجونها وتولجون اهلها ترى المجال مفتوح !!



والسلام عليكم ورحمة الله وبركاته

ما فهمت وش تبي ..؟؟

:(

ههههههههههههههههههه



لانك جنوبي


اركد شوي



اقول جعلك تحيا :


ونعم ؟؟

هذي مثل الشهاده


انت يا محمد بناء على ايش تعطي هالشهاده ؟؟؟ وبناء على ايش تلسب بالاخرى ؟؟

...
.
.
.



مبارك آل خليفه ونعم :)


ليه قلت ونعم وش تشوف في نفسك :)



لنا عوده إذا الله راد ..


.
.
.
...

ما عليك زود ...

لكن انا ما اقول احكم على فلان ولا فلنتان لكن اقول وشلون تصرف هالشهاده بناء ً على ايش ؟؟؟

...
.
.
.




بناء على طيب الرجال وسمعته الطيبه .. صحيح فيه اشخاص يشوف شخص اول مره ولاقالو معك فلان بن فلان قال ونعم وهو مايدري وشهو ..( ونعم ولا الأخرى على قولتك )..

لكن هذي مالحقها لوم ..

اما النعم على الرجال اللي تعرفه إنه ردي حلها عند الإخوان :)


.
.
.
...

ياهلا يابو عبدالله ويامرحبا

والله يعطيك العافيه على الموضوع الرائع واللي الظاهر انه بيخلينا نتلحق خلق الله

teeth:

لكن يقولون العرب :

(( كل ٍ يعد ماواجه ))

ان لقا طيب حصل راعي الطيب (( ونعم )) وان لقا ردى لسبه بـ (( الاخرى ))

:)

عليكم السلام ورحمة الله وبركاته

هلا يا بو عبدالله .. ومسهلا


والله يا خوك إختلفت مقاييس النعم بإختلاف الزمن والأجيال
منول لا زبّن الدخيل قالوا ونعم والان لا عزمك على كابتشينو في ستار بوكس قلت ونعم رحب بي وتقهويت معه !!!

من وجهة نظري الشخصية .. المقياس لهذه الكلمة يقاس في امر واحد فقط

مخافة الله وحفظ حدوده .. تجلب ( والنعم ) للمتمسك بها وتجلب ( والقميحه ) لتاركها

وسلام الله عليك ،،


...

...
.
.
.




الدكتور . سداح / انا معك فـ الأوله ولكن اختلف معك فـ الثانيه .. وش المشكله لا اعزمه على كابتشينو .. فكك الله إنك قلت ستار بوكس لأني مقاطعه لأنه اسرائيلي :) ولا ماتنازلت <<-- راعي كابتشينو :)



.
.
.
...

ههههههههههههههههههه


طيب و أنا خال أبيك :)

النعم يستاهلها راعي الدين اللي يحفظ حقوق الرجال و لا يتوخر في مواجيبهم
و الأخرى يستاهلها اللي يتخاذل في ما ذكرته


و سلامتك


:)

...
.
.
.



محمد آل عبدان طيّب طيّب :vb_awink:



.
.
.
...

نعم كلمة دارجه
على لسان

كل شخص

وتعطى في هذا الزمان

للطيب والخيب

وش رايك بس ؟

:)

...
.
.
.



ابك والله اقول هذا وين شايفه .. لكنها طافت .. الجايات اكثر والسموحه :)


.
.
.
...

^
^


ما فهمت ؟؟ :(

...
.
.
.



ابرك :) غمض


.
.
.
...

هلا و غلا ابو عبدالله

و الله يا ابو عبدالله ان موضوعك صعب جداً.. و الرأي حوله يختلف من شخص لشخص..

انا اقول ان (ونعم) يستحقها من يجد الشئ و يهبه للآخرين..

مثلاً:
اللي خاطره فاضي من الهموم و لا يبتسم في وجيه خلق الله ما يستاهل و نعم..

اللي مغنيه الله و لا يساعد خلق الله ما يستاهل و نعم..

اللي معطيه الله مركز و لا ينفع خلق الله ما يستاهل و نعم..

اللي صحته قويه و لا يساعد الضعفاء و كبار السن ما يستاهل و نعم..

اللي صاحب مركز مرموق و لا يتواضع لخلق الله ما يستاهل و نعم..

اللي المسجد جنب بيته و لا يصلي فيه فما يستاهل و نعم...

اللي جيرانه اهل خير و لا يتواصل معهم فما يستاهل و نعم...

اللي و اللي و اللي الخ الخ الخ...

و لذلك اختصرها لك يا ابو عبدالله في ان الشخص اذا يبخل عن خلق الله
بأي شئ يملكه و ضارب حدود الله فما يستاهل و نعم و العكس صحيح..

و تقبل صادق الموده و المحبه و التقدير

اخوكم و مغليكم

مبارك آل خليفه

الله يحييك ويحيي مواضيعك المنتقاه بعنايه

ونعم

تنقال للرجال اللي فيه خير وعلومه طيّبه شرواك


ولا هو بشرط انه مجرب من قبل القائل

الطيب ينبي عن راعيه


والطيب مايلتم مع الردى فالرجال


غيمار

ابو عبدالله مواضيعك كلها جزله و علومك غانمه


وانا بعلمك بحسب نظرتي و تجربتي و معرفتي و خبرتي و معلوماتي ومنظوري

النعم طوّل الله عمرك اشكال يعني على حسب ( مغطة الصوت ) اللي تجي عقب ذكر اسم الشخص
يعني وانت جالس مع عرب وجا الطاري في واحد سناااااااافي

قالوا فلان ما غيره ؟
قلت ايه
قالوا و نعمممممممممممممممممممممممممممم
هذا دليل على انه لحية غانمه و ان العرب يحبونه وذكره طيب


و بعضهم لامنه جاء طاريه فالمجلس
قالوا ايه ونعم .! << يعني صغيره مهيب ممدوه معناها انه اجودي و كاف خيره و شره


و بعضهم لامنه جاء الطاري فيه وقال واحد :
و نعم و بعدها صكت و العرب اللي حوله يتلافتون ولا ودهم يقولون شيء
هذي انحشششششششششششششششششش عنها
تراها اخت الأخرى


و بعضهم لا جاء الطاري فيه يعطونه اياها مصلعه
يعني كاش هذا ما عاد فيه رجاء


هذا اللي عندي و صلى الله وسلم على نبينا محمد