محسن بن جبرين المطيري
أعضاء وزوار المرقاب الشامخ :
(( العقوق )) مشكلة المشاكل والتي نتمنى الا تكون ظاهرة,, هذا المفهوم قلبه الرجل الإنسان محسن بن محمد بن جبرين المطيري رئيس مركز العمار حينما تبرع لوالده بنصف كبده , هذا الموقف وضده جعلاني اقول : سلامي على رجل ماعرفه لكن أغليه ==============أعزه معزه واشهد الله على وده إيوالله ماعرف الاجودي غيرمن طاريه ==============وفعل برز به بين الاجناب والبده تقولون كيف أقول من دون كيف وليه ============فعل فعل مابه من سمع به ولاعده فعل فعل خلا كل منصف يسولف فيه ===========عزوم الرجال تبين في ساعة الشده تذكر جميل ابوه عليه في ماضيه ============وقناه الجميل وعانه الله على رده قطع نصف كبده قال ياوالدي لبيه ==========على شانك أرخص باقي العمر واهده يكفي ويجزي سالف العمر عن تاليه =============هذا والله الإيثار هذي هي المده هذا محسن الجبرين جعل الردي يفديه ===========وريث الفخر من والدينه ومن جده بيوت الشرف من جاء ذراها تبي تذريه =========ماهو موقف(ن) ماللسنافي عنه صده ولو غيره اللي واقف(ن) موقفه يمديه ===========تبين منه مايكشف اللي ورى سده هذا الفرق يوم أشوف خطو الولد يرجيه =============أبوه وبعد رجواه يبلاه ويضده يسله بسقم الهم والغم ويوريه ===========نجوم القوايل يوم مالله خلف كده ليا قام تال الليل لله رفع كفيه ============دعاله وكبده من سواياه منقده ملامح تفاصيله تعلمك عن خافيه =========عقوق الضنا والهم والشيب في خده. |
فراج الكرشمي
بيض الله وجهك وموقف محسن المطيري موقف رجولي وبيض الله وجهه وجزاه الله خير |
الله يجزاه خير
عز الله انه بر ابه وانت صح لسانك وبيض الله وجهك على نشر هذا الفعل الخيّر غيمار |
فراج الكرشمي
هنا الشعر الحقيقي وهنا رسالة الشعر الحقيقية ابداع ولااروع والله انك ماقصرت يافراج وهذا واجب كل شاعر يقول للمحسن احسنت انت ابدعت وابن جبرين يستاهل واللي اقدر اقولة الله يبيض وجهك ولاعدمناك تقبل تحيات اخوك |
فراج الكرشمي
بيض الله وجهك وموقف محسن المطيري موقف بطولي والله يكتبها في ميزان حسناته ويبيض وجهك ولاتحرمنا من جديدك |
فراج الكرشمي ... صح لسانك وبيض الله وجهك
والله يجززا محسن بن جبرين بالاعمال الصالحة .. اللي بر في والده وماهي غريبه عليه .. هذا محسن بن محمد بن جبرين شيخ شمل عبدالله من مطير الطيب مايستغرب من اهله اشكرك وبيض الله وجهك تقبل تحياتي |
فراج الكرشمي
ابيات جزلة ومعبرة من شاعر جزل وموقف قمة الروعة في البر بالاقربين من الاخ محسن المطيري جزاه الله كل خير ووفقنا واياه الى البر بالوالدين وعمل كل خير .. لاهنت يالقرم صح لسانك تحياتي |
فراج
حيالله شاعرنا الجزل والرجل وبيض الله وجهك على هالقصيده وابن جبرين ماهي غريبه عليه الفعل الطيب مايستغرب على شيوخ عبداللّه صح لسانك يالكرشمي الشهم وهذه القصيده تؤكد مقاصد الشعر النزيهه والحتميه على كل شاعر صادق ونبيل تقبل تحياتي وتقديري |
اقتباس:
لله درك يابو نايف توثيق لفعل تاريخي والطيب من محسن لايستغرب لانه حصان من ظهر حصان وبيت عرب قلت وطلت يابعد راسي ولك عاطر الود |
.
عزالله انه موقف يصعب على الكثير ، ولكنه يسير على القله من اهل الشهامه والمروءه والبر ، نعم انه يستحق هذا الثناء وهو والله أهلا له ، وصح لسانك يا فراج على تثمين هذا الموقف النبيل وان دل على شي فانما يدل على طيب معدنك وساسك صح لسانك مليون × مليون × مليون ..... وتقبل احترامي وتقديري واعجابي . |
فراج الكرشمي
صح الساااااااااااااااااااااااااانك وبيض الله وجهك وراعي العلم الغانم يستهال ومحسن الجبرين سواته تطلق وجهه دنيا واخره |
السلام عليكم
اولا صح لسانك القصيده للامانه طيبه لاكن الاطيب منها هو احساسك بالطيب حتى لو كان من البعيد عنك غيرك يستلهم القصايد من النساء وجمالهن وانت تستلهم من افعال الخير بيض الله وجهك وجزاك الله خير . |
صح لسانك
صح لسانك صح لسانك صح لسانك صح لسانك صح لسانك الى مالا نهاية صح لسانك والله يسلم محسن ويجزاه خير وحقيقة الوالدين مهما عطاهم الابن ماوفاهم حقهم والحمد لله موقف يفتح النفس ويفرح ويدل ان الدنيا لحد الآن بخير . تقبل ودي وسلامي عليك |
بيض الله وجه ابن جبرين
وعز الله من حظه بيض الله وجهك واسلم وسلم لنا على ابن جبرين |
شاعرنا الكبير / فراج الكرشمي
اول شي مرحبا والله ومسهلا والله انك منوّر المرقاب بكبره واللي مثلك ينفقد عساك ما تفقد غالي ابطيت يا بونايف عن احبابك ثاني شي بيض الله وجهك على هذا التفاعل الذي يدل على طيب معدنك وحسن خلقك رحم الله والدك واسكنه جناته بعد ان اثرت بك ما قام به ذلك الشهم تجاه والده ثالث شي انت تقدم دروس لابد ان تشكر عليها الحقيقه انك من المبدعين الذين يحملون رسالة الشكر وامانته رعاك الله يا بونايف وصح لسانك بلا عدد ،، |
اقتباس:
مازود شي على الدكتور يابو نايف لله درك وكفى .. |
فراج الكرشمي
موقف وشعر وابداااااااااااااااااااااااااع فلله درك اخووووووووك |
فراج الكرشمي
صح لسانك واعتلا شانك هذي حزة الشعر وانا اخوك كفيت ووفيت في توثيق الموقف |
الله يخلي له ابوه ويخليه له ولايحرمه من الاجر
وانت لايحرمنا منك ومن قصيدك صح لسانك ولاهنت يا استاذ |
هذا محسن الجبرين جعل الردي يفديه
وريث الفخر من والدينه ومن جده الله يديمه ويطول بعمره ويطوّل في عمر والديه موقف مشهود في الأرض .. نتمنى أن يكون مشهود في يوم العرض وأن يعتق الله رقبته من النار صح لسانك يابونايف .. قصيدة كتبت بإحساس صادق .. تحيتي لك ، |
ابو نايف
محسن الله يجزاه خير وانت صح لسانك وبيض الله وجهك تقديري |
الغالي : عبدالله الرقيب
ألف شكر لمرورك وردك تحياتي . |
| جميع الأوقات بتوقيت GMT +3. الساعة الآن 09:30 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية