منتديات المرقاب الأدبية - قصيدة بعنوان ( أنت أول العشق وأول وآخر أحزاني )

أسرة منتدى الابداع ( المرقاب )

السلام عليكم ورحمة الله وبركاته

يسرني ويشرفني أن أكون أحد المشاركين بهذه الامبراطوريه المتوهجه .

أهديكم هذه الابيات أتمنى أن تحوز على شي من رضاكم .

الصاحب اللي ثلاث سنـيـن ماجاني . طول غيابه ولا أدري ويش طاريه

ليـتـك معي يامحمــد يـــوم لاقـــاني . عليــه مـــن جـفــوة الايــام ماريه

ناظــر وناظــرت فيـه وصـد بلعـاني . ثم التـفـت مـــرة اخـــرى بعفــويه

عارف ومنــكر ومحتــار وخجـلاني . وانا عرفت الهــدف والنـيـه النيه

وبذكـريــاتٍ قـديـمـه جـــدد أحـزاني . أنشهــد انـــه كواني وانجـح الكيه

قــالت اظنـــك تعــيــش بعـــالمٍ ثاني . ونسيــت اهــل البـداوه والبـداويه

قلت الهوى يالطيف الـــروح عناني . وقطـعت بحـره معى جـوه وواديه

محــدٍ خيــالي على ذكــراه ســراني . الاأنت يبــو خصــر وخدود جوريه

أنت أول العشق واول وآخر أحزاني . وانت الهواجيس الاولى والنهائيه

وأنت القصيده لمن جريت الالحـاني . منكوس والاعلى طـرق الهجيـنـيه

يامدمج الساق يامدعوج الاعيـــاني . ياقلب عبــدالـلــه الا يابعـــد حـيــه

تفداك نجوى كرم ياعــود ريحــاني . واريـــام والبـــرتـقـــالــه العــراقيه

يبــو ثمــانٍ تشــابـه حب رمـــــاني . وعيــون ورموش وحجاجٍ حجازيه

كم مــرةٍ حــولكم والليـــل غبـــاني . ودي بجيـــك لكن ماتصــلح الجــيـه

لاصار مابه وعد واجيــلكم عـــاني . على ســلــوم المحـبــه والهــواويه

ونهايــة الهـرج تكفـا لاتنـاســــاني . هــذي ظــروفي وابي منك المعذرية

وسلامت قلوبكم

محبكم الشاعر / عبداللـه الفهادي