حمام الورق !!!
 

السلام عليكم


صباح الخير


قصيدة أتمنى لها العبور ...




صلو على النبي


*

*

*
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
معك ياحمام الورق غنيت في واديك=وغدى العصر مثل الليل ... والليل ليليني

أجر الطواريق الحزينه وأخاف أبكيك=أخاف الحزن يطغى ... ونمسي حزينيني

يدور الزمن وتحن يالورق مع ماضيك=لو تعيش دب الدهر بين البساتيني

والا ياقصيدي فزلي يوم قمت أدعيك=وأنا راح ألبي مطلبك يوم تدعيني

لو أني أغيب ... أجيك متلهف وناصيك=حروفك تلاعبني ... وصوتك يناديني

أبي زبدة المنتوج من جزلك اللي فيك=ونور القمر نوّر جميع البلاديني

وأبا أعلمك عن قصة الحب لو تذيك=على واحدٍ وده وأنا حي يرثيني

حبيبٍ سكن قلبي غرامة بلا تشكيك=عقب مانتشر بعروق دم الشراييني

من العام ياشعر الغزل بالحبر حاديك=من الشوق وأشواق الغلا ... والغلا شيني

أسلي بك الخاطر من أسباب ذيك وذيك=مدام الشعر في نور عيني يسليني

الا ياغرامي وينك اليوم عن غاليك=طواه التعب ثم ذاق مر الأمريني

الا ياعيون الطير الأشعل كثير الشيك=من يشاهده يطمع على جوهر العيني

هدية من الحاكم ومن طيبها تغنيك=تكفيك عن جمع الذهب والملاييني

ترى قبل أعرفك كنت غالي وأنا مغليك=أشوفك بحلم الليل لانمت تأتيني !

ومدام أنقسم عرفك ... ولو رحت ما خليك=لو أنك بعد من خاطرك ماتدانيني

اذا جيتني حياك ... وأن غبت راح أجيك=ترى غصب عنك ياتلع الجيد تغليني

أحبك ... وأحب الليل لامن طرى طاريك=وأنا أدري تحبيني قبل لاتشوفيني

ترى هالقصيدة لغز ... والوضع هدروليك=ولكن خل علومها بينك وبيني

ويأخي صد عينك ... جعل هالعين ماتبكيك=أنا خايف أن عيونك السود تعميني

ترى لابتسمت ... تشيل قلب الشقا بيديك=ولامن زعلت ... تطير بي الشياطيني

يابو قذلةٍ مثل الذهب واصله عينيك=ليا شفتها حطيت في راسي أيديني

ولا فادني طب المداوي ولا يغويك=( تراك أنت دائي والدوى يامداويني )

غلاك متغلل في مغنة حشا هاويك=يحيل ويحلل كل حينٍ بعد حيني

ولا ياحلاة الكيك لا صار بيد الكيك=يزيد الحلاوه حلو والحلو حلويني[/poem]

الله الله

صح لسانك يابندر

قصيده رايعه

لله درك عليها

سلمت ولا هنت

صلى الله عليه وسلم

طلال

حضور جميل

صح لسانك

تقديري

يا سلام يا طلال



صح لسانك طال عمرك




ولاهنت

وعليكم السلام ورحمه الله وبركاته

واللهم صلى على محمد


يدور الزمن وتحن يالورق مـع ماضيـك
لو تعيـش دب الدهـر بيـن البساتينـي

طلال

صح لسانك × صح لسانك

غزل غير واحساس عالي وحظور غير ,, سلمت وسلم فكرك

تحياتي لك

صح لسانك يبوبندر

مبدع فوق العاده :)

طلال بندر

صح لسانك واعتلا شانك وسلم بنانك

تقبل تحياتي ومروري يامبدع ولاهنت

طلال بندر



صح لسانك واعتلا شانك



قصيدة رائعه ونفسها طويل ماشاء الله عليك



تقبل تحياتي

وعليكم السلام ورحمة الله وبركاته
هلا اخوي طلال
صح لسانك لاهنت

الله الله

صح لسانك يابندر

قصيده رائعه



تحياتي وتقديري لشخصك الكريم

الله الله

صح لسانك يا طلال ولاهنت

تحياتي

متعب فهد

ياهلا ومرحبا

صح الله بدنك

مرورك يسعدني

عيسى الشاطري


ياهلا ومرحبا


صح الله بدنك


مرورك يسعدني ....

الله الله


صح السانك ولاهنت يالغالي

التحيه والتقدير لك

,

علـى واحـدٍ وده وأنـا حـي يرثينـي



طال بندر


شاعرية رائعة ومتمكنة


صح لسانك بلا عدد


تقديري اخي ..

-


يابو قذلةٍ مثـل الذهـب واصلـه عينيـك
ليا شفتها حطيـت فـي راسـي أيدينـي :)





مبـــــــــــــدع وعذب ورائع .............. ولاكن















لا تطوّل فالغياب يابو بندر




شاعر لك حضورك الخاص




صح لسانك كثر المطر




تقديري

مشعان البراق


ياهلابك يابو محارب


صح بدنك


مرورك يسعدني ...

يا سلام ياسلام ياسلام

صح لسانك ياطلال

قصيده كامله من طرقها لحبكتها لكمية الابداع فيها

صح لسانك وسلمت ياغالي

محبتي ومتابعتي

اخوك

تركي البادي


ياهلا ومرحبا


صح الله بدنك


مرورك يسعدني ...

غلاك متغلل فـي مغنـة حشـا هاويـك
يحيـل ويحلـل كـل حيـنٍ بعـد حينـي
ولا ياحلاة الكيـك لا صـار بيـد الكيـك
يزيد الحـلاوه حلـو والحلـو حلوينـي

طلال

صح لسانك على هذه الكيكه :)

ابداااع ..


تقبل مروري و مودتي

ياسر العتيبي


ياهلابك مليون


صح الله بدنك


مرورك يسعدني ....