00قليل العرف00
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ثلاث حروف تجمعنا وتبعدنا ثمان حروف=وانا ادري فيك فاهم ماتفوتها وتفهمها لك الله مالحقني فيك شك والادخلني خوف=وانا اشوف النياق اللي تبركها توسمها لكن الناس وانت ابخص احد عاقل وحد ملقوف=وقليل العرف لاصلى صلاته مايتممها وانا مانيب من يلبس احرامه فاالحرم ويطوف=والايطاف فاالمسعى وخلق الله يداحمها انا لامن نويت احج ماقعد في حراوي نوف=والااخذ راي مرزوقه عسى ربك يسلمها اعيون تشوف وعيونن كريمه ماتحق الشوف=والايابعد شوف اللي خطوط الطول يرسمها ترى صعبة تشوف الناس وقت القاظ تلبس صوف=الامن ضاق بك صدرك وقمت النار تشعمها يحسبون السما تمطر ترى بعض الرجال اضعوف=اتكبر لقمة الدجة على ابو هييك تلقمها تشكر قبل ماتدري وش الفرسن من الغضروف=قسم بالله لو تبغا تسممها تسممها وترى اكبر غبن لاقامت عصافير البلاد اتحوف=مداهيل الحرار وفي حباريها اتقاسمها انا مدري وش المتعة تطير وريشها منتوف=تنقز قدم خلق الله الين الخلق تصدمها وانا مدري ندا وشهي والاادري عن ولد معلوف=برامج دايم القاها والاادري من يقدمها برامج لو توزعها على الصومال ميكروسوف=علشان الفقراء كل ماجاعت تيدمها عقب ماجابر الكاسر يزامل فاالغنا ووسوف=توقع لو ينشز طشت العالم عمايمها تصفق كل ماصفق ابو شلون والمكفوف=لو الموال قاطع له خريمه من يعلمها عسى ربك يزينها على كل العباد ايروف=ويستر كل خلق الله والايفضح محارمها وانا ماجيت اعلمك القرايه وانت ابو معروف=مجرد فكرة وجتني وقلت ارسم معالمها[/poem] |
صح لسانك يامقبل النداح
|
الشاعر / مقبل النــــــــــــداح
صح لسانك والهامك قصيده لايماثلها قصيده في الابداع في كل الاتجاهات تقبل مروري واعجابي أخوك الشاعر / عبدالله الفهادي |
لكن الناس وانت ابخص احد عاقل وحد ملقـوف
وقليـل العـرف لاصلـى صلاتـه مايتممـهـا وانا مانيب من يلبس احرامه فاالحـرم ويطـوف والايطـاف فاالمسعـى وخلـق الله يداحمـهـا انا لامن نويت احج ماقعد فـي حـراوي نـوف والااخذ راي مرزوقـه عسـى ربـك يسلمهـا الله الله يالنداح جزلوقصيدك جزل ،، صح لسانك لين ترضى يالقرم تحياتي لك |
صح بدنك
ياالغنامي وسلمت |
صح لسااااااااااااااااااانك
وبيض الله وجهك |
[align=center]الله الله
لكن الناس وانت ابخص احد عاقل وحد ملقـوف وقليـل العـرف لاصلـى صلاتـه مايتممـهـا صح لسانك يامقبل قصيده جميله ومعاني عذبه محكوره لك فائق الاحترام والتقدير تحياتي[/align] |
مرحبا
يااالفهادي الله لايهينك على هاالكلام الطيب شكراً لمرورك |
وانا ماجيت اعلمك القرايه وانت ابـو معـروف
.....مجرد فكـرة وجتنـي وقلـت ارسـم معالمهـا مقبل النداح انت تعرف يابو محمد رأيي فيك منذوا مبطي لاشك جزالة مقبل تستمر كما هي صح لسانك ياصديقي |
صح السانك وجزل طال عمرك
يا مقبل النداح فكر ومعنى وشعر على اصوله تحيتي لك طال عمرك اخوك |
وترى اكبر غبن لاقامت عصافير البلاد اتحـوف
مداهيـل الحـرار وفـي حباريهـا اتقاسمـهـا ياسلام ياسلام ياسلام مقبل النــداح صح الله لسانك مليوووون x مليوووون ابيات روعة وفي غاية الجمال اعجابي ومتابعتي دمت بخير |
مقبل النداح
كل عام وأنت بخير .. ابدعت وامتعت .. صح لسانك ولا هنت .. تحيّتي |
مقبل النداح
بيض الله وجهك على هذه الرائعه لله درك يارجُل أنت اهل للأبداع نص شعري راقي وحبك وسبك مميز عزف منفرد جميل جدا أرتويت شعراً هذا المساء وصدقني كل ما ضميت الى الشعر الحقيقي سوف تجدني هنا لكي ارتوي من هذا النهر الشعري العذب صح لسانك الى مالا نهايه يامبدع تقبل تحياتي |
صح السانك ملايين
وسلمت وسلم فكرك وقلبك ولااااااااااااهنت تحياتي لك |
وترى اكبر غبن لاقامت عصافير البلاد اتحـوف
مداهيـل الحـرار وفـي حباريهـا اتقاسمـهـا الله الله الله الله الله الله مقبل النداح اولاً مبارك عليك الشهر بعد الزحمه ثانياً قرأت نص فاخر لشاعر قدير و عزيز و كبير بشعره و اخلاقه لله درك و صح لسانك الف القصيده كله كوم و البيت المذكور اعلاه كوم جاز لي بالحيل :) متابعتي و اعجابي يالنداح تحيتي |
مرحبا ياعبدالله مرحبا
وجودك في متصفحي شرف لي ياطويل العمر شكراً على مرورك المميز |
صح بدنك يافايز
شكراً على مرورك |
رسالة حاميه
وشاعر يعرف كيف يتقن كتابة الشعر صح لسانك يا مقبل مدد بلا عدد ، .. |
مقبل النداح
عزالله انك كتبت وابدعت بحق ما شاءالله عليك صح الله لسانك وسلمت اعجابي ومتابعتي |
مرحبا
يامحمد مرزوق شكراً على هاالكلام الطيب والمرور المميز وتقبل تحياتي |
هذا هو الابدااااااااااااع كما سمعنا عنه
. . . . استمتعت بقرائة القصيده مع اني قرأتها اكثر من مره . . . صح لسانك ملياااااااار . . . اخوك / تركي العريدي |
مرحبا والله
حي والله ذا العين يابوصاح اخو عزيز وشاعر جزل الياعجبت فاالقصيدة يابوصالح هذي شهادة اعتز فيها وانشالله تكون بصحة جيدة انا مقصر يابوصالح لكن المعذرة لكن يعلم الله مافاالقلب من معزة لك والله لايهينك على هاالكلام الطيب |
| جميع الأوقات بتوقيت GMT +3. الساعة الآن 01:40 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية