البيت عقب ابوي ماشوف له نور
[align=center]بسم الله الرحمن الرحيم
اعزائي اعضاء منتديات المرقاب اليكم بعد السلام وعليكم هذه الابيات وهي قليل من كثير يجتال في الخاطر بعد وفات والدي رحمه الله واسكنه فسيح جناته[/align] [poem=font="Simplified Arabic,5,crimson,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"] البيت عقب ابوي ماشوف له نور=طاف(ن)عقب ماراح فالعين نوره لو ولعو لنبات سطحه مع السور= مظلم وفي كبدي سوات الحروره وصدري من العبرات والضيق محشور=والدمع من عيني تقافا احدوره علاك يالي يوم الاثنين مقبور=في منتصف افضل شهر من شهوره اي والله اني فاقداً وافي شبور=على المعزه طايلاتٍ شبوره عاش وتوفى باطيب خصال مذكور=عند المعارف ذكرها ومخبوره ناشيً على الطاعه به الصدق مخبور= وعلى الشجاعه والكرم من ظهوره لايقبل الهزله ولايشهد الزور=وبابه مشرع ياجده من يزوره ولاقول في غيره من العالم قصور=الي عليهم من مزاياه صوره الله يجبر خاطراً منه مكسور=وعسى الذنوب الي عليه مغفوره عسى الولي يجعل مقره مع الحور= في جنة الفردوس مسكٍ عطوره امين يالي بامرك الفلك مديور=يامفني(ن) خلقك وبامرك نشوره الدائم انته والمخاليق بدور=ولافيه حيً غير واصله دوره مال البنادم فالتصاريف مقدور= ونفسي على ماقدر الله صبوره مومن وراضي بالقدر خير وشرور=والخير من حظ النفوس الشكوره فالحالتين معظّم الرب مشكور=والعبد من نفسه حوادث شروره مرحوم يالي يوم الاثنين مقبور=وعلاك لو تبكي العيون معذوره[/poem][align=center] وسلامة الجميع[/align] |
ابو مقعد
الله يرحم ابوك واموات المسلمين كافه ويحسن عزاك وصح لسانك |
رحمة الله عليه
وجعل الله الجنة مثواه وصح لسانك يافهيد هذي الدنيا واحوال اهلها لادايم الا الله |
فهيد
الله يرحم ابوك ويسكنه فسيح جناته صح لسانك على المرثية |
ابو مقعد
الله يرحم ابوك واموات المسلمين كافه ويحسن عزاك وصح لسانك |
,
الله يرحم والدك يافهيد ويسكنه فسيح جناته .. آمين ابيات موجعه لأبعد مدى .. صح لسانك , |
فهيد
الله يرحمك أبوك ويسكنه فسيح جناته الله يرحمه رحمةٍ واسعه وينزله منازل الصالحين احسن الله عزاك والبقا في روسكم واللي خلف مامات والطيبين شرواك وشروى أبوك ذكرهم باقي مايموت عسى الله يغفرلهم ويسكنهم جناته تقبل تحياتي |
أخي العزيز فهيد الرويس
نسأل الله العلي العظيم ان يرحم والدك ويتجاوز عنه ويسكنه مع عباده الأبرار في جنان النعيم مرثية مؤثره كتب الله لك الاجر والحقك به في جنان النعيم وأحسن عزاك ، وصح لسانك مدد ، .. |
الاخ العزيز فهد
اسال الله العلي القدير ان يرحم والدك وان يسكنه فسيح جناته وصح لسانك على هاذي المرثية المؤثره جداااا تقبل خالص تحيتي |
فهيد الرويس .,
نسأل الله العظيم ان يسكنه فسيح الجنان ويتغمده بواسع رحمته ابيات مؤثرة صح الله لسانك |
حسى الله يرحمه برحمته
ويغفر له ذنوبه والمسلمين صح لسانك وابيات كلها احساس |
اقتباس:
يابوضيف الله الله يرحم والدينا ووالديك وجميع المسلمين تحيتي وتقديري[/align] |
اقتباس:
الله يجزاك خير يامحمد وصح بدنك لاهنت على التواجد تقبل اطيب تحيه[/align] |
الله يرحم والدك يافهيد ويسكنه في جنته ويغفر ذنوبه
ويرحم والدينا وجميع اموات المسلمين صح لسانك قصيده تستحق القرأه |
رحمه الله رحمة واسعه ,,,
واسكنه فسيح جناته ... فهيد ,,, صح لساااانك تقبل مروري المتواضع ,,, خالص مودتي ,,, |
رحمة الله عليه
وجعل الله الجنة مثواه ونسال الله ان يتغمده برحمته .. وصح لسانك يافهيد والكل زائل وانا اخوك دربٍ ممشي .. |
اخي فهيد الرويس
مرثيه مؤثره جداً الله يرحم والدك ويسكنه فسيح جناته ويعظم اجرك |
اقتباس:
ياعادل ويرحم والديناووالديك وجميع اموات المسلمين وصح بدنك تحيتي وتقديري[/align] |
اقتباس:
ياحسن والله يرحم جميع اموات المسلمين وصح بدنك تقبل اطيب تحيه [/align] |
فهيد الرويس
رحم الله والدك رحمة ً واسعة واسكنه فسيح جناته واموات المسلمين صح لسانك ولاهنت يالقرم تحياتي لك |
الله يرحم ابوك ويسكنه الجنّه يا فهيد
عزالله انك رثيت صح الله لسانك وسلمت |
الغالي فهيد
الله يرحم شايبنا ووالدنا مقعد بن فهيد والحمد لله على قضاه وأمره ,, |
| جميع الأوقات بتوقيت GMT +3. الساعة الآن 12:48 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية