منتديات المرقاب الأدبية - صدام راح وراح ملكه ........

بسم الله الرحمن الرحيم

السلام عليكم ورحمة الله وبركاته

زملائي شعراء مرقاب الشعر الجزل ، اهل الجزالة

والابداع يسعد الله كل اوقاتكم ،، هذه قصيدة للتواصل

معكم ، جاريت بها احد الاخوة ، حيث حصل له موقف

ووقف كل الجماعة معه في محنته ، وانا منهم ولست بخيرهم ،

فقال ابيات يشكر ربعه على موقفهم ، لايحضرني منها الا بيتين يقول /

نخيت ربعي ثم رمو بالعمايم ....ربعي بني مخضار كسابة الطيب

اهل الوفاء والمرجلة والعزايم .... قامو بساعة عسرها بالمواجيب

وقد جاريته بهذه القصيدة امل ان تحوز على رضاكم وسلمتو ياعمالقة ..

[poem=font="Arial,4,black,bold,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
يالله مـاغـيــرك عــلــى الــكــون دايــــم= يارازق ٍ خلقه وياعالم الغيب
لاجــاء العمـيـل الـلـي لــلارواح سـايــم = وعــن باعـتـه مـالـي مـــلاذ ومـهـاريـب
شـوفــي طـفــح واستـسـلـمـنّ الـقـوايــم = وضاعت حكايـا اهـل الـدواء والاطابيـب
مالـي غـنـى عــن وســع رحمـتـك دايــم= بـدنـيــاي ولا ّ يــــوم نــشــر المـكـاتـيـب
عــبـــدك ومـلــيــان ٍ سـجــلّــه قـســايــم= ماغـيـرك الـجـآ لــه ولاادعــي ولآنـيــب
الـيـوم شـفـت وعـفـت وامسـيـت شـايــم = عــن متـعـة ٍ مـامـن وراهـــا مكـاسـيـب
مــن عـايـس الدنـيـا يـشـوف الهـضـايـم = ان كــان لــه مـيـزة وعـقــل ٍ وتـجـريـب
كــم عــاش فيـهـا مــن رجـــال ٍ عـدايــم = والـيـوم يـظـهـر ذكـرهــم يـــوم ويـغـيـب
شــادوا صــروح ٍ فوقـهـا الـغـيـم غـايــم = ومــال ٍ عـنـه ذاقــوا مــرار المشـاريـب
راحــــوا وخـلـوهــا عــشــاش ٍ هــدايــم = مـاتـقـل داجـوهــا شــــروق ومـغـاريــب
دنـــيـــاك مـافـيــهــا مـــتـــاع ٍ مـــدايـــم = يـجـي لـهـا لــو ساعـفـت لـــك مقـالـيـب
فـــي سـاعــة ٍغـافــل ومـركـبـك عــايــم = غـبــة خـيــال ولـــك مـــراد ومـطـالـيـب
ضحـكـاتـهـا لـلـرجــل كـــــذب أوّهــايـــم = وانـيـابـهـا لاكــشــرت لـــــك مـحـانـيــب
مـــا اغـتــرّ فـيـهـا إلا ّعـقــول الـبـهـايـم = اللـي مـا اخـذ منـهـا العـبـر والتجـاريـب
فـتّـانــة الـمـظـهــر سـريــعــة سـهــايــم= ومصيوبـهـا تـبــدي عـلـيـه المـصـاويـب
تـلــقــاه لاواعـــــي ولاهــــــوب نـــايـــم = يمشي وهو حاضـر مـع النـاس ومغيـب
اخــــذت لــــي مـنـهــا دروس ٍ عـظـايــم = وسجـلـت ماشفـتـه عـلـى دفـتـر الجـيـب
أيـــــام ذاريــهـــا حــــــرور وســمــايــم = وسـاعــة ذواريـهــا بــــراد وهـبـاهـيـب
وايــــام نقـضـيـهـا حـــــروب وهــزايـــم = وساعـة نـوقـع عـقـد هـدنـة واصاحـيـب
خـلــك مـسـايـم كـــان وقــتــك مـسـايــم = سـايـر زمـانـك لــو تـشــوف المغـالـيـب
والـيــا كــشــر نــابــه وجــالــه حــدايــم = لاتـظـهـر الـذلــة واخـــذ عـنــه تـجـنـيـب
ان هــاش ماانـتـب لــه ضـديــد ٍ مـلايــم = وان زان خــوان ٍ يـجــي لـــه عـراقـيـب
لاتـامــنــه وانـــتـــه مـــنـــه لاتــشــايــم = خـلـك مابـيـن وبـيــن رغـبــة وتـرهـيـب
احـــذر يـغــرّك حـــال بـعــض الـهـلايــم = بـعــض الـهـتـول الغـافـلـيـن الـدبـاديــب
الـلــي يـحـسـب صـفــوة الـوقــت دايــــم = وجـالـه مــن النعـمـة لـجـون ولغـابـيـب
يـســعــى بــلامــيــزة بــدنــيــاه هـــايـــم = حتـيـش لــو انـــه كـبــر عـنــده الـجـيـب
صـــــدام راح وراح مــلــكــه حــطــايــم = ومثله مـن اصحـاب الثـرى والمناصيـب
ويـش انـت ياللـي معـك بـعـض اللمـايـم = أمــــا ســكــن ولا ّ رصــيــد ومـراكـيــب
انــت بمسـيـل وفـــوق راســـك غـمـايـم = وديـم المطـر بعضـه يجـي لــه عواقـيـب
اخـــذت حـكـمـة مـــن رجـــال الحـكـايـم = واخــذت فــي ايـامـي دروس وتـجـاريـب
دجــت وسمـعـت أوقــت فــي كــل زايـــم = وسجـيـت رجـلـي فــي ديـــار الاجـانـيـب
واعطيت عـن مااعـرف دروس وعلايـم = والـرجـل فــي دنـيـاه خـطــاي ومـصـيـب
الــــرزق عــنــد الله وفــــوق وقـسـايــم = والـعـمــر زايــــر والـمـنـايـا مـعــازيــب
قـلـتـه بــعــد جـتـنــا الـبـيــوت الـعـوايــم = فــي غـبـة الـلـي جــاد معـنـى وتـركـيـب
عـايــض لـقــا شـكــره لـربـعــه لــزايــم = مــن شــان موقـفـهـم مـعــزة وتـوجـيـب
وهــذي مــن اطـبـاع الـرجـال الحشـايـم = وهـو مــن رجــال ٍ يكمـلـون المواجـيـب
وعــن واقــع ايـامـه رســم لــه رسـايـم = تلمـيـح عـلـم بــدون شـــرح ٍ وتسـهـيـب
ولانـيــب لــــه عــاتــب ولانــــي بــلايــم = كــــل ٍ مــعــه ورّد طــــوال الـمـجـاذيــب
لــكــن شــفـــت ان الـمــجــارا مــلايـــم = واجــب يـجـازا راعــي الطـيـب بالطـيـب
وربــعــك مـواقـفـهــم تــراهـــا قــدايـــم = ميـقـافـهـم يــعــرف ولافــيـــه تـغــريــب
يــوم السنـيـن عـجــاف وإلـهــا وحـايــم= وعــوج اللـيـالـي خـلّـصـن ّ المـزاهـيـب
هـم عـون مـن يشكـي الدهـر والسقايـم = وهـم ملتجـى الجانـي وملـفـا المراكـيـب
وان جـاء المزاحـم فـي نـهـار الزحـايـم = وثـــار الـعـســام وفــرعــنّ الـرعـابـيـب
وركـبــو مـداغـيـش الــرجــال الـقـرايــم = مـثــل ثـــواب ونـاشــي الـقــرم ومـثـيـب
مـــن فـــوق ســـرد ٍ بـالأعـنـه كـضـايــم = اسـبـق مــن الـبـارق ليـاجـت هـواذيــب
كـــم راس شـغـمـوم ٍ وريــثــة شـغـايــم= كـــزّوه لـلــي فــــي الـرقـيـبـة مـقـانـيـب
بـدهــم ٍ لـهــب بـارودهــا لـــه عـسـايــم = ولاّ بـــحـــد مــحــودبـــات الــغــواريـــب
غـاراتـهــم يــفــرح بــهــا كــــل حــايـــم = لاجــاء نـهـار ٍ يخـلـف الــورع ويشـيـب
وان جـاء المزاعـم هـم رجـال الزعايـم = بــالــراي والـحـجــة تــفـــك الـلـوالـيــب
مـاأخـذو نـعـم مــن بــاب بـايـع وسـايــم = ورثـــــن قــديـــم ؤوثــقـــوه الـكـتـاتـيـب
مـاهـوب مــن صـيـد النـفـوس الرخـايـم = الـلـي خــلاف اهــل الفـعـايـل شـواذيــب
الـضـلــع ثــابـــت والـهـبـايــب زوايـــــم = والــروس ماتسـبـر مـواطـي العراقـيـب
ربـعـك بـنـي مـخـضـار عـــزم وحـزايــم = يمـنـى بـنـي شـافـع عـــداة الاصـاعـيـب
شـفـعــان لاجــــاء لـلـمـشـوّك عـشـايــم = والشـمـس غيّـبـهـا سـحــاب اللـواهـيـب
وركبـو علـى اللـي مـثـل وبــل الغشـايـم = لاهـلّ مـن صــاف الـمـزون المناصـيـب
عاداتـهـم فــي الـكـون صـبــر وعـزايــم = والـحــكــم لله ثـــــم بــحـــد الـمــذاريــب
قـدامــهــم تـلــقــى الـجـمـاجــم كــوايـــم = مركاضهـم يشـبـع بــه النـصـر والـذيـب
ركــن ٍ مــن الـلــي يقـتـضـون الـظـلايـم = يــوم النـقـا جــت بــه ركــاب المـنـاديـب
آلاد عـــاصــــم بـالـفـعــايــل عــصــايـــم = إلـهـم عـلـى نـجــد المـسـمـى مـواجـيـب
يـــوم الـمـغـازي والـظــروف الـوخـايــم = إلـهــم بـعـالـي ســلّــم الـمـجــد تـرتـيــب
كـــم دقــلــة ٍ جــــات أوراهــــا دعــايــم = والـحــرب نـــاره لحّـقـوهـا المشـاهـيـب
وكـــــل ٍ لـســاعــات الـمــلاقــا ولايـــــم = والـخـيـل عـنّـوهـا الـقــروم الــذواريــب
مــن فعـلـهـم جـمــع الـمـعـادي قـسـايـم = بصـنـع الفـرنـج وساطـيـات المضـاريـب
الــهـــم بـــديـــوان الـبـلـيـهــد عـــلايـــم = تـقــرا لـيــا يـــوم الـبـعـث والمحـاسـيـب
يـوم إن الاشـقـر جــاء لريـشـه وشـايـم = وجـاء للجمـوع بيـوم عرجـاء محازيـب
خــلّـــوه لاريــــــش ٍ ولالــــــه قـــوايـــم = وفـارق مـبـادي روس هــاك المراقـيـب
قـدامــهــم كـــــنّ الـجـنــايــز هــشــايــم = يـوم البعيـر اللـي بهـاك الضـحـى جـيـب
فـوقـه : ومـزيــد : مـاسـكـه بالخـطـايـم = بـنـت الامـيـر الـلـي تـشـوق الخطاطـيـب
عنـهـا الجـبـر راحــت عـلـومـه هـمـايـم = وتـبـدّلـت حـــدب الـسـيـوف بمشـاعـيـب
مـحــد ٍ نـفــض عـنـهـا غـبــار الـلـوايــم = إللـي قـضـى والـلـي جـروحـه معاطـيـب
والشـيـخ مـمـا صــار ضـــاق وتـضـايـم = والمـنـع مـالـه عـــن حـبـالـه مـهـاريـب
وهـاك الـرديـف الـلـي علـومـه جسـايـم = اقـفــى يــحــث مـكـســرات المـصـالـيـب
سَـلّــم وشـــاف الامـــر جـالــه حـسـايـم = مـاتـنـفـع الـلـحـيـة بــــدون الاشـانــيــب
افــعــال قـطـمــان الـمــحــازم حــزايـــم = مــن ثقـلـهـا تـتـعـب يـديــن الحـواسـيـب
بـقـيـادة الـلــي يـنـعـرف فــــي الـلـزايــم = في الموقف اللي منه بعض العرب هيب
أبـــا الـعــلا نـســل الـشـيـوخ الـعـظـايـم = زيـزومـهـا فـــي سِــلْــم ولا ّ مـحـاريــب
تـلـقـاه فـــي اولـهــا لـيــا جـــت رزايـــم = وتـلـقـاه تالـيـهـا لـيــا اقــفــت جـنـاديــب
هـــو مـزبــن الـلاجــي كـبـيـر الـجـرايـم = ويامـن عقـب ضـاقـت علـيـه المكـاريـب
إشـيـوخـنــا عــنـــد الـمــكــارم كــرايـــم = وعنـد الحرايـب هـم سـهـوم الحـراريـب
وان جــاء الخـطـا بـيـن القبيـلـة رحـايـم = يـنـهـون بالـحـكـمـة كــبــار المـنـاشـيـب
بـديـتـهــا دعـــــوى عــظــيــم ٍ ودايــــــم = واخـتـم بـذكـره عـالــم الـســر والـغـيـب[/poem]

وسلامتكم ..

تحياتي لكم .