( طير ياطيري ) .!
 

مسّيكم بالخير
ادري اني مسوّي زحمه فالمواهب ذاليومين :)
لكن حاولو تمررونها .,

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مسّيك بالخير , ياسايق قِدَم سَيري=أما قصرْت القِدَم والا بسيّرها
في واردك جاتك إبيوتي مساييري=لاتسْفه إرسالتي وآنا مصدّرها
وأنا ( ..... ) وحقّي منْك تقديري=ولانسيت الحقوق إن كنت ذاكرها
يِحْسَب على الجاه , تقصيرك وتقصيري=واللي يقدّر حقوق الناس , قدّرها
قَلمْك يرْصد علاماتي وتقريري=وان كان شبيت ضوّك لاتصغّرها
في وقْفتك , عظمي وكسْري وتجبيري=وفي جانبك , فزعةٍ مانيب ذاخرها
النّاس للنّاس , والديحاني مْطيري=ماجيتك بْحاجةٍ منته بقادرها
لكنّ لاتخلط الشامي معْ الديري=الشّام بالشّام واهل الدير بدْيرها
اللي بالاشراف واللي بالجوافيري=والناس تكفي مناظرها ؟ مخابرها
ماقلت : في هالبلد مافيه أحد غيري=يصغر بعين الاوادم من تصاغرها
لكن لي اسلوب بأفكاري وتصويري=ماكلّ من يبغي إيصوّر يصوّرها
نوادرٍ ماتحوم الا على بيري=يكثر خطاطيبها وانا محجّرها
قصايدي بصْمه لـ . فكري وتفكيري=يتْعب عليها المفكّر مايفكّرها
تنحت على المجتلد وتكسّر الجيري=وإتْصَفّ مانيب كاسرها وجابرها
ماغير حنجوري إيغنّي مجاريري=وماغير صوتي لاطلوحها يكوسرها
أشوف في هيبتي , قلّة جماهيري=بأذواقها , من تشاواها تكاثرها .!
والشاعر أخلاق من قبل المشاهيري=ومراجله لو تغيّر مايغيّرها
وانا أحمدالله شرّي ماسبق خيري=نفسي على إقداي ناهيها ووامرها
قدّام زلّة لساني صُنت تعبيري=واللي يدوّر هزيعه لايدوّرها
وإن كاني أخطيت , ماتخطي معاذيري=الناس تخطي وخالقها يعذّرها
فأول مشاويري , وتالي مشاويري=أشْعب عزومي وأسنّدها وأحدّرها
فإن سقتها ماجهلت أمري وتدبيري=وبيارقي فوق خشم طويق ناشرها
صافح كفوف السّحاب , وطيري ياطيري=واليا صدفت الطيور البُرْق , ذيّرها
وان كان صفّحت , ماتجهل مواكيري=واللّي على قمّة المشراف طيّرها .![/poem]

...
.
.
.




لي عوده تليق بـ كاتب القصيده ..



.
.
.
...

هلااا والله يابن عصيدااان

الله لايضرك ياشيخ :)

حجز ولي عودهـ

ماشاء الله تبارك الله يابو محمد ..
شاعر صح وشاعرية متدفقة ..
صح لسانك ولا هنت ..

تحيّتي

4

للقراءة ،

...
.
.
.



الشاعر الرائع / فهيد بن عصيدان .. كانك مسوي زحمه في مثل هذي , ولاوالله يازين الزحمه ..
صح لسانك على القصيده ..(( إبداع + جزاله ))..


تقبل مروري ومتابعتي الدائمه.



.
.
.
...

’

الله الله
الله الله
الله الله


يا سلام دايم ما تخط الا الجزل من القصيد الله لا يضرك
ابيات تستاهل القراءة يا فهيد .. صح الله لسانك ولا هنت

وفقك الله


.

نـوادرٍ ماتحـوم الا عـلـى بـيـري
يكثـر خطاطيبهـا وانــا محجّـرهـا
قصايدي بصْمه لـ. فكري وتفكيـري
يتْعـب عليهـا المفكّـر مايفكّـرهـا

انشهد

صح لسانك يافهيد ويازينها من زحمه

:)

سلمت وسلم فكرك .. سلامي عليكـ

-



ماقلت : في هالبلد مافيه أحـد غيـري
يصغـر بعيـن الاوادم مـن تصاغرهـا


لله درّك يا فهيد






صح لسانك وسلمت ودمت



تقديري

صح لسانك ولا هنت

يصغـر بعيـن الاوادم مـن تصاغرهـا





فهيد بن عصيدان ..




ابدعت بحق ..


شاعرية مذهلة وباذخة .. تبارك الرحمن


صح لسانك بلا عدد


متابعتي الاكيدة وتقديري ..

ماقلت : في هالبلد مافيه أحـد غيـري
يصغـر بعيـن الاوادم مـن تصاغرهـا
لكن لي اسلوب بأفكـاري وتصويـري
ماكلّ مـن يبغـي إيصـوّر يصوّرهـا
نـوادرٍ ماتحـوم الا عـلـى بـيـري
يكثـر خطاطيبهـا وانــا محجّـرهـا




ياسلام يابومحمد

تأكد انك فارق ومتميز ابدعت وارضيت المتذوقين والعموم والنخبه


دمت بحفظ الباري

يصغـر بعيـن الاوادم مـن تصاغرهـا

ايوالله صدقت

لله درك يابن عصيدان وصح لسانك مدد


عز الله ابدعت


غيمار

المبدع فهيد بن عصيدان


ماقلت : في هالبلد مافيه أحـد غيـري
يصغـر بعيـن الاوادم مـن تصاغرهـا

لكن لي اسلوب بأفكـاري وتصويـري
ماكلّ مـن يبغـي إيصـوّر يصوّرهـا


سلامي عليك وعلى اسلوبك وافكارك وتصويرك

صح لسانك يا القرم وسلمت ،

..

فهيد بن عصيدااااان


ماشاء الله عليك وعلى قريحتك .. وعزالله انك ماتزاحم الا بالجزل والدسم


لله درك الله لايضرك ياااااامبدع


صح لساااانك مليون×مليون

فهيد بن عصيدان
لله درك والله انك تغرف من بحر
مشالله عليك يا بو محمد
صح لسانك

السبيل

حجزك اوكي :)

فهيد بن عصيدان

صح لسانك واعتلا شانك

مبدع كعادتك يا بومحمد

تقبل تحياتي ومروري

ابن عصيدان


ليت كل من سوا زحمه في المواهب يملك ربع مستواك

والله العظيم ان كل قصيده جديده لك انها غنيمه يابو محمد