ألا ليت لي جنحان واكفخ مع الكفاخ
[color=#000000]بسم الله الرحمن الرحيم
السلام عليكم ورحمة الله وبركاته اسعد الله اوقاتكم اخواني اعضاء مرقابنا الغالي ، مرقاب الادب والشعر ،، هاذي بويتات اتمنى ان تنال على بعضا ً من رضاكم لاعدمتكم .. [poem=font="Arial,4,darkblue,bold,italic" bkcolor="transparent" bkimage="backgrounds/40.gif" border="none,4,gray" type=1 line=0 align=center use=ex num="0,black"] الا ليـت لي جـنـحـان واكـفـخ مع الـكـفـاخ = وخاوي الخفاف اللي مع الجو كفاخه كما ان الفضا من هاجس ٍفي ضميري ناخ = كبر فـصّ راع الـكير في جـنـب منفاخه ليـا مال وقتـك والبـخت مـال لـلـمنواخ = تغانـم حـيـاتـك لا تـنـوّخ بمنـواخـه يقـوله مجـرّب في زمـانـه عقـب مـــاداخ = اخذ من تصاريف الزمن :شِـلْخ وشـلاخـه ترى الله وسيع ابواب يالجـاهـل المـتـياخ = تحـت عـز غـيـره قــاسي الـوقـت ماناخـه إله وجنت ٍ من نعـمة الله كـمـا المـنـفـاخ = كـبير الجسـد والهرج والقلب نَـفّاخه نهار الشدايد يلتوي مثل ضب وضاخ = ولن جت سهايل يصمخ الحيد بـ صماخه على الله تسير إبـنا العـزايم ولاقـد شـاخ = غشيم ٍ يـبـا الـكـرمه بـلا طـبـخ وصلاخه صبرنا لظرف الـوقـت ومصافـق المنـاخ = ولنا شـوفت ٍ من فـوق الاشواف شمّاخه ولانشتـكي لو عـظـّنـا نـابـه الفدّاخ = سهوم العزوم لـنـاب الايام شلاّخه كمن الهوى مايشلع ألاّ ذرى الاكواخ = لياطار ياراعيه روح اجمع اصـياخه اهلها ثناياهم قِبَل في الهوى كِلا ّخ = بـعـد كـل هـيـفـيـة عــرايـا وكــلاّخــه تضيم الحمول اللي عضوده تبا مرّاخ= وتشيله عضود اللي للاثقال نكّاخه[/poem] وسلامتكم تحياتي لكم |
1
صح لسانك ولاهنت |
مرحبا يا عبدالله ..
اسعدنا حضورك في المواهب وان شاء الله ما يكون الاخير .. صح لسانك مدد ولا هنت .. تحيّتي |
عبد الله .. رغم صعوبة القافيه إلا أنك تمكنت منه
صح لسانك يا مبدع صح لسانك يا مبدع و لا هنت :) أخوك/محمـــد ال عبـــدان |
[align=center]صح لسانك
قصيده رائعه وقافيه محكورهـ لك فائق الاحترام والتقدير تحياتي[/align] |
تضيـم الحمـول اللـي عـضـوده تـبـا مــرّاخ
وتشيـله عـضـود الـلـي لـلاثـقـال نـكّاخـه عبدالله عز الله انك تمكنت وابدعت رغم صعوبه القافيه سلمت وسلم فكرك .. وحظور نور المواهب سلامي عليكـ |
ابو معتز
حبة خشم يستاهلها شرواك .. قصيده ماتجي إلا من واحد يعد من نخبة النخبه .. صح لسانك مليار تقديري الوافر .. |
عليكم السلام ورحمة الله وبركاته
مرحبا يابوعابد ومسهلا ومنوّر المواهب علـى الله تسيـر إبنـا العزايـم ولاقـد شــاخ غشيـم ٍ يبـا الكـرمـه بــلا طـبـخ وصـلاخـه صدقت ما تجي بدونها أبدااا صح لسانك وسلمت ، .. |
ابو عابد
مبدع صح لسانك تقديري |
شعر وشاعر يملكون الابداع والتكمن والجزاله,,
صح لسااانك , |
قافية عسره مار طوعها تمكنك الواضح
صح لسانك يا عبدالله وسلمت يمناك تقبل مروري |
الله الله يا عبدالله
قاف صعب وترويض سهل صح لسانك ولاهنت |
ابيات متعوب عليها
صح لسانك ولاهنت لاعدمناك ياعبدالله موفق |
الله الله الله
قافية متميزه وشاعر متمكن |
حسين الغنامي
صح بدنك |
الــبــراق
مرورك غيير يابو محارب ,, صح بدنك لاعدمتك يالجزل . |
عبدالله الهديرييس ., عليكم السلام وهلا مليار ., قصيدة محكمة الصنع والقافيه .., صح لسانك مدد وسلامي عليكـ ., |
عبدالله الهديريس
تمكن واااضح ..ومنور الموااااهب عزالله ابدعت ابدعت تضيـم الحمـول اللـي عـضـوده تـبـا مــرّاخ وتشيـلـه عـضـود الـلــي لـلاثـقـال نـكّـاخـه الله الله ..هذا الكلام الصحيح صح والله لسانك مليون×مليون |
الله الله
صح لسانك × صح لسانك حضور رااائع ومميز لاهنت احتراااامي و ج د |
عبدالله
صح لسانك ولاهنت قصيده رائعه وقافيه محكورهـ تحياتي |
عبدالله
صح لسانك ولاهنت |
محمد السبيعي / مشرف المواهب
وانا سعيد بمشاركتي هنا بالمواهب وأسعد اكثر بمرورك الرائع وتعليقك الطيب صح بدنك لاهنت |
| جميع الأوقات بتوقيت GMT +3. الساعة الآن 06:13 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية