منتديات المرقاب الأدبية

منتديات المرقاب الأدبية (http://www.montada.mergaab.com/index.php)

- ..: المرقَاب الشّعبي :.. (http://www.montada.mergaab.com/forumdisplay.php?f=58)

- - حبال الخصومة (http://www.montada.mergaab.com/showthread.php?t=40966)

حبال الخصومة

بعد التحية للجميع
إليكم هذا النص

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يامحاسب ضميرك ويش معنى الحساب = خل فكرك سليم وخل ظنك سليم
واكسب العلم الابلج والبس أحلى الثياب = لو حبال الخصومة في يدين الخصيم
كل صاحب معرفه يلتزم بالكتاب = مايعامل كذوب ولا يرافق غشيم
وش يبي بالعصى اللي ماتهش الكلاب = عن طريقه إليا هبت هبوب النسيم
خطوةٍ للامام ونظرةٍ للسحاب = في جديد الحساب وبالحساب القديم
كم سوالٍ طرح نفسه بليا جواب = وكم جوابٍ على قول المثل بالصميم
الدها للذيابه والحسد للغراب = والظفر للوليده والخجل للحريم
وناقل الهرج دايم بين ودا وجاب = والفعايل لاهلها كل شيٍ مقيم
قالو ان الحقيقه شمسها ماتغاب = والكرم ميزةٍ ترفع مقام الكريم
لو تدرهم ركاب ولو تنوخ ركاب = من شمال القصيم إلى جنوب القصيم
قلت فعل السبب واجب مع الاحتساب = وكل شيٍ بتسهيل العزيز الحكيم
علم ثابت وعلمٍ مثل وصف السراب = جعل راعي المعرفة هاجسه مايهيم
غفلة الشايب أعظم من غرور الشباب = والنهايه قريبه وافتهم يافهيم
قبل تطوى الصحايف بالخطا والصواب = اذكروا يوم ماينفع حميمٍ حميم[/poem]

وسلمتوا..

ياسلااااااااااااااااااااااام

ياصاااااااااااااااااااالح صح لسانك على القصيدة والتوقيع بعد

اخووووووووك

صالح

صح الله لسانك

شاعر مبدع وقصيده جزلة

لاهنت

اخوك
محمدابوشهاب

صالح

نص راقي ورائع

صح لسانك مدد بلا عدد

تقديري

[align=center].
.

الشاعر صالح

قصيده مايكتبها اللا الكبار والكبير الله ,,

شهادتي فيك مجروحه بس جيت أسجل إعجابي وأستفيد ,,

لاهنت على هالنص الفـاخر ,,

صح لسانك لين ترضى ,,

.
.

خالص تقديري ,,

.
.

أخووووك[/align]

كل صاحب معرفـه يلتـزم بالكتـاب
مايعامل كـذوب ولا يرافـق غشيـم

الله الله والله انك صادق

وقصيدة مليئة بالحكمة والعقل

صح لسانك ولاهنت

تقبل ودي ومتابعتي

مع أجمل تحية

أخوك

هلا اخوي صالح
صح لسانك لاهنت
قصيده رائعه

-

الدهـا للذيابـه والحسـد للـغـراب
والظفـر للوليـده والخجـل للحريـم
وناقل الهرج دايـم بيـن ودا وجـاب
والفعايـل لاهلهـا كـل شـيٍ مقيـم

اقسم بالله انك مبــــــــــدع وشاعر من الوزن الثقيل

صح لسانك ولاهنت

تحياتي ومتابعتي

اخوك
خالد

ماشاء الله تبارك الوهاب

من عيون الحكمه عز الله

شاعر كبير وقدير وتتميز بالطرح المفيد والبدع الجزل

صح لسانك بلا عدد ،،

..

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
السلام لكل الاعضا وكل والمشرفين = والتحيه طيب للي يزور المنتدى[/poem]

واقول لا هنتوا جميعا

صح لسانك يا صالح
لا هنت
لا هنت

:)

أخوك/محمـــد ال عبـــدان

صالح ..

مدهش وربي ..

والحكمة في قصايدك اصبحت بصمة ..

صح لسانك ..

الصالح . .

:)

الله الله الله . .

صح السانك الف ولاهنت ..

راائع ومبدع !!

الى الامام دوماً !

قلت فعل السبب واجب مع الاحتسـاب
وكل شـيٍ بتسهيـل العزيـز الحكيـم
علم ثابت وعلمٍ مثل وصف السـراب
جعل راعي المعرفة هاجسـه مايهيـم
غفلة الشايب أعظم من غرور الشباب
والنهايـه قريبـه وافتـهـم يافهـيـم
قبل تطوى الصحايف بالخطا والصواب
اذكـروا يـوم ماينفـع حميـمٍ حميـم

الله الله

صح لسانك يا صالح

ابداع وتمكن وامتاع غير مستغرب

محبتي ومتابعتي ياغالي

اخوك

صالح

صح لسانك

ولاهنت

خطـوةٍ للامـام ونظـرةٍ للسـحـاب
في جديد الحساب وبالحسـاب القديـم

كم سوالٍ طرح نفسـه بليـا جـواب
وكم جوابٍ على قول المثل بالصميـم

الدهـا للذيابـه والحسـد للـغـراب
والظفـر للوليـده والخجـل للحريـم

بيوت
بيوت
بيوت

صح لسانك